പോരാടുവാൻ നേരമായിന്നു കൂട്ടരെ
പ്രതിരോധ മാർഗത്തിലൂടെ
കണ്ണിപൊട്ടിക്കാം.... നമുക്കീ ദുരന്തത്തിൽ -
നിന്നും മുക്തി നേടാൻ.
ഒഴിവാക്കിടാം സ്നേഹസന്ദർശനം
നമുക്കൊഴിവാക്കിടാം ഹസ്തദാനങ്ങളും
അൽപകാലം അകന്നിരുന്നാലും
പരിഭവിക്കേണ്ട പിണങ്ങിടേണ്ട
ആരോഗ്യരക്ഷക്കു വേണ്ടി നാം
നിർദ്ദേശങ്ങൾ പാലിച്ചിടേണം
ആശ്വാസമേകുന്ന വാർത്തകൾ കേൾക്കാൻ
നാം ജാഗ്രതയോടെ പൊരുതീടേണം
നിർഭയമോടെ ഒരു മനസ്സായ് കാത്തിരിക്കാം
കാവലായ് നിൽക്കുന്ന മാലാഖമാർക്കെല്ലാം
ഒരായിരം മംഗളം നേർന്നീടാം
നമുക്കൊരുമനസോടെ പൊരുതീടാം
