കൊടുമൺ എച്ച്.എസ്.എസ് കൊടുമൺ/സതീ തപം - കവിത - ആർ.പ്രസന്നകുമാർ.

Schoolwiki സംരംഭത്തിൽ നിന്ന്

Kavi7.jpg
സതീ തപം
-കവിത - ആർ.പ്രസന്നകുമാർ - 18/04/2010
{ഗൗരീശങ്കര ശിഖരത്തിൽ, അഗ്നിപ്രവേശത്തിലൂടെ നഷ്ടമായ പ്രിയയുടെ ചിന്തയിൽ കുടുങ്ങി തപസ്സിൽ മുങ്ങിയ ശിവൻ. പുനർജനിയിലൂടെ കടന്നു വരുന്ന പ്രാണസഖി, ശൈലജയായ സതി. ശിവാഭിമുഖം ഒറ്റക്കാലിൽ നില്കുന്ന സതീവിഗ്രഹം.. തനുവിലൂടെ ഒഴുകിയിറങ്ങുന്ന വർഷബിന്ദുക്കൾ. സതീ - ശിവ സമാഗമവും മല്ലീശരദഹനവും. ഋതുപ്പീലി നീട്ടുന്ന മിഥുനചിത്രം. കാളിദാസന്റെ മനോഹരമായ കാവ്യഭാവന.}

ഗൗരീശങ്കര ശിഖരത്തിൽ പാദത്തിലേകം നിലം തൊട്ടും
ഗോരോചനാംഗരാഗമായി നീഹാരകണങ്ങൾ ചാർത്തിയും
ചന്ദ്രചൂഢമാനസഭിക്ഷുകിയായി ഘോരം തപം ചെയ്യും
സാന്ദ്രലോലയാം ദേവീ - ഹൈമവതം തവ പർണ്ണകുടീരം.
കാർവേണിയിൽ താരാസുമംചൂടി മുഗ്ദവ്രീളാഭാവം പൂശി
നിർവികാര നീരദാംശുകം മാറ്റി ഋതുലേഖപോൽ നീ
കൊഴിഞ്ഞുവീഴും മേഘമണിപൂക്കളാം നീർമുത്തുമാല്യം
തഴുകിയൊഴുകി ദേവീമൃദുല തനു ആപാദചൂഢം.
കുറുനിരയിലൂടെ...നീലോല്പല മിഴിപ്പീലിയിലൂടെ...
നിറകുംഭകുചങ്ങളിലൂടെ...രോമാവലികളിലൂടെ...
നാഭീപുളിനത്തിൽ വെൺതിരയായി മദിച്ചും -രാഗാർദ്ര-
നഭോമണ്ഡലമേഖലയിൽ ലയലഹരിപൂകിനിന്നും
ശൈലത്തിന്നന്ത;രംഗചിപ്പിയിൽ മുത്തിനായി വീണും, മോഹ-
ലീലാന്ത;പുരത്തിൽ മറ്റൊരു താപസ്സിയായി ലയിക്കവെ
മന്മഥമല്ലീശരം കൊണ്ടു ശിവ മനോതാരുണർന്നതും
ഉന്മാദഭാവം ഫാലനേത്രത്തിൽ അഗ്നിസ്ഫുലിംഗമായതും
തെല്ലുമറിഞ്ഞില്ല ദേവി - തപോ വല്മീകം തകർത്തു നാഥ-
വല്ലിയിലൂയലാടി അർദ്ധനാരീശ്വരപ്രിയയാകവെ...

Kavi8.jpg