എ എം യു പി എസ് മാക്കൂട്ടം/പ്രവർത്തനങ്ങൾ/2018 19 പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | ക്ലബ്ബുകൾ | ചരിത്രം | അംഗീകാരം |
പ്രവേശനോൽസവം
2018 ജൂൺ 12ന് സ്കൂൾ പ്രവേശനോൽസവം ഗ്രാമപഞ്ചായത്ത് അംഗം ശ്രീബ പുൽക്കുന്നുമ്മൽ ഉദ്ഘാടനം ചെയ്തു. ഗ്രാമപഞ്ചായത്ത് മെമ്പർമാരായ എ.കെ ഷൗക്കത്തലി, ടി.കെ ഹിതേഷ് കുമാർ, പി.ടി.എ, എം.പി.ടി.എ പ്രതിനിധികൾ സംബന്ധിച്ചു. നവാഗതരെ പഠനോപകരണ കിറ്റും മധുരവും നൽകി സ്വീകരിച്ചു.
.jpeg)
|
|
വായനാദിനം
2018 ജൂൺ 19 ന് വായനാദിനത്തോടനുബന്ധിച്ച് ക്വിസ് മൽസരം, പുസ്തക പരിചയം, പ്ലക്കാർഡ് നിർമ്മാണം, പി.എൻ. പണിക്കർ അനുസ്മരണം എന്നിവ സംഘടിപ്പിച്ചു.
അന്താരാഷ്ട്ര യോഗാദിനം
2018 ജൂൺ 21 ന് അന്താരാഷ്ട്ര യോഗാദിനത്തോടനുബന്ധിച്ച് കുന്ദമംഗലം ഗ്രാമപഞ്ചായത്ത് തല ഉദ്ഘാടനം സ്‌കൂളിൽ വെച്ച് നടന്നു. ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴ്‌സൺ ടി.കെ സൗദ ഉദ്ഘാടനം ചെയ്തു. ഗ്രാമപഞ്ചായത്ത് മെമ്പർമാർ പങ്കെടുത്തു. ആയുർവേദ, ഹോമിയോ ഡോക്ടർമാരുടെ യോഗ ഡെമോൺസ്‌ട്രേഷൻ ക്ലാസും നടന്നു. 2018 ജൂൺ 27 ന് എ.ഇ.ഒ, ഡയറ്റ് ഫാക്കൽറ്റി നേതൃത്വത്തിൽ വിദ്യാലയ സന്ദർശനം നടത്തി.
ലീഡർ തെരെഞ്ഞെടുപ്പ്
2018 ജൂലായ് 2 ന് പൊതുതെരഞ്ഞെടുപ്പ് മാതൃകയിൽ സ്കൂൾ ലീഡർ തെരെഞ്ഞെടുപ്പ് നടന്നു. ഏഴാം ക്ലാസ് ബി വിദ്യാർത്ഥി ഹാഫിസ് തെരെഞ്ഞെടുക്കപ്പെട്ടു. എല്ലാ വിദ്യാർത്ഥികൾക്കും ബാലറ്റ് പേപ്പർ നൽകി വോട്ട് രേഖപ്പെടുത്താൻ അവസരം നൽകിയത് ജനാധിപത്യ മൂല്യം ഉയർത്താൻ സഹായകമായ പ്രവർത്തനമായിരുന്നു. 2018 ജൂലായ് 6 യു.പി ക്ലാസ് പിടിഎ ചേർന്നു. 2018 ജൂലായ് 10 എൽ.പി ക്ലാസുകളിലെ ക്ലാസ് പി.ടി.എ ചേർന്നു.
സ്മാർട്ട് ക്ലാസ് റൂം ഉദ്ഘാടനം
2018 ജൂലായ് 11 ന് കുന്ദമംഗലം നിയോജകമണ്ഡലം എം.എൽ.എയുടെ പ്രാദേശിക വികസന നിധിയിൽ നിന്ന് ( 1,50,000 രൂപ) സ്‌കൂളിന് അനുവദിച്ച സ്മാർട്ട് ക്ലാസ് റൂമിന്റെ ഉദ്ഘാടനം ശ്രീ അഡ്വ. പി.ടി.എ റഹിം എം.എൽ.എ നിർവ്വഹിച്ചു. പി.ടി.എ പ്രസിഡണ്ട് കെ.എം ഗിരീഷ് അഘ്യക്ഷത വഹിച്ചു. ഗ്രാമപഞ്ചായത്ത് സ്റ്റാന്റിംഗ് കമ്മറ്റി ചെയർപേഴ്‌സൺ ടി.കെ സൗദ, ഗ്രാമപഞ്ചായത്ത് മെമ്പർമാരായ ശ്രീബ ഷാജി, എ.കെ ഷൗക്കത്തലി, പി. മുഹമ്മദ് കോയ മാസ്റ്റർ, മാനേജ്മെന്റ് പ്രതിനിധി ടി.കെ പരീക്കുട്ടി, മണ്ണത്ത് അഷ്‌റഫ്, വാവ കേളങ്ങൽ, എം.പി.ടി.എ പ്രസിഡണ്ട് സിഖി ജാഫർ എന്നിവർ പ്രസംഗിച്ചു. കേരള മുസ്ലിം ജമാഅത്ത് ചൂലാംവയൽ മഹല്ല് കോ-ഓഡിനേഷൻ കമ്മറ്റി സ്കൂൾ ലൈബ്രറിക്ക് നൽകിയ പുസ്തകങ്ങളുടെ സമർപ്പണവും ചടങ്ങിൽ വെച്ച് നടന്നു. ഹെഡ്മാസ്റ്റർ പി. അബ്ദുൽ സലിം സ്വാഗതവും വി.പി സലിം നന്ദിയും പറഞ്ഞു. 2018 ജൂലായ് 13 ന് പി ടി എ യുടെ വാർഷിക ജനറൽബോഡി യോഗം ചേർന്നു. വാർഷിക റിപ്പോർട്ട്, വരവ് ചെലവ് കണക്ക് അവതരിപ്പിച്ചു. 2018-19 വർഷത്തേക്കുള്ള 21 അംഗങ്ങളുള്ള പിടിഎ പ്രവർത്തകസമിതി തെരെഞ്ഞെടുക്കപ്പെട്ടു.
