ഭൂമിയിൽ നൽ വെളിച്ചം പരത്താനായി ഇതാ
ദൈവത്തിൻ വരദാനങ്ങളാകും മാലാഖമാർ.
അമ്മയായി സഹോദരിയായി നൽമകളായി
നമ്മളെ ശുശ്രുഷിക്കും പുണ്യരാം മാലാഖമാർ.
എല്ലാരെംഒരുപോലെ പരിപാലനം ചെയ്യും
സ്നേഹിക്കും ശുശ്രുഷിക്കും ഈ നല്ല മാലാഖമാർ.
സ്വജീവനെ വിലയേറിയതായി എണ്ണാതെ താൻ
ഡ്യുട്ടികൾ കൃത്യമായി നിർവഹിക്കും മാലാഖമാർ.
കരയുന്നവർക്കൊരു തണലായി ഔഷധമായി
ജലമായി ഭക്ഷണമായി വരുന്നു മാലാഖമാർ.
നിപ്പയോ കൊറോണയോ എന്തു തന്നെ വന്നാലും
നമ്മളോടൊപ്പമുണ്ടീ സ്നേഹമാം മാലാഖമാർ.
മറക്കില്ലൊരു നാളിലും നിങ്ങളെ ഞങ്ങൾ
ഹൃദയത്തിൽ സൂക്ഷിക്കും ഈ നല്ല കരുണയെ