ഗവൺമെൻറ് എൽ .പി .എസ്.മുള്ളറംകോട്/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
കൊല്ലവർഷം 1103-ാം ആണ്ട് 1928 ഇടവമാസത്തിൽ മുള്ളറംകോട് പട്ടർ വിളയിൽ ശ്രീമാൻ ശങ്കരപ്പിള്ള ആരംഭിച്ച സ്വകാര്യ വിദ്യാലയം ശങ്കര വിലാസം എലിമെന്ററി സ്കൂൾ എന്നറിയപ്പെട്ടു. ഇന്ന് നിലവിലുള്ള സ്കൂളിന് തെക്കുമാറി ഒരു താൽക്കാലിക ഷെഡ്ഡുണ്ടാക്കി അതിലായിരുന്നു പ്രവർത്തനം. അധികം താമസിയാതെ ഒരു കെട്ടിടം പണിത് സ്കൂൾ അങ്ങോട്ടു മാറ്റി.
മുള്ളറംകോട് പ്രദേശത്തുള്ള ഉന്നത കുലജാതരായ നായന്മാർ, ഉണ്ണിത്താന്മാർ, കുറുപ്പന്മാർ എന്നിവരെ പഠിപ്പിക്കുകയായിരുന്നു ലക്ഷ്യം. ഈഴവ സമുദായ അംഗങ്ങളേയും സ്കൂളിൽ ചേർത്ത് പഠിപ്പിച്ചിരുന്നതായി സ്കൂൾ രജിസ്റ്ററിൽ കാണുന്നു. കല്ലമ്പലത്തിനടുത്തു സ്ഥിതി ചെയ്യുന്ന ഈ സ്‌കൂളിനെ മാവിന്മൂട്എൽ പി എസ് എന്നാണ് അറിയപ്പെടുന്നത്.സ്‌കൂളിലെ ആദ്യത്തെ അദ്ധ്യാപകൻ ശ്രീമാൻ പരമു മാസ്റ്റർ.ശാരദാമ്മയാണ്ആദ്യത്തെ വിദ്യാർത്ഥി .ശ്രീ ശങ്കരപ്പിള്ളയുടെ കാലശേഷം ശ്രീമാൻ നീലകണ്ഠപിള്ള സ്കൂൾ മാനേജരായി.1948 -ൽ സ്കൂൾ സർക്കാരിന് സറണ്ടർ ചെയ്തു .ഇപ്പോൾ സ്കൂളിൽ എൽ.പി .വിഭാഗത്തിൽ 11 അധ്യാപകരും പ്രൈമറി വിഭാഗത്തിൽ രണ്ട് അധ്യാപകരും മറ്റുജീവനക്കാരും ഉൾപ്പെടെ 16 പേർ സേവനം അനുഷ്ഠിക്കുന്നു .