ചാന്ദ്രദിനം
2018 ജൂലായ് 21 ന് സയൻസ്‌ക്ലബ് ആഭിമുഖ്യത്തിൽ ചാന്ദ്രദിനാഘോഷം, ക്വിസ്, പ്രസംഗം, ചാർട്ട് പ്രദർശനം, റോക്കറ്റ് നിർമ്മാണം എന്നിവ സംഘടിപ്പിച്ചു.
വൃക്ഷത്തൈ വിതരണം
2018 ജൂലായ് 23 ന് വിദ്യാർത്ഥികൾക്കുള്ള വൃക്ഷത്തൈ വിതരണം ഗ്രാമപഞ്ചായത്ത് മെമ്പർ ശ്രീ എ.കെ ഷൗക്കത്ത് നിർവ്വഹിച്ചു. വി.പി സലീം, ഹെഡ്മാസ്റ്റർ പി. അബ്ദുൾസലിം, വി.പി കേശവനുണ്ണി എന്നിവർ സംബന്ധിച്ചു. 2018 ജൂലായ് 27 പി.ടി.എ പ്രവർത്തകസമിതി യോഗം ചേർന്നു.
പച്ചക്കറി വിത്ത് വിതരണോൽസവം
2018 ജൂലായ് 26 ന് കേരള കൃഷിവകുപ്പ് വിദ്യാർത്ഥികൾക്കു് നൽകുന്ന പച്ചക്കറി വിത്ത് പാക്കറ്റുകളുടെ വിതരണോൽസവം കുന്ദമംഗലം കൃഷി ഓഫീസർ നിർവ്വഹിച്ചു.
വിദ്യാരംഗം
2018 ജൂലായ് 26 ന് കുന്ദമംഗലം ഉപജില്ലാ വിദ്യാരംഗം കലാസാഹിത്യവേദി ഉദ്ഘാടനവും രചനാ ശിൽപശാലയും സ്‌കൂളിൽ നടന്നു. മലയാള മനോരമ സബ് എഡിറ്റർ ശ്രീ മദുസൂദനൻ കർത്ത ഉദ്ഘാടനം ചെയ്തു. ഉപജില്ലാ വിദ്യാഭ്യാസ ഓഫീസർ ശ്രീ രമേശ്, ഹെഡ്മാസ്റ്റർ പി. അബ്ദുൽ സലിം, വാർഡ് മെമ്പർ എ.കെ ഷൗക്കത്ത്, എച്ച്.എം ഫോറം പ്രസിഡണ്ട് പ്രേമൻ മാസ്റ്റർ, പി. മുഹമ്മദ് കോയ, ആരിഫ സംസാരിച്ചു. പി ടി എ പ്രസിഡണ്ട് കെ.എം. ഗിരീഷ് അദ്ധ്യക്ഷത വഹിച്ചു. ഉപ ജില്ലാ കൺവീനർ എ. റഷീദ സ്വാഗതവും കെ.കെ പുഷ്പലത നന്ദിയും പറഞ്ഞു. തുടർന്ന് നടന്ന രചനാ ശിൽപ്പശാലയിൽ ചിത്രരചനാ കലാധ്യാപകൻ ഷാജി ക്ലാസ് നയിച്ചു. ഉച്ചഭക്ഷണത്തോടെ പരിപാടി അവസാനിച്ചു.
ദുരിതാശ്വാസ യാത്ര
2018 ജൂലായ് 20 ന് വയനാട്ടിലെ ആദിവാസി കോളനികൾ, പ്രളയബാധിത പ്രദേശങ്ങൾ എന്നിവിടങ്ങളിലേക്ക് പി ടി എയുടെ ആഭിമുഖ്യത്തിൽ അരി, പലവ്യജ്ഞനങ്ങൾ, പുസ്തകങ്ങൾ, ബാഗുകൾ, വസ്ത്രങ്ങൾ, പുതപ്പുകൾ എന്നിവ വാഹനങ്ങളിൽ എത്തിച്ചു നൽകി. കുന്ദമംഗലം ഗ്രാമപഞ്ചായത്ത് മെമ്പർ ശ്രീ. എ.കെ ഷൗക്കത്തലി ദുരിതാശ്വാസ യാത്ര ഫ്ളാഗ് ഓഫ് ചെയ്തു. രക്ഷിതാക്കൾ, നാട്ടുകാർ, മറ്റ് സ്ഥാപന അധികാരികൾ തുടങ്ങിയവർ ഈ സദുദ്യമത്തിൽ സജീവമായി സഹായിച്ചു. രാവിലെ 10.30ന് പുറപ്പെട്ടു. രാത്രി 7.30ന് തിരിച്ചെത്തി. 2018 ജൂലായ് 29 ന് പ്രത്യേക അസംബ്ലി ചെരുകയും സമാനതകളില്ലാത്ത പ്രളയ ദുരിതത്തിനിരയായവരോട് ഐക്യദാർഢ്യം പ്രഖ്യാപിക്കുകയും ചെയ്തു.
