ഗവ.എച്ച്.എസ്സ്.എസ്സ്,വലിയഴീയ്ക്കൽ/പ്രവർത്തനങ്ങൾ/2025-26

പ്രവേശനോത്സവം 2025 - 26

ഗവൺമെൻറ് എച്ച്എസ്എസ് വലിയഴീക്കൽ സ്കൂളിൽ 2025 26 വർഷത്തെ സ്കൂൾ പ്രവേശനോത്സവം , ജൂൺ 2 തിങ്കളാഴ്ച രാവിലെ 10 മണിക്ക് ബഹുമാനപ്പെട്ട ജില്ലാ പഞ്ചായത്ത് പ്രസിഡൻറ് ജോൺ തോമസ് അവർകൾ ഉദ്ഘാടനം ചെയ്തു.

ആറാട്ടുപുഴ ഗ്രാമപഞ്ചായത്ത് പ്രസിഡൻറ് ശ്രീ എൻ സജീവൻ മുഖ്യപ്രഭാഷണം നടത്തി

വാർഡ് മെമ്പർ രശ്മി രഞ്ജിത്ത് , എസ് എം സി ചെയർമാൻ ശ്രീ സാബു , ശ്രീ അൻസാർ, ശ്രീ രഘു എസ്. (സ്റ്റാഫ് പ്രതിനിധികൾ),മുൻ എച്ച്.എം. ശ്രീമതി ഗാഥ ഐ എന്നിവർ ആശംസ പ്രസംഗം നടത്തി.തുടർന്ന് ഒന്നഴക് അവാർഡ് ജേതാവായ ശ്രീമതി പ്രീജ യൂ വിനെ ആദരിക്കുകയും എസ്എസ്എൽസി പരീക്ഷയിൽ ഉന്നത വിജയം നേടിയ കുട്ടികൾക്ക് സമ്മാനം വിതരണം നടത്തുകയും ചെയ്തു.തുടർന്ന് കുട്ടികളുടെ കലാപരിപാടികൾ നടത്തി .മധുരം വിതരണം ചെയ്തു . തുടർന്ന് സീനിയർ അസിസ്റ്റൻറ് ശ്രീമതി ശാന്തി എസ് കൃതജ്ഞത രേഖപ്പെടുത്തി.

പരിസ്ഥിതിദിനം

ഈ വർഷത്തെ പരിസ്ഥിതി ദിനം ജൂൺ അഞ്ചിന് വിപുലമായി സ്കൂളിൽ ആചരിച്ചു. സ്പെഷ്യൽ അസംബ്ലി നടത്തി പരിസ്ഥിതി ദിന പ്രാധാന്യം പങ്കുവെച്ചു. കുട്ടികൾ കൊണ്ടുവന്ന വൃക്ഷത്തൈകൾ സ്കൂൾ പരിസരത്ത് നടുകയുണ്ടായി. തുടർന്ന് കുട്ടികൾ തയ്യാറാക്കി കൊണ്ടുവന്ന പോസ്റ്ററുകൾ ഉൾപ്പെടുത്തി പ്രദർശനം നടത്തി.

വിദ്യാരംഗം പ്രവർത്തനോദ്ഘാടനവും വായനമാസാചരണവും

_________

ജൂൺ 19 ജിഎച്ച്എസ് വലിയഴീക്കലിൽ വായനമാസാചരണവും വിദ്യാരംഗം പ്രവർത്തനോദ്ഘാടനവും നടത്തി.ബഹു പി.ടി.എ പ്രസിഡൻറിൻറെ അധൃക്ഷതയിൽ കൂടിയ യോഗത്തിൽ ശ്രീ അബ്ദുൽ ലത്തീഫ് സർ വായനദിന ഉദ്ഘാടനം നടത്തി.ശ്രീ നിയാസ് സർ വിദ്യാരംഗം ക്ലബിന്റെ ഉദ്ഘാടനം നടത്തി.എച്ചം എം ആശംസകൾ അറിയിച്ചു .

