എന്തിനെന്നെ ചുട്ടെരിച്ചന്നു നീ
അമ്മതൻ രക്തവുമല്ലയോ ഞാൻ
അമ്മേ ഞാൻ നിന്റെ മകനല്ലയോ
നിൻ മുലപ്പാലാൽ വളർന്നവനല്ലയോ
എന്തിനായെന്നെ നീ ചുട്ടെരിച്ചു.
അന്തരാത്മാവും ചോദിച്ചീടുന്നിതാ
അന്തകയായതുമെന്തിനാവോ?
അഹിതമെന്തേ പ്രവർത്തിച്ചു ഞാൻ
അനിഷ്ടമെന്തേ പറഞ്ഞുപോയ് ഞാൻ ?
തീരാപകയുടെ കാരണമെന്തുവോ
തീരാക്കലിയുടെ ആവിർഭാവത്തിനും
ഏറെ കരഞ്ഞുപോയ് ഞാനുമമ്മേ
ആകെ തളർന്നുപോയ്‌ ഞാനുമമ്മേ!
പാഴ് വാക്കല്ലയോ ചൊല്ലിടുന്നു നീ
പാരിതിലാരാണു വിശ്വസിപ്പാൻ
ഉത്തരം ചൊല്ലിടൂ എന്റെയമ്മേ
സത്വരം നൽകുക വേണമമ്മേ