സേവനം
2018 ജൂലായ് 31 ന് പൂനൂർ പുഴയിലെ വെള്ളം കയറി ഉപയോഗ ശൂന്യമായ രീതിയിൽ ചളിയും മറ്റുവസ്തുക്കളും അടിഞ്ഞ് വൃത്തികേടായ അഞ്ചാം തരം എ ഡിവിഷൻ വിദ്യാർത്ഥിനി ഹൈഫ ഷെറിന്റെ വീട് പി ടി എയുടെ ആഭിമുഖ്യത്തിൽ വൃത്തിയാക്കി. പി ടി എ മെമ്പർമാർ, അധ്യാപകർ എന്നിവർ പങ്കെടുത്തു.
അറിവിൻ തിളക്കം
2018 സെപ്തംബർ 1 ന് ചന്ദ്രിക ദിനപത്രം അറിവിൻ തിളക്കം പദ്ധതി സ്കൂൾ ലീഡർ മുഹമ്മദ് ഹാഫിസിന് നൽകി ചൂലാംവയൽ കെ.എം.സി.സി പ്രസിഡണ്ട് അഷറഫ് മേക്കോത്ത് ഉദ്ഘാടനം ചെയ്തു.
ആരോഗ്യബോധവൽക്കരണ സന്ദേശയാത്ര
2018 സെപ്തംബർ 13 ന് എലിപ്പനി, ഡെങ്കിപ്പനി, മഞ്ഞപ്പിത്തം തുടങ്ങിയവയ്‌ക്കെതിരെ കുന്ദമംഗലം ഗ്രാമപഞ്ചായത്തും കുടുംബാരോഗ്യകേന്ദ്രവും സംയുക്തമായി നടത്തിയ ആരോഗ്യബോധവൽക്കരണ സന്ദേശയാത്രയ്ക്കും മാജിക്ക് പ്രദർശനത്തിനും സ്‌കൂളിൽ സ്വീകരണം നൽകി. ഗ്രാമപഞ്ചായത്ത് വിദ്യാഭ്യാസ സ്റ്റാൻഡിംഗ് കമ്മറ്റി ചെയർപേഴസൺ ടി.കെ സൗദ, വി.പി സലീം, ഹെൽത്ത് ഇൻസ്‌പെക്ടർ തുടങ്ങിയവർ പങ്കെടുത്തു.
പ്രളയ കൈതാങ്ങ്
2018 സെപ്തംബർ 17ന് ആലപ്പുഴ ജില്ലയിലെ കുട്ടനാട് കൈനകരി സെന്റ്‌മേരീസ് എൽപി സ്‌കൂളിലെ മുഴുവൻ വിദ്യാർത്ഥികൾക്കും 2018ലെ പ്രളയത്തിൽ നഷ്ടപ്പെട്ടുപോയ നോട്ടുപുസ്തകത്തിന് പകരമായി മാക്കൂട്ടം എ.എം.യു.പി സ്കൂൾ സ്‌പോൺസർ ചെയ്ത നോട്ടു പുസ്തകങ്ങൾ നടക്കാവ് യു.ആർ.സി ട്രെയിനർ ശ്രീ. ബിനു മാസ്റ്റർ ഹെഡ്മാസ്റ്ററിൽ നിന്നും ഏറ്റുവാങ്ങി.
പാഠശ്ശാല പദ്ധതി
2018 സെപ്തംബർ 17 ന് വീക്ഷണം ദിനപത്രം പാഠശ്ശാല പദ്ധതിയുടെ ഭാഗമായി മാക്കൂട്ടം എ.എം.യു.പി സ്‌കൂളിൽ ദിനപത്രം നൽകുന്നതിന്റെ ഉദ്ഘാടനം ഡി.സി.സി ജനറൽ സെക്രട്ടറിയും കുന്ദമംഗലം ഗ്രാമപഞ്ചായത്ത് അംഗവുമായ വിനോദ് പടനിലം വിദ്യാർത്ഥികൾക്ക് നൽകി ഉദ്ഘാടനം ചെയ്തു.