ലഹരിവിരുദ്ധദിനാചരണം 2025

വലിയഴീക്കൽ ഗവൺമെന്റ് ഹയർ സെക്കൻഡറി സ്കൂളിൽ ലഹരിവിരുദ്ധ ദിനാചരണം; സിഗ്നേച്ചർ കാമ്പയിനും തുടക്കമായി

അന്താരാഷ്ട്ര ലഹരിവിരുദ്ധ ദിനത്തോടനുബന്ധിച്ച് വലിയഴീക്കൽ ഗവൺമെന്റ് ഹയർ സെക്കൻഡറി സ്കൂളിൽ വിപുലമായ പരിപാടികളോടെ ലഹരിവിരുദ്ധ ദിനാചരണം സംഘടിപ്പിച്ചു. 2025 ജൂൺ 26-ന് നടന്ന പരിപാടിയിൽ വിദ്യാർത്ഥികളും അധ്യാപകരും രക്ഷിതാക്കളും പങ്കെടുത്തു. മുഖ്യമന്ത്രിയുടെ ലഹരിവിരുദ്ധ ദിന സന്ദേശം കുട്ടികളെ കാണിക്കുകയും, ലഹരിമുക്ത സമൂഹത്തിനായി കുട്ടികൾ പ്രതിജ്ഞയെടുക്കുകയും ചെയ്തു.

സ്കൂൾ ഹെഡ്മിസ്ട്രസ്സ് ശ്രീമതി കെ.ബി. ശ്രീകല അധ്യക്ഷത വഹിച്ച ചടങ്ങിൽ പിടിഎ പ്രസിഡന്റ്‌ എ. ശിവൻകുഞ്ഞ് ഉദ്ഘാടനം നിർവഹിച്ചു. ലഹരിയുടെ ദൂഷ്യവശങ്ങളെക്കുറിച്ചും യുവതലമുറ നേരിടുന്ന വെല്ലുവിളികളെക്കുറിച്ചും അദ്ദേഹം സംസാരിച്ചു.

ആലപ്പുഴ ഗവൺമെന്റ് ഡെന്റൽ കോളേജിലെ സീനിയർ റെസിഡന്റ് ഡോ. അശ്വിനി ലഹരിവിരുദ്ധ ദിന സന്ദേശം നൽകി. ലഹരി ഉപയോഗം ദന്താരോഗ്യത്തെ എങ്ങനെ ബാധിക്കുന്നു എന്നതിനെക്കുറിച്ചും ആരോഗ്യകരമായ ജീവിതശൈലിയുടെ പ്രാധാന്യത്തെക്കുറിച്ചും ഡോക്ടർ വിശദീകരിച്ചു. തുടർന്ന്, ഡോ. അശ്വിനിയുടെ നേതൃത്വത്തിൽ ഗവൺമെന്റ് ഡെന്റൽ കോളേജിലെ ഡോക്ടർമാർ വിദ്യാർത്ഥികൾക്കായി ദന്തപരിശോധന ക്യാമ്പ് നടത്തി.

പരിപാടിക്ക് ആശംസകൾ അർപ്പിച്ച്അധ്യാപകരായ നിയാസും ഡോ. ബിനീഷും സംസാരിച്ചു.

ലഹരിവിരുദ്ധ സന്ദേശങ്ങൾ ഉൾക്കൊണ്ട് കുട്ടികൾ വിവിധ കലാപരിപാടികൾ അവതരിപ്പിച്ചു.

വിമുക്തി കോർഡിനേറ്റർ മാഹീൻ അബൂബക്കർ എ.സ്വാഗതവും സ്കൂൾ കൗൺസിലർ ജ്യോതി ലക്ഷ്മി നന്ദിയും രേഖപ്പെടുത്തി.

ക്ലാസ്സ് 1 പ്രവർത്തനങ്ങൾ

ക്ലാസ്സ് 1
std1-കുമ്പളപ്പാട്ട്ദൃശ്യാവിഷ്കാരം
class1-koottezhuthu

ആശംസാകാർഡ് നിർമാണം-ക്ലാസ്സ് 2

ചാന്ദ്രദിനം

ജൂലൈ 21 ചാന്ദ്രദിനം സ്കൂളിൽ വിപുലമായി ആചരിച്ചു. എല്ലാ ക്ലാസ്സുകളിലും ക്ലാസ് റൂം തല പ്രവർത്തനങ്ങൾ നടത്തി. എൽ പി, യു പി, ഹൈസ്കൂൾ തലങ്ങളിൽ ചാന്ദ്രദിനത്തോടനുബന്ധിച്ചുള്ള ക്വിസ് മത്സരങ്ങൾ നടത്തി.

