ഇത് യുദ്ധം..........
വൈറസ് യുദ്ധം ഇത് വൈറൽ യുദ്ധം
മനുഷ്യ സമാഞ്ചത്തിൽ
പോർവിളി മുഴക്കി മുന്നേറുന്നു വൈറസ്.
നിറഞ്ഞാടി നിഴൽ വീശി
ദംഷ്ട്ര കാട്ടി ചിരിക്കുന്നു
ശാസ്ത്രവും മനുഷ്യരും
നിസ്സഹായരായി നിൽക്കുന്നു.
എല്ലാം കാൽച്ചുവട്ടിലാക്കും മനുഷ്യന്
പ്രകൃതിയുടെ ദാനമോ ഈ മഹാവ്യാധി,
ചട്ടം പഠിപ്പിച്ചു പുരയ്ക്കുള്ളിലെത്തിച്ച്,
മാനവരാശിയെ ഒന്നടങ്കം
ചിന്തിക്കാൻ സമയം .
ചിന്തിച്ച് ചിന്തിച്ച്
പഴമയുടെ തഴമയാർന്ന ഇന്നലെകൾ
നാളെയുടെ നന്മതൻ പുലരിയായി
കൊണ്ടുവരാം.
ഒരുമിച്ചുനിന്ന് പ്രാർത്ഥിച്ചീടാം
ശംഖൊലി മുഴങ്ങട്ടെ,
വചനങ്ങൾ പറയട്ടെ ,
അപാരതയിൽ മിഴികൾ നീട്ടി പ്രാർത്ഥിക്കാം
മനുഷ്യൻ ജയിക്കുന്ന വീഥികൾക്കായി .
