ഗവ. എച്ച്.എസ്.എസ്. അയ്യൻ കോയിക്കൽ/സ്റ്റൂഡന്റ് പോലീസ് കാഡറ്റ്

എസ് പി സി യൂണിറ്റ് പ്രവർത്തനങ്ങൾ

പാസ്സിംഗ് ഔട്ട് പരേഡ്

അയ്യൻ കോയിക്കൽ ഗവ.ഹയർ സെക്കൻ്ററി സ്കൂളിലെ SPC സീനിയർ കേഡറ്റുകളുടെ പാസ്സിംഗ് ഔട്ട് പരേഡ് 2022 മാർച്ച് 6 ഞായറാഴ്ച രാവിലെ 9 മണിക്ക് സ്കൂളിൽ വച്ചു നടന്നു.ബഹുമാനപ്പെട്ട ചവറ എം എൽ എ ,ഡോ.സുജിത് വിജയൻ പിളള സല്യൂട്ട് സ്വീകരിച്ചു.കഴിഞ്ഞ വർഷം നടക്കേണ്ടിയിരുന്ന SPC മൂന്നാം ബാച്ചിൻ്റെ പാസ്സിംഗ് ഔട്ട് പരേഡ് ആണ് നടന്നത്.പ്രൗഡ ഗംഭീരമായ പാസ്സിംഗ് ഔട്ട് പരേഡ് ജനപങ്കാളിത്തം കൊണ്ട് ശ്രദ്ധേയമായി.കേഡറ്റുകൾക്കുള്ള പുരസ്ക്കാര വിതരണം ബഹു. MLA നടത്തി.ചടങ്ങിൽ തെക്കുംഭാഗം പോലീസ് സ്റ്റേഷൻ ISHO ശ്രീ. ദിനേശ് കുമാർ, ജില്ലാ പഞ്ചായത്ത് അംഗം ശ്രീ. S. സോമൻ, തേവലക്കര ഗ്രാമപഞ്ചായത്ത് പ്രസിസ്റ് ശ്രീമതി സിന്ധു,ചവറ ബ്ലോക്ക് പഞ്ചായത്ത് അംഗം ശ്രീ.ജോസ് വിമൽരാജ്, തേവലക്കര ഗ്രാമ പഞ്ചായത്ത് അംഗം ശ്രീമതി ഫാത്തിമാ കുഞ്ഞ്, SPC കൊല്ലം സിറ്റി ADNO ശ്രീ.അനിൽകുമാർ,പ്രിൻസിപ്പാൾ ശ്രീമതി പ്യാരി നന്ദിനി, ഹെഡ്മിസ്ട്രസ് ശ്രീമതി ആശാജോസ്, പി.ടി.എ പ്രസിഡൻറ് ശ്രീ .ഷിഹാബ് കാട്ടുകുളം, SMC ചെയർമാൻ ശ്രീ.ജി.കൃഷ്ണകുമാർ തെക്കുംഭാഗം പോലീസ് സ്റ്റേഷൻ സബ് ഇൻസ്പെക്ടർ ശ്രീ.സുജാതൻ പിള്ളഎന്നിവർ സന്നിഹിതരായി. അയ്യൻ കോയിക്കൽ SPC യൂണിറ്റ് CPO, ശ്രീ എമേഴ്സൺ, ACPO ശ്രീമതി പ്രേമാപിള്ള, ഡ്രിൽ ഇൻസ്ട്രക്ടർമാരായ ശ്രീ.ഹരി, ശ്രീമതി പ്രസന്നകുമാരി എന്നിവർ ചടങ്ങിന് നേതൃത്വം നൽകി.

ഉയർത്തെഴുന്നേൽപ്പ്

അയ്യൻകോയിക്കൽ എസ് പി സി യൂണിറ്റ് കൊല്ലം സിറ്റിയിലെ മികച്ച യൂണിറ്റുകളിലൊന്നാണ്.എസ് പി സി യുടെ തനതു പ്രവർത്തനങ്ങളിൽ മികവാർന്നവ കാഴ്ചവയ്ക്കുന്നതിനൊപ്പം വേറിട്ട പ്രകടനങ്ങളും നമ്മുടെ കുട്ടികൾ കാഴ്ചവയ്ക്കുന്നു.സ്ത്രീധനം എന്ന സമൂഹ വിപത്തിനെതിരെ തയ്യാറാക്കിയ 'ഉയർത്തെഴുന്നേൽപ്പ്' എന്ന ടെലിഫിലിം സംസ്ഥാന തലത്തിൽ തന്നെ ശ്രദ്ധ പിടിച്ചു പറ്റി. ക്വിസ് മൽസരങ്ങൾ, ലേഖന മൽസരങ്ങൾ എന്നിവയിൽ പങ്കെടുക്കുന്നതിനൊപ്പം Learn To Serve എന്ന ആപ്തവാക്യം സാർത്ഥകമാക്കുന്നതിനായി ഒരു വയറൂട്ടാം, പുത്തൻ ഉടുപ്പും പുസ്തകവും തുടങ്ങി ഭക്ഷണവും വസ്ത്രവും പുസ്തകവുമൊക്കെയായി എസ് പി സി കേഡറ്റ്സ് കോവിഡ് അതിജീവന പദ്ധതിയിൽ അതീവ താത്പര്യത്തോടെ പങ്കാളികളായി. വിവിധ ദിനാചരണങ്ങളിൽ എസ് പി സി കേഡറ്റ്സിൻ്റെ പങ്കാളിത്തവും ശ്രദ്ധേയമാണ്.

വാട്ട്സ്ആപ്പ് റേഡിയോ

അയ്യൻകോയിക്കൽ SPC യൂണിറ്റ് 2021 ജനുവരി 1 മുതൽ എല്ലാ ദിവസവും മുടങ്ങാതെ സംപ്രേഷണം ചെയ്തു വരുന്ന അയ്യൻകോയിക്കൽ SPC വാട്ട്സ്ആപ്പ് റേഡിയോ സംസ്ഥാന തലത്തിൽ തന്നെ പ്രശംസ ഏറ്റുവാങ്ങിയിട്ടുണ്ട്. വാർത്തകൾക്കൊപ്പം എല്ലാ ദിവസവും 10 GK Questions കൂടി ഉൾക്കൊള്ളിക്കുകയും ഈ ചോദ്യങ്ങളുടേയും ഉത്തരങ്ങളുടേയും Text എല്ലാ ക്ലാസ്സ് ഗ്രൂപ്പുകളിലേയ്ക്കും ക്ലാസ്സ് അധ്യാപകർ വഴി അയച്ചു നൽകുന്നു.ഈ ചോദ്യങ്ങളെ അടിസ്ഥാനമാക്കി എല്ലാ തിങ്കളാഴ്ചയും ഒരു Quiz Competition ക്ലാസ്സ് തലത്തിൽ നടത്തിവരുന്നു.