കൊറോണ നാടു വാണിടും കാലം
മനുഷ്യർക്കെല്ലാർക്കും നല്ല നേരം
തിക്കും തിരക്കും ബഹളമില്ല
വാഹനാപകടം തീരെയില്ല
വട്ടം കൂടാനും കുടിച്ചീടാനും
നാട്ടിൻ പുറങ്ങളിലാരുമില്ല
ജങ്ക് ഫുട് തിന്നുന്ന ജങ്കുകൾക്ക്
കഞ്ഞി കുടിച്ചാലും കുഴപ്പമില്ല
കല്ലെറിയാൻ റോഡിൽ ജാഥയില്ല
കല്യാണത്തിനു പോലും ജാഡയില്ല
നേരമില്ലെന്നു പരാതിയില്ല
ആരുമില്ലെന്നൊരു തോന്നലില്ല
എല്ലാരും വീട്ടിൽ ഒതുങ്ങിനിന്നാൽ
കള്ള കൊറോണതളർന്നു വീഴും
എല്ലാരുമൊന്നായ് ചേർന്നു നിന്നാൽ
നന്നായി നമ്മൾ ജയം വരിക്കും