ഗവ.എൽ.പി.എസ് മഞ്ഞിനിക്കര/ചരിത്രം

മഞ്ഞിനിക്കരയിലെ ആദ്യകാല വിദ്യാഭ്യാസ സ്ഥാപനങ്ങളിൽ ഒന്നാണ് ഇന്നത്തെ ഈ വിദ്യാലയം. ഈ നാട്ടിലെ പെൺകുട്ടികൾക്ക് വിദ്യാഭ്യാസം ചെയ്യുന്നതിന്അന്ന് യാതൊരു മാർഗവും ഉണ്ടായിരുന്നില്ല. നല്ലവരായ നാട്ടുകാരുടെ ശ്രമഫലമായി 1831 -46 കാലഘട്ടത്തിൽ ശ്രീ സ്വാതിതിരുനാൾ മഹാരാജാവിന്റെ കാലഘട്ടത്തിൽ ഈ സ്കൂൾ സ്ഥാപിക്കപ്പെട്ടു.

വലിയ കോയിക്കൽ തമ്പുരാക്കന്മാർ ഇപ്പോൾ തടിമില്ല് സ്ഥിതി ചെയ്യുന്ന സ്ഥലം സ്കൂളിന് വിട്ടു കൊടുത്തു. ഒരു ഓലഷെഡിൽ സ്കൂൾ പ്രവർത്തനമാരംഭിച്ചു. ഒന്നുമുതൽ അഞ്ചുവരെ ക്ലാസുകളാണ്പ്രാരംഭഘട്ടത്തിൽ ഉണ്ടായിരുന്നത്. ഈ നാട്ടിലെ ഗോവിന്ദപിള്ള സാറായിരുന്നു ഹെഡ്മാസ്റ്റർ.

മഴക്കാലത്ത് ആറ്റു വെള്ളം കയറുന്ന സ്ഥലമായിരുന്നു അത്. അതുകൊണ്ട് ഇപ്പോൾ സ്കൂൾ സ്ഥിതി ചെയ്യുന്ന സ്ഥലം കോയിക്കൽ തമ്പുരാക്കന്മാർ ദാനംചെയ്തു.നാട്ടിലെ മാന്യ വ്യക്തികളുടെ ശ്രമഫലമായി ചാണകം മെഴുകിയ തറയുംഓല മേഞ്ഞ മേൽക്കൂരയും അരഭിത്തിയും ഉള്ള കെട്ടിടത്തിൽ സ്കൂൾ പ്രവർത്തനമാരംഭിച്ചു. കുറെ വർഷങ്ങൾക്കു ശേഷംസ്കൂൾകെട്ടിടം നിലംപതിച്ചു.അന്നുമുതൽ അടുത്തുള്ള എൻഎസ്എസ് കരയോഗം കെട്ടിടത്തിൽ ക്ലാസ്സുകൾ നടന്നു. പെൺകുട്ടികൾക്ക് മാത്രമായിരുന്നു പ്രവേശനം. തുടർന്ന് ഗവൺമെന്റ് സഹായത്തോടെയും നാട്ടിലെ നല്ലവരായ ജനങ്ങളുടെ ശ്രമദാനത്തിന്റെയും ഫലമായി ഇപ്പോഴുള്ള സ്കൂൾ കെട്ടിടം നിലവിൽ വന്നു. മൂന്ന് ക്ലാസ്സ്‌ മുറികളും ഓഫീസ് റൂമും ഉൾപ്പെടുന്നു.

സ്കൂൾ റെക്കോർഡ് അനുസരിച്ച് മലയാള വർഷം 1087 ൽ രണ്ടു കുട്ടികൾ പഠനം നടത്തിയതായി കണ്ടു. വിദ്യാഭ്യാസം സാർവ്വത്രികമാ ക്കിയതിനുശേഷം മലയാളവർഷം 1114ൽ ആൺ കുട്ടികൾക്ക് പ്രവേശനം നൽകി. 1958ൽ ഏറ്റവും കൂടുതൽ കുട്ടികൾ സ്കൂളിൽ ചേർന്നതായി കാണുന്നു. വിദ്യാഭ്യാസ മന്ത്രി ആയിരുന്ന ശ്രീ. ജോസഫ് മുണ്ടശ്ശേരി യുടെ ഭരണപരിഷ്കാര ത്തിൽ അഞ്ചാം ക്ലാസ് നിർത്തലാക്കി.

ഈ സ്കൂളിൽ വിദ്യാഭ്യാസം തുടങ്ങി ഉന്നത വിദ്യാഭ്യാസം നേടിയ ധാരാളം ഉന്നതർ ഈ നാട്ടിലുണ്ട്.ഡോക്ടർമാർ,ഓഫീസർമാർ, അധ്യാപകർ, ശാസ്ത്രജ്ഞർ, രാഷ്ട്രീയ പ്രമുഖർ തുടങ്ങി നിരവധി പേർ ഇക്കൂട്ടത്തിൽപ്പെടുന്നു.