എൽ.എഫ്.ജി.എച്ച്.എസ്. പാനായിക്കുളം/അക്ഷരവൃക്ഷം/കോവിഡിനോട്

കോവിഡിനോട് കോവിഡേ , നമോവാകം നിന്നെ ഞാൻ നമിക്കുന്നു എന്തിനാണെന്നോ ,പ്രിയേ ചൊല്ലിടാം രഹസ്യമായ് ഭൂമിയമ്മതൻ ചൊല്ലു - കേട്ടിടാ കിടാങ്ങളെ ചുട്ടയടിയാൽ നല്ല - പാഠം പഠിപ്പിച്ചല്ലോ ! ചന്ദ്രനിൽ സുഖവാസം ചൊവ്വയിൽ ഫ്ലാറ്റു കെട്ടാം ഭൂമിയെ പെരുവിരൽ കൈകളാൽ കറക്കീടാം മർത്യന്റെയഹങ്കാരം ഇത്രമേൽ കുതിക്കയാൽ സ്രഷ്ടാവു പോലും സ്വയം ലജ്ജയാൽ തല താഴ്ത്തി ഇനിയെങ്കിലും നല്ല - പാതയിൽ ചരിക്കുവാൻ ഇടയാകണേയെന്നും പ്രാർത്ഥിച്ചു നിലകൊൾവൂ ശുദ്ധമാനസരാം ചിലർ ഭൂമിയിൽ വസിക്കയാൽ - തെല്ലിട നിർത്തൂ നിന്റെ - സംഹാര താണ്ഡവങ്ങൾ ! സ്വാർത്ഥത വെടിഞ്ഞിവർ ഭൂമിയെ സ്നേഹിച്ചിടാൻ - ഇനി മേലൊരുക്കമാ - ണെന്നറിയുന്നൂ നൂനം, മാവേലി നാടു പോലീ - മാനുജരൊന്നായ് വാഴും നാളതുവരെ നീയീ - താണ്ഡവം നിർത്തീടേണം മർത്യന്റെ യഹങ്കാര - മുനകളൊടിക്കുവാൻ , കോവിഡാം ചെറുകീടം - നിനച്ചാൽ മതിയാകും ! കേവലം ഫലശൂന്യം - മാനവ പുരോഗതി ഭൂമിയെ ദ്രോഹിച്ചെന്നാൽ - എന്നുമേയധോഗതി !!   സിന്ധു പീറ്റർ എൽ.എഫ്.ജി.എച്ച്.എസ്. പാനായിക്കുളം ആലുവ ഉപജില്ല എറണാകുളം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Sachingnair തീയ്യതി: 05/ 05/ 2020 >> രചനാവിഭാഗം - കവിത