പുഴയെ അറിയാൻ
2018 സെപ്തംബർ 25 ന് നവതി ആഘോഷത്തിന്റെ ഭാഗമായി പുഴയെ അറിയാൻ പരിപാടി 25-09-18ന് രാവിലെ 10 മണിക്ക് പണ്ടാരപ്പറമ്പ് കണ്ണൻകുഴി പുഴയോരത്ത് വെച്ച് നടന്നു. വിദ്യാലയത്തിലെ 5, 6 ക്ലാസുകളിലെ വിദ്യാർത്ഥികൾ, അധ്യാപകർ, പിടിഎ, എം.പി.ടി.എ പ്രതിനിധികൾ, രക്ഷിതാക്കൾ തുടങ്ങിയവർ പങ്കെടുത്തു. പരിപാടി കുന്ദമംഗലം ബ്ലോക്ക് പഞ്ചായത്ത് പ്രസിഡണ്ട് കുമാരി രമ്യ ഹരിദാസ് ഉദ്ഘാടനം ചെയ്തു. പി.ടി.എ പ്രസിഡണ്ട് കെ.എം. ഗിരീഷ് അധ്യക്ഷത വഹിച്ചു. പ്രഥമ കലാഭവൻമണി അവാർഡ് ജേതാവ് കുഞ്ഞൻ ചേളന്നൂർ, സിനി ആർട്ടിസ്റ്റും നാടക സംവിധായകനുമായ നവീൻ രാജ് എന്നിവർ വിദ്യാർത്ഥികളുമായി സംവദിക്കുകയും കലാപരിപാടികൾ അവതരിപ്പിക്കുകയും ചെയ്തു. വിദ്യാർത്ഥികളുടെ പുഴയുമായി ബന്ധപ്പെട്ട ചാർട്ട് പ്രദർശനം, പ്രസംഗം, പരിസ്ഥിതി സംരക്ഷണവുമായി ബന്ധപ്പെട്ട സ്‌കിറ്റ്, പാട്ട്, കൊളാഷ്, നീന്തൽ മൽസരം, കൂട്ടക്കളി, ലൈഫ്‌ ബോട്ട് ഡമോൺസ്‌ട്രേഷൻ, വൃക്ഷത്തൈ നടൽ എന്നിവ പരിപാടിക്ക് മാറ്റ് കൂട്ടി. ഹെഡ്മാസ്റ്റർ പി. അബ്ദുൽസലീം, ഗ്രാമപഞ്ചായത്ത് മെമ്പർമാരായ എ.കെ ഷൗക്കത്ത്, ശ്രീബ എന്നിവർ പ്രസംഗിച്ചു. വി.പി സലീം സ്വാഗതവും പി ടി എ വൈസ്. പ്രസിഡണ്ട് ടി. കബീർ നന്ദിയും പറഞ്ഞു.
ബോധവൽക്കരണ ക്ലാസ്
2018 സെപ്തംബർ 28 ന് വിദ്യാലയത്തിലെ 7-ാം ക്ലാസ് വിദ്യാർത്ഥികൾക്ക് വേണ്ടി വ്യക്തി ശുചിത്വവും ആരോഗ്യശീലവും എന്ന വിഷയത്തിൽ ബോധവൽക്കരണ ക്ലാസ് സംഘടിപ്പിച്ചു. കുന്ദമംഗലം പി.എച്ച്.സിയിലെ ഹെൽത്ത് ഓഫീസർ ശ്രീ. രഞ്ജിത്ത് ക്ലാസ്സെടുത്തു.
ഗാന്ധിജയന്തി
2018 ഒക്ടോബർ 2 ന് ഒക്ടോബർ 2ന് ഗാന്ധിജയന്തി ദിനത്തിൽ സ്‌കൂളിൽ ശുചീകരണ പ്രവർത്തനങ്ങൾ വിപുലമായി നടത്തി. പി.ടി.എ അംഗങ്ങൾ, അധ്യാപകർ, മാതൃ സമിതി അംഗങ്ങൾ തുടങ്ങിയവർ സജീവമായി പങ്കെടുക്കുകയും സ്‌കൂളും പരിസരവും ശുചീകരിക്കുകയും ചെയ്തു. പരിപാടി രാവിലെ 9 മണിക്ക് ആരംഭിച്ച് 2 മണിക്ക് അവസാനിച്ചു. 2018 ഒക്ടോബർ 4 മുതൽ 5 വരെ പ്രളയം മൂലം നടക്കാതെ പോയ പാദ വാർഷിക പരീക്ഷക്ക് പകരം ഒക്ടോബർ 4നും 5നും 1 മുതൽ 7 ക്ലാസുകളിൽ ക്ലാസ് പരീക്ഷ നടത്തി.
ഉർദു ടാലന്റ് ടെസ്റ്റ്
2018 ഒക്ടോബർ 9ന് കുന്ദമംഗലം ഉപജില്ലാ ഉർദു ടാലന്റ് ടെസ്റ്റിൽ 5 ഡി ക്ലാസ് വിദ്യാർത്ഥിനി ആമിന ഇസ്ര ഒന്നാം സ്ഥാനം നേടി. നവതിയുടെ ഭാഗമായി നിർമ്മിച്ച ലൈബ്രറിയിലേക്ക് കേരളത്തിലെ പ്രശസ്തരായ മലയാള സാഹിത്യകാരന്മാരുടെ വിവരങ്ങളടങ്ങിയ ഫോട്ടോ സ്‌പോൺസറായ ഒ.കെ ഗ്രൂപ്പ് പ്രതിനിധി ഒ.കെ ഷൗക്കത്തലി, ലൈബ്രറി കൺവീനർ ഷമീർ മാസ്റ്റർക്ക് നൽകി ഉദ്ഘാടനം നിർവ്വഹിച്ചു.
