കൊടുമൺ എച്ച്.എസ്.എസ് കൊടുമൺ/കൂടുതൽ കാർട്ടൂണുകൾ

മാഷ്
NB:- മലയാള മനോരമയിലെ കുഞ്ചുക്കുറുപ്പ് കാർട്ടൂൺ പരമ്പരയോട് ഇതിലെ ചിത്രങ്ങൾ കടപ്പെട്ടിരിക്കുന്നു. നമ്മുടെ സ്കൂൾ കുട്ടികളിൽ കാർട്ടൂണുകളോട് ആഭിമുഖ്യം വളർത്തിയെടുക്കുക എന്നതാണ് ലക്ഷ്യം. ഇതിലെ അടിക്കുറിപ്പുകൾ തീർത്തും സ്കൂൾ തലത്തിന്റെ പരിധിയിലൊതുക്കാൻ കഴിവതും ഞാൻ ശ്രമിച്ചിട്ടുണ്ട്. കുട്ടികൾക്കു മാത്രമായി മറ്റൊരു കാർട്ടൂൺ താൾ തുറന്നിട്ടുണ്ട്. --ആർ.പ്രസന്നകുമാർ.

മാഷുമാർക്കും കുട്ടികൾക്കും നവ വത്സരാശംസകൾ ....! Happy 2010
[rpk]
ജനുവരി 26, വന്ദേമാതരം ...ഇന്ന് റിപ്പബ്ലിക് ദിനം
[rpk]
ജനുവരി 26, വന്ദേമാതരം ...ഇത് റിപ്പബ്ലിക് ദാനം
[rpk]
മാഷേ.... ഗാന്ധി പ്രതിമ വല്ലാത്ത ഇരുട്ടിലാണല്ലോ...?
എടോ.... ഗാന്ധി പ്രതിമ മാത്രമല്ല, ഗാന്ധിസവും.....! തമസല്ലോ സുഖപ്രദം
[rpk]

മാഷേ.... വിലക്കയറ്റം ഇങ്ങനെ പോയാൽ നമ്മൾ എങ്ങനെ ജീവിക്കും..... ?
മാഷുമാർക്കും കുട്ടികൾക്കും ഒരു ചുക്കുമില്ല...!
ഉം... അതെന്താ മാഷേ അങ്ങനെ പറയുന്നത്...?
ഉസ്കൂളിൽ ഉച്ചക്കഞ്ഞിയുണ്ട് .... ഒരു നേരമെങ്കിൽ ഒരു നേരം... ഞങ്ങളു ജീവിക്കും.
[rpk]

മാഷേ ... തിടുക്കത്തിൽ എവിടേക്കാ... ?
എടോ മാജിക്കേ .... തന്റെ കൈയിൽ വിദ്യ വല്ലതുമുണ്ടോ...?
എന്തു വിദ്യ മാഷേ..? വന്നു വന്ന് മാഷും ശിഷ്യനും തമ്മിൽ അന്തരമില്ലാതായി....!
മറ്റൊന്നുമല്ല... SSLC പരീക്ഷ വരുന്നു, വിജയശതമാനം....!
[rpk]

10 B യിലെ ബാബുവിന്റെ ഫാദറല്ലേ?...എന്താ കൈനോക്കിക്കുന്നത്?
എന്തു പറയാനാ മാഷേ....SSLC പരീക്ഷയിങ്ങടുത്തില്ലേ...! എന്റെ ഹസ്തരേഖ ശരിയാണെങ്കിൽ ചെറുക്കൻ പാസ്സാകുമെന്ന് ഉറപ്പാക്കാമല്ലോ...?
[rpk]

മാഷേ .... ഉസ്കൂളിലെക്കൂട്ട് ക്ളസ്റ്റർ ക്ളാസിനും കൃത്യായിട്ട് എത്തണം കേട്ടോ....!
[rpk]

