ഗവൺമെന്റ് എച്ച്. എസ്. കറ്റച്ചക്കോണം/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

ഹൈസ്കൂൾ

ചരിത്രം

അംഗീകാരം

ചരിത്രം

കേശവദാസപുരം പാറോട്ടുകോണം എന്ന സ്ഥലത്താണ് ഈ സ്കൂൾ സ്ഥിതി ചെയ്യുന്നത്. (കേശവദാസപുരത്തന്റെ പഴയപേരാണ് കറ്റച്ചക്കോണം എന്നത്. ) 1917 ൽ കറ്റച്ചക്കോണത്ത് രക്ഷാപുരി എൽ.എം.എസ്. പള്ളിയിൽ സർക്കാർ ധനസഹായത്തോടോ ആരംഭിച്ച എൽ. പി. സ്കൂളാണ് ഇതിന്റെ ആദ്യ രൂപം. ശ്രീ. പീറ്റർ ആയിരുന്നു ആദ്യ പ്രഥമാധ്യാപകൻ. 35 വർഷം എൽ. പി. എസ് ആയി തുടർന്നു. 1948 ൽ ആരാധനാസൗകര്യങ്ങൾ കുറയുമെന്ന് വന്നപ്പോൾ സ്കൂൾ മാറ്റേണ്ടത് അത്യാവശ്യമായി. അന്ന് ശ്രീ. രാഘവൻനാടാർ സ്വന്തം വീട്ടുമുറ്റത്ത് കെട്ടിയുണ്ടാക്കിയ ഷെഡ്ഡും സ്കൂൾ നടത്തിപ്പിനായി വിട്ടുകൊടുത്തു. 2 വർഷം സ്കൂൾ പ്രവർത്തിച്ചത് അവിടെയാണ്. 1950 ൽ ഗവൺമെന്റിൽ നിന്ന് 50 സെന്റ് ഭൂമി പൊന്നുംവിലയ്ക്ക് വാങ്ങി ഒരു ഷഡ്ഡുണ്ടാക്കി സ്കൂളിന്റെ പ്രവർത്തനം അങ്ങോട്ട് മാറ്റി. 1957ലാണ് സ്ഥിരം കെട്ടിടം ഉണ്ടായത്. ആ വർഷം തന്നെ യു.പി. എസ് ആവുകയും ചെയ്തു. യു.പി. എസിന്റെ ആദ്യ പ്രഥമാധ്യാപകൻ ശ്രീ. കമുകറ നാരായണക്കുറുപ്പായിരുന്നു. സ്കൂൾ പ്രവർത്തിച്ചിരുന്ന ദേവസ്വം ബോർഡിന്റെ സ്ഥലം സൗജന്യവിലയ്ക്ക് ശ്രീ. രാഘവൻനാടാരുടെ വല്തുക്കൾ ഈടുവച്ച് വാങ്ങുകയും വിദ്യാഭ്യാസ ഡയറക്ടർക്ക് വിട്ടുകൊടുക്കുകയും ചെയ്തു. 1958 ൽ തന്നെ കറ്റച്ചക്കോണം യു.പി. എസ് കറ്റച്ചക്കോണം യു.പി. എസ് എച്ച്.എസ് ആയിമാറി. ഈ സ്ഥലത്തിന്റെ ഉടമസ്ഥാവകാശത്തെ സംബന്ധിച്ച തർക്കം ഇപ്പോഴും കോടതിയുടെ പരിഗണനയിലാണ്. ബി. വിജയമ്മയാണ് കറ്റച്ചക്കോണം സ്കൂളിലെ ആദ്യത്തെ വിദ്യാർത്ഥിനി. 1980 ൽ ശ്രീ. രാഘവൻനാടാർ സാറിന്റെ നേതൃത്വത്തിൽ നടത്തിയ ശ്രമങ്ങളുടെ ഫലമായി സ്കൂളിന് ഒന്നര ഏക്കർ സ്ഥലം കൂടി ലഭിക്കുകയുണ്ടായി. രണ്ടേക്കർ സ്ഥാവരസ്വത്തുള്ള ഈ സ്കൂളിനിപ്പോൾ ഓഫീസ് ഉൾപ്പെടുന്ന നാലുമുറി ഒറ്റനിലക്കെട്ടിം, അഞ്ചുമുറികൾ വീതം രണ്ടു നിലകളിലായുള്ള ഒരു ഇരുനിലക്കട്ടിടം, നാലുമുറികളുള്ള ഒരു സെമി പെർമനന്റ് കെട്ടിടം, രണ്ട് യൂറിനലുകൾ എന്നിവ സ്വന്തമായുണ്ട്. രണ്ട് കിലോമീറ്റർ ചുറ്റളവിൽ പത്തോളം എയിഡഡ് അൺഎയിഡഡ് സ്കൂളുകളുള്ള ഈ പ്രദേശത്തെ ഏക സർക്കാർ സ്കൂളാണിത്. ഒട്ടും സമ്പന്നമല്ലാത്ത ഗാർഹിക,സാമൂഹിക ചുറ്റുപാടിൽ നിന്നും ഓർഫനേജിൽ നിന്നും വരുന്ന കുട്ടികളാണ് ഇവിടത്തെ 95 ശതമാനവും. എല്ലാവിഷയത്തിലും അധ്യാപകരില്ലാത്ത അവസ്ഥയാണിവിടെ. കേരള സർവ്വകലാശാലയിൽ ബയോകെമിസ്ട്രി വിഭാഗത്തിന്റെ തലവനായിരുന്ന ഡോക്ടർ കലേശരാജ് ഈ സ്കൂളിലെ വിദ്യാർത്ഥിയായിരുന്നു. 1975ൽ ഈ സ്കൂളിന് സ്കൗട്ട് അവാർഡ് ലഭിക്കുകയും ശ്രീ. സരസൻ സ്കൗട്ടിനുള്ള ഇന്ത്യൻ പ്രസിഡന്റിന്റെ അവാർഡ് നേടിയിട്ടുണ്ട്. പ്രധമ അധ്യാപികയുൾപ്പെടെ 14 അധ്യാപകരും 100 കുട്ടികളുമുണ്ട്.