ഗവ. എച്ച്.എസ്.എസ്. ആന്റ് വി.എച്ച്.എസ്.എസ്. കടമക്കുടി/എന്റെ ഗ്രാമം
കടമക്കുടി
കടമക്കുടി ലഘുവിവരണം
എറണാകുളം ജില്ലയിലെ വൈപ്പിൻ നിയോജകമണ്ഡലത്തിലെ 14 ദ്വീപുകൾ അടങ്ങിയ പഞ്ചായത്താണ് കടമക്കുടി . വടക്ക് ഏഴിക്കര , വരാപ്പുഴ പഞ്ചായത്തുകളും കിഴക്ക് ചേരാനല്ലൂർ പഞ്ചായത്തും പടിഞ്ഞാറ് ഞാറയ്ക്കൽ ,നായരമ്പലം പഞ്ചായത്തുകളും തെക്ക് മുളവുകാട് ഗ്രാമപഞ്ചായത്തുമാണ്.
2011 സെൻസസ് പ്രകാരം 16451ജനസംഖ്യ ഉണ്ട് .പഞ്ചായത്തുകളെ അപേക്ഷിച്ച് ഏറെ പിന്നിലായിരുന്നിടത്തുനിന്ന് ഇപ്പോൾ പുരോഗതിയിലേക്ക് വന്നുകൊണ്ടിരിക്കുകയാണ് കടമക്കുടി .ജനവാസ യോഗ്യമായ പ്രദേശം വളരെ കുറവാണ്. 1914 ചെറിയൊരു കെട്ടിടത്തിലാണ് LP വിഭാഗം സ്കൂൾ പ്രവർത്തനം തുടങ്ങിയത്. സെന്റ് അഗസ്റ്റിൻ പള്ളിയുടെ ഉടമസ്ഥതയിൽ ഉള്ള കെട്ടിടത്തിലായിരുന്ന സ്കൂൾ .1970 യുപി ആക്കി ഉയർത്തുകയും നാട്ടുകാരുടെ സഹായത്തോടെ പുതിയ കെട്ടിടം പണിത് ഇപ്പോൾ ഇരിക്കുന്ന ഭാഗത്തേക്ക് മാറുകയും ചെയ്തു.1974 HS വിഭാഗവും 1984 VHSE വിഭാഗവും രണ്ടായിരത്തിൽ HSS വിഭാഗവും പ്രവർത്തനമാരംഭിക്കുകയും ചെയ്തു.
സമുദ്ര തീരത്തോട് ചേർന്നുകിടക്കുന്ന പാടശേഖരങ്ങൾ ,ഉപ്പ് രസം അടങ്ങിയ മണ്ണ് എന്നിവ കടമക്കുടി യുടെ പ്രത്യേകതകളാണ്.കേരളത്തിൽ ആകെയുള്ള 3000 ഹെക്ടർ പൊക്കാളി പാടത്തിൽ നല്ലൊരു ശതമാനം എറണാകുളം ജില്ലയിലെ കടമക്കുടി യിലാണ്.ജൈവ രീതിയിലുള്ള ഇവിടത്തെ നെൽകൃഷിയിൽ അഞ്ചുമാസം പൊക്കാളി നെൽകൃഷിയും അഞ്ചുമാസം ചെമ്മീൻ കെട്ടും മറ്റു സ്ഥലങ്ങളിലെ കൃഷിയിൽനിന്നും കടമക്കുടിയെ വ്യത്യസ്തയാക്കുന്നു.ഇതിന്റെ നെല്ല് മാംസൃ സമ്പുഷ്ടവും ഔഷധഗുണം ഉള്ളവയുമാണ്.പരിസ്ഥിതിയുടെ സന്തുലനാവസ്ഥ നിലനിർത്തുന്ന രീതിയാണീ തണ്ണീർത്തടത്തിന്റെ പ്രത്യേകത.