ഹിരോഷിമ,നാഗസാക്കി ദിനം

ഓഗസ്റ്റ് 6 ഹിരോഷിമ ദിനം, ഓഗസ്റ്റ് 9 നാഗസാക്കി ദിനം എന്നിവ സോഷ്യൽ സയൻസ് ക്ലബ്ബിൻറെ നേതൃത്വത്തിൽ വിവിധ പരിപാടികളോടെ നടത്തുകയുണ്ടായി. സ്പെഷ്യൽ അസംബ്ലി കൂടി സമാധാനന്തരീക്ഷം സൃഷ്ടിക്കുന്നതിൽ നമ്മുടെ പ്രാധാന്യവും നമ്മുടെ കടമകളും കുട്ടികൾക്ക് പറഞ്ഞുകൊടുത്തു . പോസ്റ്റർ രചനാ മത്സരങ്ങൾ എല്ലാ വിഭാഗത്തിലും നടത്തി, പങ്കെടുത്തവരുടെ പോസ്റ്ററുകൾ പ്രദർശിപ്പിച്ചു. ഇതിനോട് അനുബന്ധിച്ച് ക്വിസ് മത്സരങ്ങൾ നടത്തുകയും വിജയികളെ കണ്ടെത്തി അനുമോദിക്കുകയും ചെയ്തു.

സ്കൂൾ പാർലമെന്റ് ഇലക്ഷൻ 2025

ഓഗസ്റ്റ് 14 വ്യാഴാഴ്ച സ്കൂൾ പാർലമെന്റ് ഇലക്ഷൻ ഭംഗിയായി നടത്തുകയുണ്ടായി. പൂർണമായും സോഫ്റ്റ്‌വെയർ അധിഷ്ഠിതമായ തെരഞ്ഞെടുപ്പ് പ്രക്രിയ ആയിരുന്നു. തിരഞ്ഞെടുപ്പ് ചുമതല ഉള്ള സുമേഷ് സാർ റിട്ടേണിംഗ് ഓഫീസർ ആയും ക്ലാസ് ടീച്ചർമാർ പ്രിസൈഡിങ് ഓഫീസർമാരായും ചാർജുകൾ വഹിച്ചു. കുട്ടികളുടെ പ്രതിനിധികൾ തന്നെ ഫസ്റ്റ് സെക്കൻഡ് തേർഡ് പോളിംഗ് ഓഫീസർമാരുടെ ധർമ്മം നിറവേറ്റി. തുടർന്ന് സ്കൂൾ പാർലമെൻറ് അധികാരികളെ തെരഞ്ഞെടുത്തു.

Election 2025

പേവിഷബാധബോധവത്കരണം

ആരോഗ്യവകുപ്പിന്റെ നേതൃത്വത്തിൽ പേവിഷബാധയ്ക്ക് എതിരെയുള്ള ബോധവൽക്കരണ ക്ലാസ് ജൂൺ 30ന് വലിയഴീക്കൽ സ്കൂളിൽ വച്ച് നടത്തുകയുണ്ടായി. ആറാട്ടുപുഴ പ്രൈമറി ഹെൽത്ത് സെന്ററിലെ ഹെൽത്ത് ഇൻസ്പെക്ടർ രതീഷ് സാർ സ്കൂൾ അസംബ്ലിയിൽ കുട്ടികൾക്ക് പേവിഷബാധയെക്കുറിച്ച് വിശദീകരിച്ചു.

സ്വാതന്ത്ര്യദിനാഘോഷം 2025

ഓഗസ്റ്റ് 15 സ്വാതന്ത്ര്യ ദിനം വലിയഴീക്കൽ സ്കൂളിൽ ഭംഗിയായി ആചരിച്ചു .രാവിലെ പതാക ഉയർത്തൽ നടത്തി. എസ് എം സി ചെയർമാൻ, സ്കൂൾ പ്രിൻസിപ്പൽ, എച്ച് എം, അസിസ്റ്റൻറ് എസ് ഐ അരുൺകുമാർ സാർ എന്നിവർ ചടങ്ങിൽ പങ്കെടുത്തു തുടർന്ന് കുട്ടികളുടെ വിവിധ കലാപരിപാടികൾ അവതരണം നടത്തി. പായസം വിതരണം നടത്തുകയുണ്ടായി. സോഷ്യൽ സയൻസ് ക്ലബ് കൺവീനർ സുമേഷ് സാർ പരിപാടിക്ക് നേതൃത്വം നൽകി.