ജഗത്തിലെങ്ങും മൃത്യു വിതയ്ക്കണ
കൊറോണയാം ചെറു വൈറസ്
അതിജീവിക്കാം അകലം പാലിച്ചൊറ്റക്കെട്ടായ് നമ്മൾക്ക്
ജഗത്തിലെങ്ങും
ലോക്ഡൗണാണ് വീട്ടിലിരിക്കാം
നിർദ്ദേശങ്ങൾ പാലിച്ച്
പ്രതിരോധിക്കാം കരകയറിടാം
ദുരിതക്കടലിൻ തീരത്തിൽ
കുഞ്ഞു മനസ്സിൻ
ചന്തമെഴുന്നൊരു
ചിന്തയിൽ വിരിയും ഭാവനകൾ
വരണ്ണലിപികളിൽ ചാലിച്ചിടാം
വരയായ് കഥയായ് കവിതകളായ്
വിത്തു വിതയ്ക്കാം നട്ടുവളർത്താം
അങ്കണ മൊരു ചെറു കൃഷിയിടമാക്കാം
വേനൽച്ചൂടിൽ വാടിക്കരിയും
കുഞ്ഞിക്കിളികൾക്കന്നം നൽകാം
അചഛനുമമ്മയുമൊത്തു രസിക്കാം
നന്മക്കായി പ്രാർത്ഥിച്ചിടാം
ഭയപ്പെടേണ്ട ജാഗ്രത വേണം
നമുക്ക്കൂട്ടിനു സർക്കാറുണ്ട്.
