എ.എം.എൽ.പി.എസ് കാഞ്ഞിയൂർ/അക്ഷരവൃക്ഷം/ശുചിത്വം

ശുചിത്വം ഇന്നത്തെ കാലഘട്ടത്തിൽ ഏറെ പ്രാധാന്യമുള്ള ഒരു വിഷയം തന്നെയാണ്‌ ശുചിത്വം. ആരോഗ്യമുള്ള ഒരു തലമുറ ഉണ്ടാകണമെങ്കിൽ നാം നമ്മുടെ മനസ്സും ശരീരവും വീടും പരിസരവും ഒരു പോലെ സൂക്ഷിക്കണം. ഇന്ന്‌ നേരെ മറിച്ചാണ്‌ സംഭവിക്കുന്നത്‌. നാം നടന്ന്‌ വരുന്നവഴികളിലും, ശ്വസിക്കുന്നവായുവിലും,കുടിക്കുന്ന വെള്ളത്തിലും മാലിന്യം അഴുകി കിടക്കുന്നുണ്ട്‌. നാം അറിഞ്ഞോ അറിയാതെയോ അതൊക്കെ നമ്മുടെ ശരീരത്തിൻ്റെ ഭാഗമാക്കുന്നു. ആവർത്തിച്ച്‌ വരുന്ന പകർച്ചവ്യാധികൾ നമ്മുടെ ശുചിത്വമില്ലായ്മയ്ക്ക്‌ കിട്ടുന്ന പ്രതിഫലമാണെന്ന്‌ നാം തിരിച്ചറിയുന്നില്ല.അങ്ങനെ പലതരം രോഗങ്ങൾക്ക്‌ അടിമപ്പെട്ട്‌ ജീവിതം ഹോമിച്ച്‌ തീർക്കേണ്ട അവസ്ഥയാണ്‌ ആധുനിക ജനതക്കുള്ളത്‌. ഇതിൽ നിന്ന്‌ ഒരു മോചനം ഉണ്ടാകണമെങ്കിൽ നാം ശുചിത്വം നമ്മുടെ ജീവിതത്തിൻ്റെ ഭാഗമാക്കിയേ തീരൂ.നാം നമ്മുടെ വീടുംപരിസരവും വൃത്തിയാക്കുക. പ്ലാസ്റ്റിക്‌ മാലിന്യങ്ങൾ,കുപ്പികൾ എന്നിവ വലിച്ചെറിയാതിരിക്കുക,മലിനജലം കെട്ടികിടക്കാൻ അനുവദിക്കാതിരിക്കുക ഇങ്ങനെ നമുക്ക്‌ പരിസര ശുചിത്വം പാലിക്കാവുന്നതാണ്‌.ഓരോ വ്യക്തിയുടേയും വ്യക്തിത്വം വിലയിരുത്തുന്നത്‌ തന്നെ അവരവരുടെ ശുചിത്വത്തെ അടിസ്ഥാനമാക്കിയാണ്‌. ചെറുപ്പം തൊട്ടേ കുട്ടികൾ ശുചിത്വത്തെകുറിച്ച്‌ ബോധവാന്മാരായിരിക്കണം..."ചെറുപ്പ കാലങ്ങളിലുള്ള ശീലം.. മറക്കുമോ മനുഷ്യനുള്ള കാലം" ... എന്നാണല്ലോ ചൊല്ല്‌ തന്നെ... അത്‌ കൊണ്ട്‌ നാം ചെറുപ്പം തൊട്ടേ ശുചിത്വമുള്ളവരാകണം...ശുചിത്വം നമ്മുടെ ജീവിതത്തിൻ്റെ ഭാഗമാക്കാം സുവ കദീജ 3 A എ.എം.എൽ.പി.എസ് കാഞ്ഞിയൂർ എടപ്പാൾ ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - lalkpza തീയ്യതി: 20/ 06/ 2020 >> രചനാവിഭാഗം - ലേഖനം