സൗജന്യമെഡിക്കൽ ക്യാമ്പ്
2018 ഒക്ടോബർ 13ന് നവതിയാഘോഷവുമായി ബന്ധപ്പെട്ട് സൗജന്യമെഡിക്കൽ ക്യാമ്പ് സംഘടിപ്പിച്ചു. കോഴിക്കോട് മലബാർ കണ്ണാശുപത്രി, കെ.എം.സി.ടി ഡെന്റൽ കോളേജ്, കെ.എം.സി.ടി ആയുർവേദ മെഡിക്കൽ കോളേജ് മണാശ്ശേരി എന്നീ ആശുപത്രികൾ ഏറ്റെടുത്തു. ഗ്രാമപഞ്ചായത്ത് അംഗം എ കെ ഷൗക്കത്ത് ഉദ്ഘാടനം ചെയ്തു. രാവിലെ 9 മണിക്ക് പരിപാടി ആരംഭിച്ചു. 2 മണിക്ക് പര്യവസാനിച്ചു. ദന്തവിഭാഗത്തിൽ 129 പേരും നേത്രരോഗവിഭാഗത്തിൽ 131പേരും ആയുർവേദ വിഭാഗത്തിൽ 131 പേരും അടക്കം ആകെ 362 പേർ മെഡിക്കൽ ക്യാമ്പ് ഉപയോഗപ്പെടുത്തുകയുണ്ടായി. ഡോക്ടർമാർ, നഴ്‌സുമാർ, അധ്യാപകർ, പി.ടി.എ, എം.പി.ടി.എ തുടങ്ങി നൂറോളം പേർക്ക് വിദ്യാലയത്തിൽ നിന്നും ഉച്ചഭക്ഷണം നൽകി. 25 അംഗങ്ങളടങ്ങിയ വിദ്യാർത്ഥികളുടെ നവതി വളണ്ടിയർ ടീം പ്രത്യേകം പ്രശംസ പിടിച്ചു പറ്റി.
വിര നിർമ്മാർജ്ജനയജ്ഞം
2018 ഒക്ടോബർ ദേശീയ വിര നിർമ്മാർജ്ജനയജ്ഞത്തോടനുബന്ധിച്ച് എല്ലാ വിദ്യാർത്ഥികൾക്കും വിര ഗുളികൾ വിതരണം നടത്തി.
ടാലന്റ് ലാബ്
2018 ഒക്ടോബർ 30ന് സ്‌കൂളിന്റെ നവതിയാഘോഷങ്ങളോടനുബന്ധിച്ച് ഓരോ കുട്ടിയും ഒന്നാമൻ എന്ന ലക്ഷ്യം മുൻനിർത്തി VISTA 2018 ടാലന്റ് ലാബ് ഉദ്ഘാടനം എസ്.എസ്.എ കുന്ദമംഗലം ബി.പി.ഒ ശ്രീ ശിവദാസൻ നിർവ്വഹിച്ചു. വിദ്യാലയത്തിലെ ശാസ്ത്ര-ഗണിത, ശാസ്ത്ര-സാമൂഹ്യശാസ്ത്ര-പ്രവൃത്തിപരിചയ വിഭാഗങ്ങളിലെ പ്രതിഭകളെ കണ്ടെത്തുന്നതിനും തുടർ പരിശീലനം നൽകുന്നതിനുമായിരുന്നു പരിപാടി സംഘടിപ്പിച്ചിരുന്നത്. പി ടി എ പ്രസിഡണ്ട് കെ.എം. ഗിരീഷ് അധ്യക്ഷത വഹിച്ചു. ടി. കബിർ, വി.പി സലീം, വി.പി അദുൽ ഖാദർ, സി.പി കേശവനുണ്ണി, കെ.കെ പുഷ്പലത എന്നിവർ പ്രസംഗിച്ചു. ഹെഡ്മാസ്റ്റർ പി. അബ്ദുൽസലീം സ്വാഗതവും എസ് ആർ ജി കൺവീനർ വി. സജ്‌നാബി നന്ദിയും പറഞ്ഞു. വിവിധ ഇനങ്ങളിലായി 200 ഓളം വിദ്യാർത്ഥികൾ സജീവമായി പങ്കെടുത്തു. അധ്യാപകർ മൂല്യനിർണ്ണയം നടത്തി. 2018 ഒക്ടോബർ 31 ന് വൈകു. 3.30ന് പ്രത്യേക അസംബ്ലി ചേർന്നു VISTA 2018 മൽസര വിജയികൾക്ക് സമ്മാദാനം നടത്തുകയും ചെയ്തു.
അമ്മത്തിളക്കം
അമ്മത്തിളക്കം എന്ന പേരിൽ അമ്മമാർക്ക് വേണ്ടി നടത്തിയ ഫുഡ് ഫെസ്റ്റിൽ 58 അമ്മമാർ വിദ്യാർത്ഥികളോടൊപ്പം പങ്കെടുത്തു. നാട്ടിലെ പൊടിയും നാവിലെ രുചിയും എന്നതായിരുന്നു പ്രമേയം. പനപ്പൊടി, ഈന്ത്‌പൊടി, മുത്താറിപ്പൊടി, കുവപ്പൊടി, പൂള (കപ്പ)പൊടി ഇവയിൽ ഏതെങ്കിലും ഒന്ന് പ്രധാന ചേരുവയായി ഉപയോഗിച്ചുണ്ടാക്കിയ ഒരു വിഭവം അമ്മമാർ മൽസരത്തിന് വേണ്ടി വീടുകളിൽ നിന്ന് ഉണ്ടാക്കി കൊണ്ടുവന്ന് കുട്ടിയൊടൊപ്പം മൽസരിച്ചു. കൊതിയൂറുന്ന വൈവിധ്യമാർന്ന വിഭവങ്ങൾ കൊണ്ട് സമ്പന്നമായിരുന്നു ഫുഡ് ഫെസ്റ്റ്. മത്സര വിജയികൾക്ക് സമ്മാന വിതരണം നടത്തി. കേരളപ്പിറവിയോടനുബന്ധിച്ച് അന്നേദിവസം അമ്മമാർക്ക് വേണ്ടി സ്മാർട്ട് ക്ലാസ് റൂമിൽ വെച്ച് ക്വിസ് മൽസരം സംഘടിപ്പിച്ചു. 25 അമ്മാർ പങ്കെടുത്തു. വിജയികൾക്ക് സമ്മാനദാനം നൽകി.