വിവിധ തരം കൊക്കുകൾ ,എരണ്ടകൾ, കടൽ കാക്കകൾ , നെല്ലിക്കോഴി എന്നിവ ഇവിടെ നിത്യ സന്ദർശകരായി എത്തുന്നു.വിദേശത്തുനിന്നും ഉള്ള പക്ഷികൾ ആഗസ്റ്റ് മാസം മുതൽ ഇവിടത്തെ പാടങ്ങളിൽ എത്തുകയും ഏപ്രിൽ-മെയ് യോടെ തിരികെ പോവുകയും ചെയ്യുന്നു.ദേശാടന പക്ഷികളുടെ ഇഷ്ട വിഹാരകേന്ദ്രമാണ് കടമക്കുടി . ഇവിടെ എത്തുന്ന ചില പക്ഷികളാണ് നാകമോഹൻ ,ഫ്ലമിംഗോ, ചെറിയ ചൂളാൻ എരണ്ട, പെലിക്കൻ , പുള്ളിച്ചുണ്ടൻ താറാവ്,ലിറ്റിൽ റിംഗ് ട് പ്ലോവർ , പുഴ ആള, സാൻഡ് പൈപ്പർ സ് , ഗൾ സ് ,രാജഹംസം എന്നിവ
വർഷങ്ങൾക്കു മുമ്പ് ഈ ദ്വീപിൽ എത്തിപ്പെടാൻ ബുദ്ധിമുട്ടുകൾ വളരെയധികം ആവുകയും വന്നാൽ ത്തന്നെ തിരികെ പോകാൻ വഞ്ചികൾ ലഭിക്കാതെ വന്ന് ഇവിടെ കുടുങ്ങി പോകുന്ന സ്ഥിതിവിശേഷവും നിലനിന്നിരുന്നു.ഇതുമൂലം ചില രസികർ 'കടന്നാൽ കുടുങ്ങി ' എന്നും പറഞ്ഞിരുന്നു.' കടൽ മുക്കുവരുടെ കുടി' , ' കടലോര ക്കുടി 'എന്നിവ ലോപിച്ച് കടമക്കുടി ആയി എന്നും പറയപ്പെടുന്നു.അക്കാലത്ത് കടൽതീരത്ത് മീൻ പിടിച്ച് നടന്നവരുടെ ദേശമായിരുന്നു കടമക്കുടി .എന്നാൽ ഇന്ന് ഇവിടെ ധാരാളം സർക്കാർ സ്ഥാപനങ്ങൾ സ്ഥിതി ചെയ്യുന്നു . അതിൽ പ്രധാനപ്പെട്ടത് സർക്കാർ വിദ്യാലയവും, ആശുപത്രിയും ആണ് .ഈ ദ്വീപുകളിൽ തന്നെ ഏറ്റവും വലിയ ദ്വീപായ വലിയ കടമക്കുടിയിലാണ് സർക്കാർ വിദ്യാലയവും ആയുർവേദ ആശുപത്രിയും സ്ഥിതിചെയ്യുന്നത്.വരാപ്പുഴ നിന്നും ഇപ്പോൾ വലിയ കടമക്കുടിയിലേക്ക് റോഡ് സൗകര്യം ഉള്ളതിനാൽ ധാരാളം സഞ്ചാരികൾ ഇവിടുത്തെ മനോഹരമായ കാഴ്ച കാണാനായി എത്തിച്ചേരുന്നു.മത്സ്യബന്ധനവും നെൽകൃഷിയും തൊഴിലായി സ്വീകരിച്ച നാനാജാതിമതസ്ഥരായ ജനങ്ങൾ സ്നേഹത്തോടും സൗഹാർദ്ദത്തോടെ കൂടി ഇവിടെ ജീവിച്ചുപോരുന്നു.
കടമക്കുടിയുടെ ചരിത്രം ബഹുമാനപ്പെട്ട ജില്ലാ പഞ്ചായത്ത് പ്രസിഡൻറ് ശ്രീ ഉല്ലാസ് തോമസ് പ്രകാശനം ചെയ്യുന്നു.
