ഗവൺമെന്റ് ജി. എച്ച്. എസ്. എസ്. പേരൂർക്കട/ഹൈസ്കൂൾ

Archive

2022-23 2023-24 2024-25 2025-26

ഹൈസ്കൂൾ വിഭാഗത്തിൽ ഒമ്പത് ഡിവിഷനുകളിലായി 363 കുട്ടികൾ പഠിക്കുന്ന ഹൈസ്കൂളിന് 13 ടീച്ചിംഗ് സ്റ്റാഫ് ഉണ്ട് . വർഷാരംഭം മുതൽ ഓൺലൈൻ ആയി രാവിലെയും വൈകിട്ടും ഓരോ മണിക്കൂർ വീതം ക്ലാസുകൾ എടുത്തു വരുന്നു. ഓൺലൈൻ ക്ലാസ് അറ്റൻഡ് ചെയ്യാൻ ഫോൺ ഇല്ലാത്ത കുട്ടികൾക്ക് പിടിഎയും സ്കൂളിലെ സ്റ്റാഫും ചേർന്ന് ഫോൺ ലഭ്യമാക്കി. കൂടാതെ പഠനോപകരണങ്ങൾ ലഭ്യമല്ലാത്ത കുട്ടികൾക്ക് പഠനോപകരണങ്ങൾ ലഭ്യമാക്കുന്നതിന് വേണ്ടി ഒരു കമ്മിറ്റി രൂപീകരിക്കുകയും പഠനോപകരണങ്ങൾ വാങ്ങി നൽകുകയും ചെയ്തു.

സ്കൂൾ പ്രവേശനോത്സവം ജൂൺ 1

പ്രവേശനോത്സവം സ്കൂൾ തല പ്രവേശനോത്സവം,ഗൃഹതല പ്രവേശനോത്സവം എന്നീ വിവിധ പരിപാടികളോടെ കൂടി നടത്തി. ജൂൺ ആദ്യം തന്നെ ക്ലാസ് നടത്തി രക്ഷിതാക്കളുമായി കുട്ടികളുടെ പഠന വിവരങ്ങൾ ശേഖരിച്ചു. എല്ലാ ദിനാചരണങ്ങളും അതിന്റെ പ്രാധാന്യത്തോടെ കൂടി കുട്ടികളുടെ പങ്കാളിത്തത്തിലൂടെ ഓൺലൈനായി നടത്തി. "സ്പർശം 2021" എന്ന പരിപാടിയിലൂടെ വിദ്യാർഥികൾക്കായി ഡിജിറ്റൽ ഉപകരണങ്ങൾ,ഭക്ഷ്യ കിറ്റ് ,പഠനോപകരണങ്ങൾ എന്നിവയുടെ വിതരണം ഡെപ്യൂട്ടി മേയർ ശ്രീ പി കെ രാജു ന്റെ നേതൃത്വത്തിൽ നടന്നു.

വായനാദിനം

ജൂൺ 19 മുതലുള്ള ഒരാഴ്ച വായനവാരമായി ആചരിച്ചു. ഇതിൻറെ ഭാഗമായി ക്വിസ്, വെബിനാർ എന്നിവ ഗൂഗിൾ മീറ്റിലൂടെ സംഘടിപ്പിച്ചു. എല്ലാം മാസത്തിലും എസ് ആർ ജി മീറ്റിംഗ് കൂടി കുട്ടികൾക്ക് വിവിധ വിഷയങ്ങളുമായി ബന്ധപ്പെട്ട് വർക്ക്ഷീറ്റുകൾ നൽകി. എല്ലാ മാസങ്ങളിലും ക്ലാസ് പിടിഎ യോഗം നടത്തി കുട്ടികളുടെ പഠന പുരോഗതി വിലയിരുത്തുന്നു.