എടാ സുഗുണാ... എന്നെ നമ്മുടെ സ്കൂളിലൊന്ന് കൊണ്ടു വിട്....!
ഓ ...മാഷോ...പിറകോട്ട് ചെന്നാട്ടേ... അവിടെ നമ്മുടെ മജീദും സുശീലനും ശമുവേലുമൊക്കെയുണ്ട്.
(ഓട്ടോക്കാർ ചെറിയ ദൂരം ഓടുവാൻ വിമുഖത കാണിക്കുന്നതായി പരാതി - റിപ്പോർട്ട്)[rpk]
എന്റെ മാഷേ.... കോടതിയിൽ നിന്നു തിരിയാനൊക്കുന്നില്ല....!
അതെന്തൊ വർക്കി വക്കീലേ.... കേസിന്റെ എണ്ണം കൂടുന്നത് നല്ലതല്ലേ...?
മാഷേ.... വക്കീലന്മാരുടെ എണ്ണമാ ...............![rpk]
മാഷെങ്ങോട്ടാ .... ഫാസ്റ്റ് പിടിക്കാൻ പോകുന്നത്....?
കോഴിക്കോടിന്..... സംസ്ഥാന കലോൽസവം കാണണ്ടേ......![rpk]
കവിരത്നം ഓടനാവട്ടം ഓമനക്കുട്ടൻ എങ്ങോട്ടാ?
കളിയാക്കാതെ മാഷേ... മാഷിന്റെ കവിതയും കഥയും ലേഖനവുമൊക്കെ ഞാൻ സ്കൂൾവിക്കിയിൽ കണ്ടു.....![rpk]

'മാഷേ ... എന്നെ മനസ്സിലായില്ലേ ..ഞാ൯ മമ്മൂട്ടി..'
'ഓ.. മനസ്സിലായി ... പഴശി രാജാവിന് ഉസ്കൂളിലെന്താ കാര്യം...?'
'ഒന്നുമില്ല... എന്റെ കുറെ ഫാ൯സ് പിള്ളാര് മഹാ ഉഴപ്പാണെന്ന് കേട്ടു... രണ്ടു പെട അവറ്റകൾക്ക് കൊടുക്കാ൯...'-rpk
'മോഹ൯ലാലല്ലേ ...?'
'അതേ... മാഷിനെങ്ങനെ മനസ്സിലായി ?'
'....'കുലുക്കം' കണ്ടാലറിഞ്ഞൂടെ?...ഒന്നുമില്ലേലും നമ്മൾ പത്തനംതിട്ട ജില്ലക്കാരാ....!'-rpk
'ഇന്ന് സഹവാസ ക്യാമ്പല്ലേ .... ഒന്ന് അടി പൊളി സെറ്റപ്പിൽ വന്നതാ മാഷേ...!-rpk
'മാഷേ, ക്രിസ്മസ് - പുതു വത്സരാശംസകൾ ........ ക്രിസ്മസ് ദിനങ്ങൾ .... ക്രിക്കറ്റ് ദിനങ്ങൾ.-rpk