സ്മാർട്ട് ക്ലാസ് റൂം
ക്ലാസ് പി ടി എയുടെ സാഹയത്തോടെ ഏഴ് ഡി ക്ലാസിൽ സ്മാർട്ട് ക്ലാസ് റൂം സംവിധാനിച്ചു. കുന്ദമംഗലം ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മറ്റി ചെയർമാൻ ശ്രീ ഹിതേഷ് കുമാർ ഉദ്ഘാടനം നിർവ്വഹിച്ചു. പി ടി എ പ്രസിഡണ്ട് കെ.എം. ഗിരീഷ് കുമാർ അധ്യക്ഷത വഹിച്ചു. ഗ്രാമപഞ്ചായത്ത് മെമ്പർ എ കെ ഷൗക്കത്ത്, സി പി കേശവനുണ്ണി, അഷ്‌റഫ് മണ്ണത്ത്, വി. ഷബ്‌ന എന്നിവർ സംബന്ധിച്ചു. ഹെഡ് മാസ്റ്റർ പി. അബ്ദുൽ സലിം സ്വാഗതവും വി പി അബ്ദുൽ ഖാദർ മാസ്റ്റർ നന്ദിയും പറഞ്ഞു.
|
|
കേരളപ്പിറവി
2018 നവംബർ 1 ന് രാവിലെ പ്രത്യേക അസംബ്ലി ചേർന്ന് കേരളപ്പിറവി പ്രതിജ്ഞ ചൊല്ലി. കേരളപ്പിറവി സന്ദേസം ഹെഡ്മാസ്റ്റർ അവതരിപ്പിച്ചു. രാവിലെ എല്ലാ ക്ലാസുകളിലും ക്ലാസ് തല ക്വിസ് മൽസരം, നവ കേരളം എന്റെ ഭാവനയിൽ എന്ന വിഷയത്തെ ആസ്പദമാക്കി ചിത്രരചന, കവിതാരചന, ഉപന്യാസ രചന തുടങ്ങിയവ നടത്തി. കുട്ടികൾ വരച്ച ചിത്രങ്ങൾ, സ്കൂൾ വരാന്തയിൽ പ്രദർശിപ്പിച്ചു. മികച്ച കവിത, ചിത്രം, ഉപന്യാസം എന്നിവ തിരഞ്ഞെടുത്തു. കേരളപ്പിറവി സ്കൂൾ തല ക്വിസ് മൽസരം നടത്തി വിജയികളെ തിരഞ്ഞെടുത്തു.
ശാസ്ത്രരംഗം
2018 നവംബർ 07ന് സി.വി രാമൻ ജന്മദിനത്തോടനുബന്ധിച്ച് മാക്കൂട്ടം എ.എം.യു.പി സ്കൂൾ ശാസ്ത്രരംഗം ഉദ്ഘാടനം എസ്.സി.ആർ.ടി പാഠപുസ്തക നിർമ്മാണ സമിതിയംഗവും കുട്ടമ്പൂർ ഹയർ സെക്കണ്ടറി സ്കൂൾ അധ്യാപകനുമായ ശ്രീ ഷജിൽ നിർവഹിച്ചു.
ശിശുദിനം
2018 നവംബർ 14ന് ശിശുദിനത്തോടനുബന്ധിച്ച് 1, 2 ക്ലാസുകളിലെ വിദ്യാർത്ഥികളുടെ ആഭിമുഖ്യത്തിൽ സ്കൂൾ അസംബ്ലി ചേർന്നു. വിദ്യാർഥികൾ ചാച്ചാജി വേഷമണിയുകയും തൊപ്പി നിർമ്മിക്കുകയും ചെയ്തു. വിദ്യാർത്ഥികൾക്ക് വേണ്ടി വിവിധ മൽസരങ്ങൾ നടത്തി. എൽ.പി വിഭാഗത്തിൽ ചാച്ചാജിക്കൊരു പൂച്ചെണ്ട്, ഇംഗ്ലീഷ് മാഗസിൻ പ്രകാശനം, ചാച്ചാജി എന്റെ സ്വപ്‌നത്തിൽ എന്ന വിഷയത്തിൽ പ്രബന്ധരചനാ മൽസരം തുടങ്ങിയവ സംഘടിപ്പിച്ചു. യു.പി വിഭാഗത്തിൽ ക്വിസ് മൽസരം, പ്രസംഗ മൽസരം, ചാർട്ട് നിർമ്മാണം എന്നിവ നടത്തി. വിദ്യാർത്ഥികൾ, സ്വാതന്ത്ര്യ സമര പോരാളികളുടെ വേഷങ്ങളണിഞ്ഞ് ചിത്രീകരണം നടത്തി. ഝാൻസിറാണി, മഹാത്മഗാന്ധി, നെഹ്‌റു, ഭഗത്സിംഗ്, സിസ്റ്റർ നിവേദിത, ആനിബസന്റ്, പഴശ്ശിരാജ, രവീന്ദ്രനാഥ് ടാഗോർ, മൗലാന അബ്ദുൽ കലാം, കെ.കേളപ്പൻ ആസാദ് എന്നിവരെ വിദ്യാർത്ഥികൾ പുനരാവിഷ്‌ക്കരിച്ചു.
