കാർഡിനൽ എച്ച്.എസ്.തൃക്കാക്കര/വിദ്യാരംഗം‌

കേരളസർക്കാർപൊതുവിദ്യാഭ്യാസവകുപ്പിന്റെ സംരംഭമാണ് വിദ്യാരംഗം കലാസാഹിത്യവേദി. കുട്ടികളുടെ സർഗ്ഗശേഷി വികസിപ്പിക്കുന്നതിനു വിദ്യാലയങ്ങളിൽ പ്രവർത്തിക്കുന്ന ഒരു സംഘടനയാണിത്. മനുഷ്യത്വം വളർത്തിയെടുക്കുക എന്ന ലക്ഷ്യമാണ് വിദ്യാരംഗം കലാസാഹിത്യവേദിക്കുളളത്. വിദ്യാലയങ്ങളാണ് വേദിയുടെ പ്രവർത്തനത്തിന്റെ തുടക്കം. അദ്ധ്യാപകൻ ചെയർമാനും വിദ്യാർത്ഥികളിൽ ഒരാൾ കൺവീനറുമായി വേദിയുടെ സംഘടനാപ്രവർത്തനം ആരംഭിക്കുന്നു. കാർഡിനൽ HSS തൃക്കാക്കരയുടെ വിദ്യാരംഗം കൺവീനറായി ശ്രീമതി.ജീബ പൗലോസും വിദ്യാർത്ഥി കൺവീനറായി കുമാരി നൗറിൻ VS-ഉം പ്രവർത്തിക്കുന്നു.ഓരോ ക്ലാസിൽ നിന്നും തെരഞ്ഞെടുക്കപ്പെട്ട വിദ്യാർത്ഥികൾ ക്ലാസ്തല കോർഡിനേറ്റർമാരായും പ്രവർത്തിക്കുന്നു. എല്ലാ ക്ലാസിലെയും വിദ്യാർത്ഥികളെ 7കൂട്ടമായി തിരിച്ച് വേണ്ട നിർദ്ദേശങ്ങളും പ്രവർത്തനങ്ങളും സംഘടിപ്പിക്കുന്നു.

വിദ്യാലയ പ്രവർത്തനാരംഭത്തിൽ തന്നെ വായനാദിനാചരണവും വായനാവാരവും ആചരിക്കുക, വായനാമത്സരം നടത്തുക, നല്ല വായനക്കാരെ തെരഞ്ഞെടുക്കുക, വായനയുടെ പ്രാധ്യാന്യം ഉൾക്കൊളളുന്ന പ്രബന്ധമത്സരം, പ്രഭാഷണങ്ങൾ എന്നിവ സംഘടിപ്പിക്കുക, ലൈബ്രറി പുസ്തക വിതരണം കാര്യക്ഷമമാക്കുക , വിദ്യാരംഗം സ്കൂൾതല രൂപീകരണം,ഉദ്ഘാടനം,ബഷീർ ദിനാചരണം, ഓണാഘോഷം,മലയാളഭാഷാവാരാചരണം, ലോകമാതൃഭാഷാദിനം, സർഗോത്സവം, ഭാഷാശില്പശാലകൾ തുടങ്ങിയവ വിദ്യാരംഗം കലാസാഹിത്യവേദിയുടെ നേതൃത്വത്തിൽ നടക്കുന്ന പ്രവർത്തനങ്ങളാണ്.