ഗവൺമെന്റ് വി.എച്ച്.എസ്.എസ് കോട്ടുകാൽ/അക്ഷരവൃക്ഷം/പരിസ്ഥിതിസംരക്ഷണം (ലേഖനം)

പരിസ്ഥിതി സംരക്ഷണം മനുഷ്യന് ചുറ്റും കാണുന്ന ജൈവം വൈവിധ്യമാണ് പരിസ്ഥിതി എന്ന് പറയുന്നത് .നമ്മുടെ അന്തരീക്ഷം ഇന്ന് എല്ലാ തരത്തിലും മലിനമായികൊണ്ടിരിക്കുകയാണ്. പ്രകൃതിയിൽനിന്ന് നമ്മൾ എത്രത്തോളം അകന്നുവോ അതിനനുസരിച്ച് രോഗങ്ങളും കൂടികൊണ്ടിരിക്കുകയാണ്. പ്രകൃതിയുമായി എല്ലാ ജീവജാലങ്ങളും ഒത്തൊരുമിച്ചാണ് ജീവിക്കുന്നത്. മനുഷ്യൻ ഒരു വ്ശേഷബുദ്ധിയുള്ള ജീവിയാണ് മനുഷ്യന് ജീവിക്കണമെങ്കിൽ പ്രകൃതിയുടെ സന്തുലിനാവസ്ഥ അത്യാവശ്യമാണ്. പ്ലാസ്റ്റിക്കിന് പ്രകൃതിയുടെ ജൈവഘടനയെ വളരെയധികം മലിനപ്പെടുത്താൻ കഴിഞ്ഞിട്ടുണ്ട്. വലിച്ചെറിയുന്ന പ്ലാസ്റ്റിക്കുകൾ മണ്ണിനെ മലിനപ്പെടുത്തുന്നു. എന്റോസൾഫാൻ പോലുള്ള കീടനാശിനികൾ വെള്ളത്തെയും മലിനപ്പെടുത്തുന്നു. ആധുനിക മനുഷ്യർ പ്രകൃതിയെ വരുതിയിലാക്കി ജീവിക്കുമ്പോൾ പ്രകൃതിയിൽ വളരെയധികം മാറ്റങ്ങൾ സംഭവിക്കുന്നു ഭൂമികുലുക്കം, മലയിടിച്ചിൽ, വെള്ളപ്പൊക്കം എന്നിവ സംഭവിക്കുന്നു. അപ്പാർട്മെന്റുകൾ കെട്ടിപ്പൊക്കി പ്രകൃതിയ്ക്ക് വിരുദ്ധമാകുമ്പോൾ, വനം വെട്ടിമാറ്റുമ്പോൾ പ്രകൃതിയിൽ പലമാറ്റങ്ങൾ സംഭവിക്കുുന്നു. മലയിടിച്ചിൽ, സുനാമി, പ്രളയം മുതലായവ മനുഷ്യൻ അഭിമുഖീകരിക്കേണ്ടി വരുന്നു. പ്രകൃതിയ്ക് ഹാനികരമായ മനുഷ്യന്റെ കർമ്മങ്ങൾ കൂടിക്കൊണ്ടിരിക്കുകയാണ്. മനുഷ്യൻ ഓരോ ദിവസം കൂടുംതോറും പരിസ്ഥിയെ നശിപ്പിച്ചുകൊണ്ടിരിക്കുകയാണ്. ഋതുക്കൾ ഉണ്ടാകുന്നത് പ്രകൃതി ഉള്ളതുകൊണ്ടാണ്. വനസംരക്ഷണത്തിലൂടെ മാത്രമേ നമുക്ക് വനം സംരക്ഷിക്കാൻ കഴിയുകയുള്ളൂ. മനുഷ്യൻ കൃഷി കുറച്ച് വിളവ് കൂട്ടാൻ വേണ്ടി കീടനാശിനികളും രാസവളങ്ങളും തളിക്കുന്നു. ഇത് തളിക്കുമ്പോൾ മണ്ണിന്റെയും ജലത്തിന്റെയും ഘടനയ്ക്ക് മാറ്റം സംഭവിക്കുന്നു. ധനം സമ്പാദിക്കാനായി മനുഷ്യൻ പ്രകൃതിയെ ചൂഷണം ചെയ്യുമ്പോൾ മാതൃത്വത്തേയാണ് തകർക്കുന്നത് എന്ന് ഓർമ്മവേണം. നമ്മുടെ അമ്മയെ പോലെ പ്രകൃതിയെ സ്നേഹിച്ച് സംരക്ഷിച്ച് നിലനിർത്തിയാൽ മാത്രമേ നമുക്ക് പരിസ്ഥിതിയെ സംരക്ഷിക്കാൻ സാധിക്കുകയുള്ളൂ. രുദ്ര രമേഷ് ആ‍ർ 7 ബി ഗവൺമെൻറ്, വി.എച്ച്.എസ്.എസ് കോട്ടുകാൽ ബാലരാമപുരം ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sheelukumards തീയ്യതി: 11/ 02/ 2022 >> രചനാവിഭാഗം - ലേഖനം