എ.എം.എൽ.പി.എസ്. പടിഞ്ഞാറ്റുമുറി ഈസ്റ്റ്/ചരിത്രം

കവളപ്പാറ എൽ പി മാപ്പിള സ്കൂൾ എന്നാണ് ഈ സ്കൂളിന്റെ ആദ്യ പേര്. വാളക്കുണ്ടിൽ അവറക്കാക്കയുടെ മൂത്ത പുത്രൻ കുഞ്ഞലവി മൌലവിയാണ് ഈ സ്കൂളിന്റെ സ്ഥാപകൻ. കവളപ്പാറയുടെ താഴ് ഭാഗത്ത് ചേനത്ത തൊടികയിൽ ഒരു ഓത്തുപള്ളി ഓലപ്പുരയാൽ നിർമിച്ചു കെട്ടി. കുർആൻ പഠിപ്പിച്ചു കൊണ്ടിരുന്നത് കാലാന്തരത്തിൽ സ്കൂളായി അംഗീകരിച്ച് കിട്ടിയ ശേഷം അദ്ദേഹത്തിന് ചുങ്കത്തറയിലെ ഗവൺമെൻറ് സ്കൂളിലേക്ക് നിയമനം കിട്ടിയ ശേഷം അദ്ദേഹത്തിൽ നിന്നും മാനേജ്മെൻറ് വിലകൊടുത്തു വാങ്ങി പുളിക്കൽ പീടികയുടെ വരാന്ത മുകളിലേക്കു മാറിയ ശേഷം മഠത്തൊടി കുടിയിരിപ്പ് സമീപം അഹമ്മദ് മുസ്ലിയാർ കെട്ടിയുണ്ടാക്കിയ ഓലപ്പുരയിലേക്ക് മാറ്റിയതാണ് ഈ സ്ഥാപനം. ശേഷം ഒരുപാട് പരിഷ്കാരങ്ങൾ വരുത്തിയിട്ടുണ്ട്. അദ്ദേഹം മലപ്പുറം സ്കൂളിൽ നിന്നും മൌലവി ഫാസിൽ പാസായി ഈ സ്ഥാപനത്തിന്റെ മാനേജറും ഹെഡ്മാസ്റ്ററും ആയിരുന്നു. അദ്ദേഹത്തിന്റെ അകാലചരമ ശേഷമാണ് ആദ്യ പുത്രൻ അബ്ദുൽ റസാഖ് മാസ്റ്റർ മാനേജറും ഹെഡ്മാസ്റ്ററുമായി അംഗീകാരം ഏറ്റത്. അദ്ദേഹവും അകാലമരണത്തിന് വിധേയനാകും മുന്പ് തന്നെ ഭാര്യക്ക് ഈ മാനേജ്മെൻറ് രജിസ്റ്റർ ചെയ്തിരുന്നു. ഇന്നീ സ്ഥാപനത്തിന്റെ പുരോഗതിക്ക് കാരണക്കാരൻ അഹമ്മദ് മുസ്ലിയാർ തന്നെയാണ്. ഹരിജനങ്ങളെ ചേർത്ത് കൊണ്ട് അവർക്ക് വിദ്യാഭ്യാസം നൽകി ഉയർത്തികൊണ്ടുവന്നത് അദ്ദേഹമായിരുന്നു.