ഗവൺമെന്റ് എച്ച്. എസ്. വാഴമുട്ടം/അക്ഷരവൃക്ഷം/പ്രകൃതിയുടെ വരം
പ്രകൃതിയുടെ വരം
പ്രകൃതി നമുക്കു നൽകിയ എറ്റവും വലിയ വരമാണ് വനങ്ങൾ . വനങ്ങൾസംരക്ഷിക്കേണ്ടത് നമ്മുടെ ഒാരോരുത്തരുടെയും കടമയാണ് . ഇന്ന് രാളമായി വനനശീകരണം സംഭവിച്ചുകൊണ്ടിരിക്കുന്നു .നമ്മുടെ ദൈനംദിനജീവിതത്തിന്റെ അത്യാവശ്യഘടകമായ കുടി വെള്ളവും ശുദ്ധവായുവും ലഭ്യമാകണമെങ്കിൽ വനങ്ങൾ തന്നെ വേണം.വികസനത്തിന്റെ പേരു പറഞ്ഞ് വനങ്ങൾ നശിപ്പിക്കുന്നതും വനനശീകരണം മൂലമുണ്ടാകുന്ന മണ്ണൊലിപ്പും നമ്മുടെ അണക്കെട്ടുകൾ നികന്നു പോകുന്നതിനിടയാക്കുന്നു .കാലംതെറ്റിപ്പെയ്യുന്ന കാലവർഷവും രാസവസ്തുക്കളുടെ ഉപയോഗവും നമ്മുടെക്യഷി സമ്പ്രദായത്തെയും വനങ്ങളിലെ ജൈവവൈവിധ്യങ്ങളെയും നാശോന്മുഖമാക്കിക്കൊണ്ടിരിക്കുന്നു . വനനശീകരണത്തിന്റെ ഫലമായുണ്ടാകുന്ന ഏറ്റവും വലിയ പ്രത്യാഘാതം കാലാവസ്ഥാവ്യതിയാനമാണ് . വനനശീകരണം മൃഗങ്ങളുടെയും പക്ഷികളുടെയും നാശത്തിന് വഴി തെളിക്കുന്നു . ക്രമാതീതമായ വനനശീകരണം ജനജീവിതത്തെ ദുസ്സഹമാക്കിത്തീർക്കുന്നു .നമ്മുടെ സർക്കാർ ഇതിനുള്ള പരിഹാരമെന്നനിലയിൽ സാമൂഹികവനവത്കരണം പദ്ധതി ആരംഭിച്ചു .അരനൂറ്റാണ്ടോളം പഴക്കമുള്ള വന മഹോത്സവത്തിന്റെ പരിഷ്ക്കരിച്ച രൂപമാണിത് . എങ്കിലും വനസംരക്ഷണത്തിന് ഇക്കാലത്ത് ഏറെ പ്രാധാന്യം ഉണ്ട് .കാട് വെട്ടിത്തെളിച്ച്തേക്കോ റബ്ബറോ നട്ടിട്ട് കാര്യമില്ല . കാട്ടിലെ ജൈവവൈവി ദ്ധ്യവും ഒൗഷധസസ്യങ്ങളും നമുക്ക് സൃഷ്ടിക്കാനാവില്ല .വനത്തിനു പകരം വനം മാത്രമേയുള്ളു . ജൂൺ6 പരിസ്ഥിതിദിനമായി ആചരിക്കുന്നു . പരിസ്ഥിതിയെക്കുറിച്ചുള്ള ആശങ്ക ഇന്ത്യയിൽ വളരെയധികം വർദ്ധിച്ചിട്ടുണ്ട്. നിലവിലുള്ള വനസംരക്ഷണത്തോടൊപ്പം തന്നെ പുതിയ വനം വച്ചുപിടിപ്പിക്കാനുള്ള ശ്രമവും നടത്തേണ്ടതാണ് . - GOVT:HS VAZHAMUTTOM
|