മാഷേ, ഈ സ്കൂൾ വിക്കി അപാരം തന്നെ. വിരലൊന്നമർത്തിയാൽ എല്ലാ സ്കൂൾ വിവരങ്ങളും കിട്ടും. സത്യത്തിൽ ഒന്നു കൂടി പഠിക്കാ൯ തോന്നുന്നു മാഷേ....rpk
'ഞങ്ങൾ 'കേരള വിഷ൯' TV ചാനലുകാരാണ്. ഉസ്കൂളിലെ മണി കാണാതായതിനെക്കുറിച്ച് മാഷിന്റ അഭിപ്രായമെന്താണ്.'
'ഹാവൂ... കുട്ട്യോളുടെ ഒരു യോഗമാണെന്ന് കൂട്ടിക്കോളൂ...ഇനി...'-rpk
രാമച്ചാരേ.... ആനയേയും കൊണ്ട് എങ്ങോട്ടാ....?
ഒന്നും പറയണ്ട മാഷേ.... പുല്ലു മേയ്കാൻ കൊണ്ടു പോവാ!-rpk
മാഷേ, ഒന്നു മുറുക്കിയിട്ട് നാളേറെയായി. എന്റെ തലവെട്ടം കാണുമ്പോ കടക്കാർ പലക നിരത്തി പൂട്ടിയോടും. ഹാവൂ...എന്നാലും വേണ്ടില്ല, കുട്ടികള് നശിക്കുകയില്ലല്ലോ...-rpk
മാഷേ, ശബരിമലയിൽ പോയിട്ടുള്ള വരവാ. വന്നപ്പോഴാ അറിഞ്ഞത് മലയിൽ മാത്രമല്ല നമ്മുടെ സ്കൂളിലും അന്നദാനം ഉണ്ടെന്ന്. നല്ല കാര്യം. കുട്ടികൾക്ക് വിശപ്പില്ലാതെ പഠിക്കാമല്ലോ...-rpk
എന്താ മാഷേ... വല്ലാത്ത തിടുക്കം...?
ഹേ.... തിടുക്കമല്ല, ഒരുക്കം... ഒരുക്കം 2010...!
അതെന്തു മാഷേ... ബ്യൂട്ടീഷനായ എനിക്കു വല്ല ചാൻസും...?
കൊച്ചേ... ഇതു വേറെ പരിപാടി, പരീക്ഷാ തീവ്റപഠനയത്നവുമായി ബന്ധപ്പെട്ട ചോദ്യസൂചികകൾ...! rpk 29/01/2010
ഹേ റാം .... ഇന്ന് മഹാത്മാ ഗാന്ധിയുടെ 62 -മത് രക്തസാക്ഷിദിനം rpk 30/1/10
റിപ്പബ്ളിക് ദിനാശംസകൾ
ഇന്ത്യൻ റിപ്പബ്ളികിന് ഇന്ന് 60 തികയുന്നു. അനേകം നാട്ടുരാജ്യങ്ങളായി ശിഥിലമായിരുന്ന ഭാരതാംബയെ എല്ലാ അർത്ഥത്തിലും വീണ്ടെടുത്ത സുദിനം. rpk26/1/10
ജയ് ജവാൻ ..... ജയ് കിസാൻ.
വന്ദേമാതരം. khs 26/01/2010
വളരെ ദുഃഖമുണ്ട്. കൊച്ചിൻ ഹനീഫ ഒരു നല്ല മനുഷ്യനായിരുന്നു. ആ കുടുംബാംഗങ്ങളോട് ആദരാജ്ഞലികൾ - rpk 03/02/10
മാഷേ .... അങ്ങനെ ഒരുവിധം IT മോഡൽ പരീക്ഷ കഴിഞ്ഞു. ഇനി റിസൽട്ട് Export ചെയ്ത് സി.ഡി.യിലാക്കണം , പ്രിന്റും എടുക്കണം - rpk 08/02/10
'മാഷെങ്ങോട്ടാ ഇത്ര ധൃതിയിൽ ....?
രാഷ്ട്രീയ മാധ്യമിക് ശിക്ഷാ അഭിയാന്റെ ക്ളാസിനു പോവുകയാ...
ങേ... മാഷുമാർ ഉസ്കൂളിൽ രാഷ്ട്രീയവും പഠിപ്പിക്കാൻ തുടങ്ങിയോ...? ശിവ ...ശിവ...!
ഹേ... അതല്ല, ഇത് RMSA,ഉസ്കൂളിന്റെ വിദ്യാഭ്യാസ - ഭൗതിക നിലവാരം മെച്ചപ്പെടുത്താനുള്ള കർമ്മ പദ്ധതി...-rpk - 10/02/2010
എന്താ മത്തായി ... വല്ലാത്ത ദുർഗന്ധം...?
ഹേ.... ഒന്നും പറയണ്ടെന്റെ മാഷേ , റേഷനരി വാങ്ങിയതാ.....!
അതെന്തു പറ്റി.....?പാമോയിലിൽ ചവുട്ടിക്കുഴച്ച ജയ അരിയാണോ...?
