നന്മയെഴുന്നൊരു നാട് പുണ്യമിയന്നൊരു നാട്
സ്നേഹത്തിൻ തിലകക്കുറിയണിഞ്ഞുള്ളൊരീ
സാന്ത്വനം നിറയുമെൻ നാട്
എന്റെ കേരള നാട്
പ്രളയത്തിൽ തളരാതെ നീന്തിക്കയറിയ
ചങ്കുറപ്പുള്ളൊരീ നാട്
പ്രാണൻ ത്യജിക്കുവാൻ സന്മനസുള്ളൊരീ
കടലിന്റെ മക്കളിൻ നാട്
എന്റെ കേരള നാട്
കണ്ണുനീരിനെ വൈഡൂര്യക്കല്ലാക്കും
മാലോകരുള്ളൊരീ നാട്
നിപ്പയും കോവിഡും ഒന്നിച്ചു നേരിടാൻ
ഒരുമയിൽ നിന്നൊരു നാട്
എന്റെ കേരള നാട്
കൈകോർത്തു നിന്നിടാം
ഒന്നായി നേരിടാം
കീഴടക്കിടാം വിപത്തുകൾ ധീരമായ്
പങ്കുവച്ചീടാം മറികടന്നീടാം
വീണ്ടെടുത്തീടാം നമുക്കീ നാടിനെ.
