എൽ.എം.സി.സി.എച്ച്.എസ്. ചാത്തിയാത്ത്/വിദ്യാരംഗം
വിദ്യാരംഗം കലാസാഹിത്യവേദി (10-09-2025)
എറണാകുളം ഉപജില്ലാ കലാസാഹിത്യവേദി സമാപന സമ്മേളനം എറണാകുളം ശ്രീരുദ്രവിലാസം സ്കൂളിൽ വച്ച് സംഘടിപ്പിച്ചു. എം.എൽ.എ. ശ്രീ ടി ജെ വിനോദ് ഉദ്ഘാടനം ചെയ്തു. പുസ്തകാസ്വാദനം മത്സരത്തിൽ എൽ.എം.സി.സി. സ്കൂളിലെ വിദ്യാർത്ഥികൾക്ക് സമ്മാനം ലഭിച്ചു. ഹൈസ്കൂൾ വിഭാഗം പുസ്തകാസ്വാദനം രണ്ടാം സ്ഥാനത്തിന് ഒമ്പതാം ക്ലാസ്സ് വിദ്യാർത്ഥിനി കുമാരി അനഘ തോമസും, യുപി വിഭാഗം പുസ്തകാസ്വാദനത്തിന് ഏഴാം ക്ലാസ്സ് വിദ്യാർത്ഥിനി കുമാരി അമേയ സാറാ തോമസും ഒന്നാം സ്ഥാനത്തിന് അർഹത നേടി. വിദ്യാർത്ഥികളിൽ ഒളിഞ്ഞിരിക്കുന്ന കലാവാസനകളെ പ്രോത്സാഹിപ്പിക്കുന്നതിനും ഇത്തരത്തിലുള്ള കലാമേളകൾ സഹായിക്കുമെന്ന് ശ്രീ ടി ജെ വിനോദ് സമാപന സമ്മേളനത്തിന്റെ ഉദ്ഘാടന വേദിയിൽ ആശംസിക്കുകയുണ്ടായി.വിദ്യാർത്ഥികൾക്കൊപ്പം അധ്യാപകരായ ശ്രീമതി ബിന്ദു ഡൊമിനിക്കും, ശ്രീമതി നീനു സാറയും പങ്കെടുത്തു. എറണാകുളം ശ്രീരുദ്രവിലാസം യുപി സ്കൂൾ മാനേജർ എൻ ടി സരളകുമാരി അധ്യക്ഷയായി. ഉപജില്ലാ ഓഫീസർ ഡിഫി ജോസഫ്, വിദ്യാരംഗം കലാസാഹിത്യവേദി ജില്ലാ കോ-ഓർഡിനേറ്റർ എ സിംല കാസിം, മറ്റു വേദിയിൽ സന്നിഹിതരായവരും സംസാരിച്ചു.