അതേ.....വീട്ടുകാരത്തിക്ക് നിർബന്ധം, അതാ വാങ്ങിയത്.....!ഇതിന്റെ കൂടെ പാമോയിൽ ഫ്രീയാണല്ലോ....? rpk 15/01/2010
എന്താ മാഷേ ... സ്കൂൾവിക്കിയൊക്കെ കലക്കനാവുന്നല്ലോ...?
ങാ തരൂർ സാറിന്റെ ട്വീറ്ററും കേമം തന്നെ.....! ഇതിനൊക്കെ സമയം തിരക്കിനിടയിൽ കിട്ടുമോ...?
ഹ...ഹ... സമയവും സമയമില്ലായ്മയും നമ്മൾ സൃഷ്ടിക്കുന്നതല്ലേ.... മാഷിനോട് പ്രത്യേകിച്ച് ഞാൻ പറയേണ്ടതില്ലല്ലോ...?
ശരിയാണ്...കാലത്തെ പിടിച്ചു നിർത്തുന്നവനാണ് യഥാർത്ഥ കലാകാരൻ rpk 20/01/2010
മാഷേ... എന്തുണ്ട് വിശേഷം....?
ങാ.... സൂപ്പർ സ്റ്റാർസ് രണ്ടു പേരും ഉണ്ടല്ലോ...? 'തിലകൻ' വിശേഷമൊക്കെ നിങ്ങൾക്കല്ലേ......?
ഓ....'ചുമ്മാ....' rpk 27/02/2010
മാഷേ.... ഇതു ഞാനാ...
മനസ്സിലായില്ലല്ലോ....ആരാ....?
സൂപ്പർസ്റ്റാർ.......................! rpk 27/02/2010
മാഷേ.... എങ്ങോട്ടാ ഇത്ര തിടുക്കത്തിൽ........?
ഓ സുഗുണനോ...? ബസ് ചാർജ് കൂടും മുമ്പ് കുടുംബത്തുള്ള അമ്മയെ കാണാനിറങ്ങിയതാ.,... വരട്ടേ..... rpk 03/03/2010
കൊച്ചേ എന്താ ഇത്ര വിഷമം.... പാർലമെന്റ് ന്യൂസു വല്ലതും ടി.വി. യിൽ കണ്ടായിരുന്നോ.......?
ഓ മാഷോ...? വനിതാസംവരണം ഇത്തവണയും അട്ടിമറിക്കുമെന്നാ തോന്നുന്നത്.....! rpk 09/03/2010
കൊച്ചിനു സന്തോഷമായിക്കാണുമല്ലോ... പാർലമെന്റിൽ വനിതാ സംവരണ ബിൽ പാസ്സായല്ലോ........?
എന്റെ മാഷേ...? വനിതാസംവരണം പാസ്സായതും ചിലരുടെ മോന്തയിൽ കടന്നലു കുത്തിയതും ഒരു പോലായെന്നാ തോന്നുന്നത്.....! rpk 11/03/2010
ഡോക്ടറേറ്റ് ഒക്കെ കിട്ടിയെന്നു കേട്ടല്ലോ...? അപ്പോൾ ഇനി ലെഫ്റ്റനന്റ് കേണൽ എന്തു ചെയ്യും....?
ഓ മാഷിതൊക്കെ ശ്രദ്ധിക്കുമോ...? ഒക്കെ ഓരോരോ വേഷങ്ങള്... മാറി മാറി അണയുന്നവൻ നടൻ, അല്ലേ മാഷേ....? rpk 16/03/2010
മാഷേ...S.S.L.C. പരീക്ഷ എങ്ങനിരുന്നു....? മാഷിന്റെ ശിഷ്യനും മറ്റും വളരെ എളുപ്പമായിരുന്നില്ലേ.......?
എന്റെ ബേബി സാറേ...ഇതു വരെ കുഴപ്പമില്ലാതെ നടന്നു...പക്ഷേ പരീക്ഷച്ചൂടും അന്തരീക്ഷ ചൂടും തമ്മിലുള്ള ബലപരീക്ഷണം ഇത്തിരി കഠിനം സിലബസാ....!rpk 16/03/2010
മാഷേ ക്രിക്കറ്റ് കളിക്കാൻ കൂടുന്നോ... അവധിക്കാലമല്ലേ....?
പോടാ ചെറുക്കാ...അവധിക്ക് കളിച്ചു മാത്രം നടക്കാതെ വല്ലതും പഠിക്കാനും ശ്രമിക്കണം .....കേട്ടോ... rpk 30/03/2010
മാഷേ...പിള്ളാരെ പിടിക്കാനായിരിക്കും......?, ഇവിടില്ല കേട്ടോ....
എന്റെ കൊച്ചാപ്പി... നീ രാവിലെ നല്ല ഫോമിലാണല്ലോ....? ഞാൻ സെൻസസ് ഡ്യൂട്ടിക്ക് വന്നതാ...നിന്റെ കുറെ വിവരങ്ങൾ......?!rpk