|
|
|
സാമൂഹ്യശാസ്ത്രമേള
2018 നവംബർ 8ന് കോഴിക്കോട് റവന്യൂ ജില്ലാ സാമൂഹ്യശാസ്ത്രമേളയോളടനുബന്ധിച്ച് പി ടി എ യുടെ ആഭിമുഖ്യത്തിൽ കൂടിയാലോചനായോഗം 3.30ന് വിദ്യാലയത്തിൽ ചേർന്നു. 2018 നവംബർ 18, 19 ദിവസങ്ങളിലായി കോഴിക്കോട് റവന്യൂ ജില്ലാ സാമൂഹ്യശാസ്ത്രമേളക്ക് വിദ്യാലയം ആതിഥ്യം വഹിച്ചു. ഉൽസവാന്തരീക്ഷത്തിൽ രണ്ട് ദിവസങ്ങളിലായി നടന്ന സാമൂഹ്യ ശാസ്ത്രമേളയിൽ അധ്യാപകർ, പി ടി എ, എം. പി ടി എ അംഗങ്ങൾ, രക്ഷിതാക്കൾ നാട്ടുകാർ, അധ്യാപക സംഘടനകൾ, ഗ്രാമപഞ്ചായത്ത് സാരഥികൾ, മലർവാട് ആർട്‌സ് & സ്‌പോർട്‌സ് ക്ലബ് ഭാരവാഹികൾ, ഡിപ്പാർട്ട്‌മെന്റ് പ്രതിനിധികൾ തുടങ്ങിയവർ സജീവമായി പങ്കെടുത്ത് മേള ചരിത്ര സംഭവമാക്കി. മേളയോടനുബന്ധിച്ച് വിദ്യാലയത്തിന്റെ നവതിയാഘോഷ പദ്ധതിയിൽ ഉൾപ്പെട്ട കൈത്താങ്ങ് ധനശേഖരണാർത്ഥം സ്കൂൾ വിദ്യാർത്ഥികൾ അവരവരുടെ വീടുകളിൽ നിന്ന് തയ്യാറാക്കി കൊണ്ട് വന്ന നാടൻ വിഭവങ്ങളുടെ തട്ടുകട ശ്രദ്ധേയമായി. രണ്ട് ദിവസങ്ങളിലും അഭൂതപൂർവ്വമായ തിരക്കനുഭവപ്പെട്ടു. ജില്ലാ വിദ്യാഭ്യാസ ഉപഡയരക്ടർ ശ്രീ ഇ.കെ സുരേഷ്‌കുമാർ അടക്കമുള്ള പ്രമുഖർ തട്ടുകട സന്ദർശിച്ചു. സാമൂഹ്യ ശാസ്ത്രമേളയുടെ ഭക്ഷണവിതരണം വളരെ ഭംഗിയായി നടന്നു. വിദ്യാലയത്തിലെ വിദ്യാർത്ഥികൾ ഉൾപ്പെട്ട നവതി വളണ്ടിയർ ടീം പ്രത്യേകം ശ്രദ്ധ പിടിച്ചുപറ്റി. 2018 ഡിസംബർ 3 ന് റവന്യൂ ജില്ലാ സാമൂഹ്യശാസ്ത്രമേളയുടെ സ്വാഗതസംഘം പിരിച്ചുവിടൽ യോഗം വിദ്യാലയത്തിൽ ചേർന്നു.
മലയാളത്തിളക്കം
2018 നവംബർ 21ന് വിദ്യാലയത്തിലെ മലയാളത്തിളക്കം പദ്ധതിക്ക് തുടക്കം കുറിച്ചു.
കോച്ചിംഗ് ക്യാമ്പ്
2018 നവംബർ 23ന് വിദ്യാർത്ഥികൾക്ക് ഫുട്‌ബോളിൽ മികച്ച പരിശീലനം നൽകുന്നതിന് മലർവാടി ആർട്‌സ് & സ്‌പോർട്‌സ് ക്ലബ് പതിമംഗലത്തിന്റെ സഹായത്തോടെ സംഘടിപ്പിക്കുന്ന കോച്ചിംഗ് ക്യാമ്പിന്റെ ഉദ്ഘാടനം 4 മണിക്ക് സന്തോഷ് ട്രോഫി-കേരള പോലീസ് മുൻ താരം ശ്രീ. എ. സക്കീർ ഉദ്ഘാടനം ചെയ്തു.
|
|
|
സാഹിത്യമൽസരം
2018 നവംബർ 24ന് കോഴിക്കോട് റവന്യൂ ജില്ലാ അറബി അധ്യാപക സാഹിത്യ മൽസരത്തിൽ വിദ്യാലയത്തിലെ പി ജമാലുദ്ദീൻ മാസ്റ്റർ, മോണോആക്ടിൽ എ ഗ്രേഡും രണ്ടാംസ്ഥാനവും പ്രസംഗം, സംവാദം എന്നിവയിൽ എ ഗ്രേഡും നേടി അഭിമാന നേട്ടം കാഴ്ചവെച്ചു.
