എ.യു.പി.എസ് പൂക്കോട്ടുംപാടം/പ്രാദേശിക പത്രം
കർഷകദിനം ആചരിച്ചു
ചിങ്ങം - 1 കർഷക ദിനത്തിനോടനുബന്ധിച്ച് പൂക്കോട്ടുംപാടം മലയാളം ക്ലബ്ബിന്റെ ആഭിമുഖ്യത്തിൽ വിവിധ പരിപാടികൾ നടന്നു.ഇതിന്റെ ഭാഗമായി പഴയ കാല കാർഷിക ഉപകരണങ്ങളുടെയും വിത്തുകളുടെയും പ്രദർശനം സംഘടിപ്പിച്ചു.കുട്ടിക്കർഷകരായി കുട്ടികൾ വേഷമിട്ടത് ഏറെ കൗതുകകരമായി. പ്രദർശന ഉദ്ഘാടനം സ്കൂൾ ഹെഡ്മാസ്റ്റർ ശ്രീ യൂസഫ് സിദ്ധിക്ക് നിർവഹിച്ചു. പരിപാടികൾക്ക് മലയാളം ക്ലബ് ഭാരവാഹികളായ CM മീര, റിൻഷ മുഹമ്മദ്, അഞ്ജലി ദേവദാസ്, മുഹമ്മദ് റഹീം തുടങ്ങിയവർ നേതൃത്വം നൽകി.
ഹിരോഷിമ നാഗസാക്കി ദിനാചരണം നടത്തി
ഹിരോഷിമ നാഗസാക്കി ദിനത്തോടനുബന്ധിച്ച് സ്കൂൾ തലത്തിൽ ചാർട്ട് പ്രദർശനം നടത്തി.ഹിരോഷിമ നാഗസാക്കി ചാർട്ട് നിർമ്മാണത്തിൽ എൽ പി തലത്തിൽ നിന്നും 2 ബി ക്ലാസ്സിലെ മേഹുൽ കിഷൺ ഒന്നാം സ്ഥാനത്തിന് അർഹനായി.യു പി തലത്തിൽ നിന്നും 5 എ ക്ലാസ്സിലെ നസ്മിൻ നാസർ ഒന്നാം സ്ഥാനത്തിന് അർഹത നേടി .
മെമ്മറി ടെസ്റ്റ് സംഘടിപ്പിച്ചു
ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ എൽ പി കുട്ടികളുടെ ഐ.ക്യു .ടെസ്റ്റ് പരിശോധിക്കാനായി മെമ്മറി ടെസ്റ്റ് നടത്തി 4 ബി ക്ലാസ്സിലെ റെന ഫാത്തിമ ഏറ്റവും കൂടുതൽ വസ്തുക്കളെ ഓർത്തെടുത്തുകൊണ്ട് ഒന്നാം സ്ഥാനം കരസ്ഥമാക്കി .