ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ/അക്ഷരവൃക്ഷം/അഗ്നിച്ചിറകകൾ- വായനക്കുറിപ്പ്

അഗ്നിച്ചിറകകൾ വായനക്കുറിപ്പ് കുഞ്ഞുനാളിൽ ഞാൻ വായിച്ച... എന്നാൽ സമയം കിട്ടിയാൽ വീണ്ടും വായിക്കണമെന്ന് വിചാരിച്ച, A.P.J.Abdul Kalam ന്റെ ആത്മകഥയായ അഗ്നിച്ചിറകുകൾ വിശദമായി വായിക്കാൻ എനിക്കീ ലോക്ക് കാലത്ത് കഴിഞ്ഞു. നാമോരോരുത്തരെയും സ്വപ്നം കാണാൻ പഠിപ്പിച്ച , 'കാലത്തിനു മുമ്പേ സഞ്ചരിച്ച കലാമിനെപ്പറ്റി' ഓരോ കാലത്തും വായിക്കുമ്പോൾ വായനക്കാരനു പുതിയ പുതിയ അർത്ഥ തലങ്ങളിലൂടെയാണ് കടന്ന് പോകുന്നത്. രാമേശ്വരമെന്ന ദ്വീപു നഗരത്തിലെ സാധാരണ കുടുംബത്തിൽ ജനിച്ച അബ്ദുകൾ കലാമെന്ന വർത്തമാന പത്രങ്ങൾ വിറ്റു നടന്ന കൊച്ചുബാലന്റെ കഥ, ഐതിഹാസികനായ പ്രൊഫസർ: വിക്രം സാരാഭായിയാൽ കണ്ടെത്തി വളർത്തപ്പെട്ട ഒരു എഞ്ചിനീയറുടെ കഥ, പരാജയങ്ങളാലും തിരിച്ചടികളാലും പരീക്ഷിക്കപ്പെട്ടൊരു ശാസ്ത്രജ്ഞന്റെ കഥ .. ഓരോ വായനക്കാരനെയും സ്വപ്നം കാണാൻ പഠിപ്പിക്കുമെന്നത് തീർച്ചയാണ്. പ്രതിരോധ ശാസ്ത്രജ്ഞനെന്ന നിലയിൽ ഇന്ത്യയുടെ പരമോന്നത ബഹുമതിയായ ഭാരതരത്നം ലഭിച്ച സമാനതകളില്ലാത്ത വ്യക്തിത്വത്തിന് ഉടമയാണ്, അബ്ദുൾ കലാം. അദ്ദേഹത്തിന്റെ വ്യക്തിപരവും ഔദ്യോഗികവുമായ ഉയർച്ചയുടെയും നിസ്തുലമായ സേവനങ്ങളുടെയും കഥ വിശദീകരിക്കുന്നതോടൊപ്പം, നമ്മുടെ രാജ്യത്തെ അന്താരാഷ്ട്ര നിലവാരമുള്ള ഒരു മിസൈൽ ശക്തിയുടെ തലത്തിലേക്ക് ഉയർത്തിയ അഗ്നി, പൃഥ്വി, ആകാശ്, ത്രിശൂൽ എന്നീ മിസൈലുകളുടെ രൂപകല്പന, നിർമ്മാണം, വിക്ഷേപണം എന്നീ വിവിധ ഘട്ടങ്ങളെക്കുറിച്ച് തികച്ചും ആധികാരികവും വിജ്ഞാനപ്രദവുമായാണ് ഈ പുസ്തകത്തിൽ വിവരിച്ചിരിക്കുന്നത് . അബ്ദുൾ കലാം ഏറെ മമത പുലർത്തിയിരുന്ന ,അദ്ദേഹം പ്രാതിനിത്യം വഹിക്കുന്ന, സാധാരണക്കാരുടെ സമൂഹത്തിന് ഉത്തേജനവും ആത്മവിശ്വാ സവും പകരും വിധം അദ്ദേഹത്തിന്റെ ഉയർത്തെഴുന്നേൽപ്പിന്റെ ചരിത്രം ആലേഖനം ചെയ്തിരിക്കുന്ന ഈ കൃതി ,ജിജ്ഞാസ കുതുകികളായ വിദ്യാർത്ഥികൾ മുതൽ സാധാരണക്കാരനായ ഒരു മനുഷ്യനെ വരെ പിടിച്ചിരുത്തുന്ന തരത്തിൽ ഇന്ത്യയെ ങ്ങനെ നിലവിലെ ഇന്ത്യയായി ? നാമോരു ത്തരും ഇന്നനുഭവിക്കുന്ന സാങ്കേതിക കാലഘട്ടത്തിന്റെ ആരംഭം, സാധാരണക്കാരനായ കുട്ടി ഇന്ത്യയുടെ Missile Man ആവാൻ താണ്ടിയ കല്ലും മുള്ളും നിറഞ്ഞ നാൾവഴികൾ തുടങ്ങി പുതിയ തലമുറയ്ക്ക് ദിശാബോധം നൽകാൻ വേണ്ട സത്തുകളാൽ നിറഞ്ഞതാണ്. പ്രശസ്ത നോവലിസ്റ്റ് പൗലോ കൊയ്ലോ 'the Alchemist' ൽ പറഞ്ഞതുപോലെ നാമൊരു കാര്യം നേടണമെന്ന് ഉറച്ച തീരുമാനമെടുത്ത് പ്രവർത്തിക്കുകയാണെങ്കിൽ ഈ പ്രകൃതി മൊത്തം നമ്മോടൊപ്പം ഉണ്ടാകും. അതുചിലപ്പോൾ മാതാപിതാക്കളുടെ രൂപത്തിൽ, അദ്ധ്യാപകരുടെ രൂപത്തിൽ, സഹോദരങ്ങളുടെ രൂപത്തിൽ കൂട്ടുകാരുടെ രൂപത്തിൽ, വിധിയുടെ രൂപത്തിൽ ചിലപ്പോൾ ലക്ഷ്യമാർഗ്ഗത്തിൽ വലിയ ജയത്തിനു മുന്നോടിയായുള്ള തോൽവിയുടെ രൂപത്തിലുമാകാമെന്ന് അഗ്നിച്ചിറകുകൾ നമ്മെ പഠിപ്പിക്കുന്നു. അബ്ദുൾ കലാം പറഞ്ഞതുപോലെ- ലോകത്തെ ഏറ്റവും മൂല്യമേറിയ സമ്പാദ്യം അത് 'യുവാക്കളിലെതീക്ഷണതയാർന്ന ജ്വലിക്കുന്ന മനസ്സുകൾ( ignited minds) ആണെന്ന് ഈ പുസ്തകം ഒരിക്കൽക്കൂടി ലോകത്തോടു വിളിച്ചു പറയുന്നു.... - എല്ലാ കൂട്ടുകാരും അഗ്നിച്ചിറകകൾ വായിക്കാൻ ശ്രമിക്കുമല്ലോ അലീന.എം.എച്ച് +2 BioMaths ഗവൺമെൻറ്, ഗേൾസ് എച്ച്.എസ്. എസ് ,കോട്ടൺഹിൽ തിരുവനന്തപുരം സൗത്ത് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - PRIYA തീയ്യതി: 05/ 05/ 2020 >> രചനാവിഭാഗം - ലേഖനം