ഗവ.എച്ച്.എസ്.എസ്, ചിറ്റാർ/സൗകര്യങ്ങൾ

പത്ത് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5കെട്ടിടങ്ങളിലായി 22ക്ലാസ് മുറികളും ഹയർ സെക്കണ്ടറിക്ക് 2 കെട്ടിടത്തിലായി 12 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.കിഴക്കൻ മലയോര മേഖലയായ ചിറ്റാർ, സീതത്തോട്, ആങ്ങമൂഴി, വയ്യാറ്റുപുഴ തുടങ്ങിയ പ്രദേശങ്ങൾക്ക് ഉപകാരപ്രദമാക്കാവുന്ന

ഈ മൈതാനം വികസനം കാത്ത് കിടക്കുവാൻ തുടങ്ങിയിട്ട് കാലമേറെയായി. കൂടാതെ ബാസ്കറ്റ് ബോൾ, വോളിബോൾ തുടങ്ങിയ ഗെയിമുകൾ പരിശീലിക്കുന്നതിന് അനുയോജ്യമായ ഒരു ഗ്രൗണ്ട് കൂടി ഈ സ്കൂളിനുണ്ട്. അത് ലറ്റിക്സിലും ഗെയിംസിലും സംസ്ഥാന-ദേശീയതലങ്ങളിൽ മികവ് തെളിയിച്ച കായികതാരങ്ങൾ ഈ വിദ്യാലയത്തിൽ ഉണ്ടായിരുന്നു.

ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം 25 കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്. വിജ്ഞാന പ്രദങ്ങളായ ധാരാളം പുസ്തകങ്ങൾ ഉൾക്കൊള്ളുന്ന ലൈബ്രറി, 200 കുട്ടികൾക്ക് ഒരേ സമയം പ്രയോജനപ്പെടുത്താവുന്ന മൾട്ടി മീഡിയ റൂം ,വൈ-ഫൈ സൗകര്യത്തോടു കൂടിയ സ്മാർട്ട് ക്ലാസ് റൂം ,ലബോറട്ടറികൾ എന്നിവ സ്‌കൂളിന്റെ ഭൗതിക സാഹചര്യങ്ങളിൽ ഉൾപ്പെടുന്നു .