ഗവൺമെന്റ് വി. &എച്ച്. എസ്. എസ്. കുളത്തൂർ/ജൂനിയർ റെഡ് ക്രോസ്
ജെ. ആർ. സി. (ജൂനിയർ റെഡ് ക്രോസ്)
മഹാനായ ജീൻഹെൻട്രി ഡ്യൂണന്റ് രൂപം കൊടുത്ത അന്താരാഷ്ട്ര ജീവകാരുണ്യ സംഘടനയാണ് റെഡ് ക്രോസ്. ദുരിതം അനുഭവിക്കുന്നവർക്കും, നിരാലംബർക്കും കൈത്താങ്ങായി കൂടെ നിൽക്കാൻ കുട്ടികൾക്കു വേണ്ടി രൂപം കൊണ്ട പ്രസ്ഥാനമാണ് ജൂനിയർ റെഡ് ക്രോസ്. ദുരിതാശ്വാസം, ആതുരസേവനം, ജീവകാരുണ്യം, നേത്രദാനം, മാതൃശിശു സംരക്ഷണം, രക്തദാനം, രക്തസംഭരണം തുടങ്ങി നാനാമേഖലകളിൽ ഇന്ന് റെഡ് ക്രോസും, ജുനിയർ റെഡ് ക്രോസും പ്രവർത്തിക്കുന്നു.റെഡ് ക്രോസ് ആംബുലൻസ് നിരാലംബർക്ക് സൗജന്യമായും മറ്റ് സർവ്വീസുകളിൽ നിന്ന് കുറഞ്ഞ നിരക്കിലും സേവനം നടത്താൻ കഴിയുന്നു. “I SERVE” എന്ന ആപ്തവാക്യം എല്ലാ അർത്ഥത്തിലും ഉൾക്കൊണ്ട് പ്രവർത്തിക്കുന്ന സംഘടനയാണിത്. ആരോഗ്യം അഭിവൃദ്ധിപ്പെടുത്തുക, പരോപകാരപ്രവർത്തനം, അന്താരാഷ്ട്രസൗഹൃദം ഇവയാണ് ഈ സംഘടനയുടെ ലക്ഷ്യങ്ങൾ. ഇതിലൂടെ സേവനസന്നദ്ധരായ ഒരു തലമുറ വാർത്തെടുക്കുകയാണ്.
ഈ അധ്യയന വർഷം നമ്മുടെ സ്കൂളിൽ ജെ. ആർ. സി. യുടെ നേതൃത്വത്തിൽ വിവിധ ബോധവത്കരണപരിപാടികൾ, റാലികൾ, ചർച്ചാ ക്ലാസ്സുകൾ എന്നിവ സംഘടിപ്പിച്ചു. ലഹരി മരുന്നിനെതിരെ, ട്രാഫിക് നിയമപാലനം, ആരോഗ്യസംരക്ഷണം, വ്യക്തിശുചിത്വം ഇവയ്ക്കു വേണ്ടി ബോധവത്കരണ ക്ലാസ്സുകൾ, പ്രഥമ ശുശ്രൂഷ നൽകൽ, ശുചീകരണം, പരിസ്ഥിതി സംരക്ഷണം, ദുരിതാശ്വാസ പ്രവർത്തനം എന്നിങ്ങനെ വ്യത്യസ്ത പരിപാടികൾ സംഘടിപ്പിച്ചു. ശ്രീമതി. ശ്രീജാകുമാരി. റ്റി. ജെ. ആർ. സി. കൺവീനറായി പ്രവർത്തിക്കുന്നു.
2019 – 2020 അധ്യയന വർഷത്തെ ജെ. ആർ. സി. കേഡറ്റുകളുടെ മികച്ച പ്രവർത്തനങ്ങൾ
- പരിസ്ഥിതി ദിനാചരണം / ഔഷധസസ്യതോട്ട നിർമ്മാണം.
