ഇറ്റലിയിൽ നിന്നൊരു മാമനും മാമിയും
അവധി ആഘോഷിക്കാൻ
നാട്ടിലെത്തി
അറിയാതെ കൂടെ വന്നൊരു കൊലയാളി
നാട്ടാരെ മുഴുവൻ കണ്ണീരിലാഴ്ത്തി
കളിയില്ല ചിരിയില്ല പാട്ടില്ല കഥയില്ല
പള്ളിക്കൂടങ്ങൾ അടഞ്ഞുപോയി
നാട്ടിലും റോട്ടിലും ആളൊഴിഞ്ഞു
ആഘോഷം ഉത്സവം പോയ്‌ മറഞ്ഞു
വാൾഏന്തി നിന്നൊരു യവ്വനവും
കത്തിക്കയറും പ്രസംഗങ്ങളും
റാലിയും സമരങ്ങൾ ഒന്നുമില്ല
എല്ലാം നിലച്ചു നിശബ്‌ദമായി
അക്രമമില്ല അനീതിയില്ല
എല്ലാരും ഒന്നായ് കഴിഞ്ഞിടുന്നു
ഈ മഹാമാരിയെ തൂത്തെറിയാൻ
ഒരുമിച്ചീടണം നാമെല്ലാവരും
നേർവഴി കാട്ടി നടത്തിടുവാൻ
നിയമപാലകർ കൂട്ടിനുണ്ട്
നീട്ടിയ കൈകളെ തട്ടിയകറ്റാത്ത
സർവേശ്വരനോട് തേടുക നാം.
