കാട്ടുതീ പോലിന്ന് ശക്തിയാർജ്ജിച്ചു
പടർന്നു പിടിക്കുന്നീ മഹാമാരി,
കാലന്റെ കരാളമാം കയറിനപ്പുറം -
മൃത്യുവിൻ ഭയാനക ഹസ്തങ്ങളിൽ
ഞെരിഞ്ഞമരുന്നു മനുഷ്യക്കോലങ്ങൾ.
നാം ചെയ്തുകൂട്ടും നീചപ്രവർത്തികൾക്ക്,
മറുപടിയന്ന് പ്രളയമുഖമെങ്കിൽ :
ഭീകരമാം വൈറസ്തൻ രൂപമിന്ന്,
ജഗദീശ്വര സൃഷ്ടി നിസംശയം!
ദിനങ്ങൾ ഭീതിയോടെ കഴിക്കുന്നു നാം,
പാറിപ്പറക്കാതെ ഭയന്നൊളിച്ചീടുന്നു.
വിഹഗങ്ങൾ മന്ദമാരുതൻ
പ്രകൃതിയൊന്നാകെ
ഈ പനിനീർപുഷ്പത്തെ തഴുകാൻ മറക്കുന്നു !
ഇക്കൊടും വ്യാധിതൻ നുകം പേറി
ഞെരിഞ്ഞമർന്നീടുന്നു ലോകം,
കീഴടക്കാം നമുക്കൊരുമിച്ചീ നോവിനെ,
ഐക്യത്തിൻ ശക്തിയാൽ :
'വണങ്ങാം പ്രപഞ്ചത്തെ'.
