ഓർക്കുന്നുവോ മനുഷ്യാ നീ ഓർക്കുന്നുവോ
കരങ്ങൾ തൻ ചെയ്ത ദുഷ്കർമ്മങ്ങളും
ഓർക്കുന്നുവോ മനുഷ്യാ നീ ഓർക്കുന്നുവോ
എൻ മടിത്തട്ടിലുറങ്ങിയ യുഗമുദ്രയും
ഇത്രയും യാതന മുതുകത്തു പേറിയും
ഒരു വട്ടം പോലും ശപിച്ചില്ല നിന്നെ ഞാൻ
എൻ ഹൃദയമാകും വനങ്ങളും വയലും
കത്രിക പൂട്ടുകൾ കൊണ്ടു നീ കീറി
പുളയുന്ന ഗദ്ഗദ യാതന നീറി
ഒരുവട്ടം പോലും ശപിച്ചില്ല നിന്നെ ഞാൻ
എൻ കൈകളുണങ്ങിയ ശിഖരങ്ങളായി
എൻ മാറിടം വറ്റിയ ചാലുകളായി
ഓർക്കുക മനുഷ്യാ നിൻ ദുഷ്കർമ്മ പ്രതിഫലം
എൻ രാഗം അരുളിടും ആത്മീയ ഗീതം