ഫീൽഡ് ട്രിപ്പ്
2018 നവംബർ 27ന് വിദ്യാലയത്തിലെ വിദ്യാർത്ഥികൾക്ക് വേണ്ടി ലോക പാൽ ദിനമായ നവംബർ 27ന് പെരിങ്ങളം മിൽമ ഡയറിയിലേക്ക് ഫീൽഡ് ട്രിപ്പ് സംഘടിപ്പിച്ചു. 500-ഓളം വിദ്യാർത്ഥികൾ പങ്കെടുത്തു. 2018 നവംബർ 30, ഡിസംബർ 2, 3 ദിവസങ്ങളിലായി എൽ.പി, യു.പി വിഭാഗങ്ങളിലെ ക്ലാസ് പി ടി എ യോഗങ്ങൾ ചേർന്നു. അർദ്ധ വാർഷിക പരീക്ഷയുമായി ബന്ധപ്പെട്ട് വിദ്യാർത്ഥികളെ സജ്ജരാക്കുന്നതിന് നടത്തിയ യോഗങ്ങളിൽ രക്ഷിതാക്കളുടെ വളരെ നല്ല പങ്കാളിത്തം ഉണ്ടായിരുന്നു.
|
|
|
ഗെറ്റ് ടുഗെദർ
2018 ഡിസംബർ 2 ന് 2009-2010 കാലഘട്ടത്തിൽ 7 സി ക്ലാസിലെ വിദ്യാർത്ഥികളുടെ ഗെറ്റ് ടുഗെദർ മീറ്റ് വിദ്യാലയത്തിൽ നടന്നു.
കയ്യെഴുത്ത് മാഗസിൻ
2018 ഡിസംബർ 4 ന് കോഴിക്കോട് റവന് യൂജില്ലാ അറബിക് കയ്യെഴുത്ത് മാഗസിൻ മൽസരത്തിൽ എൽപി വിഭാഗത്തിൽ ഫന്നും മിൻ ഫുനൂൻ മാഗസിൻ ജില്ലയിൽ എ ഗ്രേഡും ഒന്നാം സ്ഥാനവും നേടി സംസ്ഥാന മൽസരത്തിന് അർഹത നേടി. യുപി വിഭാഗത്തിൽ ഫുന്നും മിൻ സമാൻ മാഗസിൻ മൂന്നാം സ്ഥാനം നേടി. 2018 ഡിസംബർ 7 ന് വിദ്യാലയത്തിലെ ബാലനിധിയിൽ ക്ലാസിലെ എല്ലാ വിദ്യാർത്ഥികളും അംഗങ്ങളായതിനുളള ഉപഹാരം 2 ബി ക്ലാസിന് അസംബ്ലിയിൽ വെച്ച് ഹെഡ്മാസ്റ്റർ വിതരണം ചെയ്തു.
ഗേൾസ് ടോയ്‌ലെറ്റ്
2018 ഡിസംബർ 11 ന് കുന്ദമംഗലം ഗ്രാമപഞ്ചായത്തും വിദ്യാലയ മാനേജ്‌മെന്റും സംയുക്തമായി നിർമ്മിച്ച ഗേൾസ് ടോയ്‌ലെറ്റിന്റെ ഉദ്ഘാടനം രാവിലെ 10ന് കുന്ദമംഗലം ഗ്രാമപഞ്ചായത്ത് പ്രസിഡണ്ട് ശ്രീ. ഷൈജു വളപ്പിൽ ഉദ്ഘാടനം ചെയ്തു. ഗ്രാമപഞ്ചായത്ത് അംഗങ്ങളായ ടി.കെ സൗദ, ശ്രീബ ഷാജി, എ.കെ ഷൗക്കത്ത്, വിപി സലിം, മാനേജ്മെന്റ് പ്രതിനിധി ടി കെ പരിയേയക്കുട്ടി, ടി. കബീർ, പി. അബ്ദുൽ സലിം പ്രസംഗിച്ചു 2018 ഡിസംബർ 12 ന് അർധ വാർഷിക മൂല്യനിർണയം യുപി വിഭാഗം ആരംഭിച്ചു. 2018 ഡിസംബർ 21 ക്രിസ്തുമസ് അവധിക്ക് സ്കൂൾ അടച്ചു.
കൗതുകം 2019
2019 ഫെബ്രുവരി 5 ന് ഒരു വർഷത്തെ പഠനപ്രവർത്തനങ്ങളുടെ ആകെത്തുകയായി കൗതുകം 2019 പഠനോൽസവം നടത്തി. കോഴിക്കോട് ഡപ്യൂട്ടി കളക്ടർ ശ്രീമതി കെ. ഹിമ ഉദ്ഘാടനം നിർവഹിച്ചു. ഓരോ വിഷയവുമായി ബന്ധപ്പെട്ട് കുട്ടികളുടെ ഉൽപ്പന്നങ്ങൾ പ്രദർശിപ്പിച്ചു. സ്‌കിറ്റ്, റോൾപ്ലേ, പാട്ടുകൾ എന്നിവ ഉൽസവ പ്രതീതിയോടെ വിദ്യാർത്ഥികൾ അവതരിപ്പിച്ചു.