മാഷേ..... വിഷുവായിട്ട് ഒരു കൈനീട്ടം തരാതെ പോകല്ലേ....
അതിന് തനിക്കെന്നും വിഷുവല്ലേ....? കൈ നീട്ടിയല്ലേ എന്നും ഇരിപ്പ്....!rpk

തരൂർ സാറേ കളി തുടങ്ങും മുമ്പേ സംഗതി 'ഔട്ടാ'യല്ലോ.....?ഇനിയെന്തു ചെയ്യും...?
ങാ മാഷോ, ഹേയ് ഒന്നുമില്ല, ഒക്കെ 'കന്നുകാലി ക്ലാസുകളുടെ' കളിയാ. ട്വീറ്ററും സ്വെറ്ററും പുതച്ചങ്ങു നടക്കും. അല്ല പിന്നേ.....! - rpk 19/04/2010

10 B യിലെ ബാബുവിന്റെ അച്ഛനല്ലേ...? മോൻ ജയിച്ചല്ലോ, ഇനിയെന്തിനാ കൈ നോക്കിക്കുന്നത്.....?
ങാ മാഷോ, പ്ലസ് വണ്ണിന് വല്ല രക്ഷയും ഉണ്ടോന്നു നോക്കുകയാ..... സീറ്റ് കിട്ടിയില്ലെങ്കിൽ വല്ല കമ്പിയെങ്കിലും കിട്ടുമോന്നറിയാനാ.....! - rpk 11/05/2010

എടോ തനിക്ക് വീടും വീടരുമൊക്കെയുണ്ടോ.... തറ സിമന്റിട്ടതാണോ...അതോ ഇനി.......?
മാഷിനും സെൻസസ് പിടിച്ചോ..... ഞാൻ ദിവസവും ഒരു നേരമെങ്കിലും വിശപ്പിന് വല്ലതും മോന്തുമോ, നാണം മറയ്കാൻ തുണിയുണ്ടോ...തല ചായ്കാനിടമുണ്ടോ....?അങ്ങനെ വല്ല ചോദ്യവും മാഷിന്റെ സെൻസസിലുണ്ടോ.....? - rpk 12/05/2010

മാഷുമാർക്കും കുട്ടികൾക്കും നവ സ്കൂൾദിന ആശംസകൾ ....! Victorious 2010 -'11
[rpk17/06/10]

മാഷേ .... ഞാനും ഇനി മുതൽ കമ്പ്യൂട്ടർ സാക്ഷരനായി., ഐ.ടി.അറ്റ് സ്കൂളിന്റെ എട്ടാം ക്ലാസിലെ ഐ.സി.ടി. പരിശീലനം എനിക്കും കിട്ടി. - rpk 17/06/10