- മഴക്കാല രോഗങ്ങളെക്കുറിച്ച് ബോധവത്കരണ ക്ലാസ്സ്, ലഘുലേഖ വിതരണം, സർവ്വേ ഇവ സംഘടിപ്പിച്ചു.
- അന്താരാഷ്ട്ര യോഗ ദിനാചരണം.
- ലോക മയക്കുമരുന്ന് വിരുദ്ധ ദിനത്തോടനുബന്ധിച്ച് റാലി, ക്ലാസ്സ്.
- ഹിരോഷിമ നാഗസാക്കി ദിനത്തോടനുബന്ധിച്ച് റാലി, മനുഷ്യചങ്ങല.
- ഭിന്നശേഷി കുട്ടികളുടെ സ്കൂൾ സന്ദർശിച്ച് ഭക്ഷണം, വസ്ത്രം, ഓണക്കിറ്റ് ഇവയുടെ വിതരണം.
- സഹപാഠിയുടെ അമ്മയുടെ ചികിത്സയ്ക്കായി (ക്യാൻസർ) ധനസഹായ വിതരണം.
- ശിശുദിനത്തിൽ നെയ്യാറ്റിൻകര താലൂക്ക് ആശുപത്രി സന്ദർശിച്ച് ശുചീകരണം, രോഗികൾക്ക് ഭക്ഷണ വിതരണം ഇവ ചെയ്തു.
- ട്രാഫിക് ബോധവത്കരണ ക്ലാസ്സ് സംഘടിപ്പിച്ചു.
- പഠനോപകരണ വിതരണം നടത്തി.
റെഡ് ക്രോസ് പ്രവർത്തനങ്ങൾ ഇന്നത്തെ തലമുറയ്ക്ക് മുതൽക്കൂട്ടാണ്.
കുട്ടികളിൽ സാമൂഹ്യ അവബോധം വളർത്തുക, ഉത്തമ പൗരൻമാരായി വാർത്തെടുക്കുക എന്നീ ലക്ഷ്യങ്ങളോടെ നമ്മുടെ സ്കൂളിൽ പ്രവർത്തിക്കുന്ന ജെ. ആർ. സി. യിൽ 8, 9, 10 എന്നീ ക്ലാസ്സുകളിലായി ഏതാണ്ട് എഴുപതോളം കുട്ടികൾ അംഗങ്ങളായി പ്രവർത്തിക്കുന്നു. ജെ. ആർ. സിയുടെ ചരിത്രം, പ്രാധാന്യം, പ്രവർത്തനങ്ങൾ എന്നീ വിഷയങ്ങളെ അടിസ്ഥാനമാക്കി A, B, C എന്നീ തലങ്ങളിലായി എല്ലാ വർഷങ്ങളിലും പരീക്ഷകൾ നടത്തുകയും, ദിനാചരണങ്ങൾ, സ്കൂളിലെ മറ്റു പ്രവർത്തനങ്ങൾ എന്നിവയിൽ ജെ. ആർ. സിയിലെ കുട്ടികൾ വളരെ സജീവമായി പ്രവർത്തിക്കുന്നു.
ഈ വർഷത്തെ ജെ. ആർ. സി. A ലെവൽ പരീക്ഷ 12/01/2022 ബുധനാഴ്ച്ച നടത്തുകയുണ്ടായി. ഒൻപതാം ക്ലാസ്സിലെ ജെ. ആർ. സി. ക്ലബ്ബിലെ എല്ലാ കുട്ടികളും പങ്കെടുക്കുകയും അടുത്ത തലത്തിലെ പരീക്ഷയ്ക്കായി യോഗ്യത നേടുകയും ചെയ്യ്തു.
നിലവിൽ ജെ. ആർ. സി. ക്ലബ്ബിന്റെ പ്രവർത്തനങ്ങൾ ശ്രീമതി. സോജ എലിസബത്ത് ടീച്ചറിന്റെയും, ശ്രീ. ഷാജിൻ സാറിന്റെയും നേതൃത്വത്തിൽ നടന്നു വരുന്നു.