ദേവാലയങ്ങളടച്ചുപൂട്ടി
ദേവന്മാരൊക്കെത്തടവിലായി
ലോകനിയന്ത്രണമേറ്റെടുത്തു
ലോകജേതാവായ് "കൊറോണവൈറസ്"
മുപ്പത്തിമുക്കോടി ദേവകൾക്ക്
ഇത്തറനാൾ കഴിയാതിരുന്ന,
ഒരുജാതി ഒരുമതമേകദൈവം
എന്നുള്ള നിത്യമാം സത്യത്തെയിന്ന്
ഒരു ഞൊടികൊണ്ടു മനുഷ്യവർഗ്ഗം
ഉൾക്കൊണ്ടു മുന്നോട്ടു നീങ്ങിടുവാൻ
കാരണഭൂതനാം "കൊറോണവൈറസ്"
ദേവകൾ തമ്മിൽ പിറുപിറുത്തു
മറ്റൊരവതാര ദൈവമാണോ!
ദേവാലയത്തിനകത്തളത്തിൽ
കേൾക്കുന്നു ദൈന്യമാം പ്രാർത്ഥനകൾ
"മാനവസൃഷ്ടിയാം ഞങ്ങൾക്കു നീ
നൽകുമോ ശക്തിതൻ അർദ്ധഭാഗം
ഇല്ലെങ്കിൽ ഇത്രയും നാളുകൊണ്ട്
നേടിയതെല്ലാം തകർന്നുവീഴും
ഈ നേടിയതെല്ലാം തകർന്നുവീഴും"
