എൽ.എം.എസ്.എച്ച്.എസ്.എസ് അമരവിള/വിദ്യാരംഗം
വിദ്യാരംഗം കലാസാഹിത്യവേദിയുടെ ഈ വ‍‍‍‍‍ർഷത്തെ പ്രവർത്തനങ്ങൾ ജൂൺ 19 ആം തിയതി ആരംഭിച്ചു. വിദ്യാരംഗം ക്ലബിന്റെ നേതൃത്ത്വത്തിൽ വായനാവാരപ്രവർത്തനങ്ങൾ വാനാശാലയുടെ സ്ഥാപകനായ പി,എൻ പണിക്കരുടെ ജന്മദിനമായ ജൂൺ 19 ആം തിയതി മുതൽ ഒരാഴ്ച വരെ വിവിധ പ്രവർത്തനങ്ങളോടെ നടത്തുകയുണ്ടായി.വായനാ പ്രതിജ്ഞ, ക്ലാസ് തല വായന, ക്ലബ് രൂപീകരണം,പുസ്തക പ്രദർശനം,ഒരു മണിക്കൂർ വായന, വായന കൂട്ടായ്മ സംഘടിപ്പിക്കൽ,വായനാവാരാചരണം എന്നീ പ്രവർത്തനങ്ങളും സാഹിത്യ ക്വിസ്, ഉപന്യാസ രചന, കഥാരചന, ആസ്വാദനകുറിപ്പ് തയ്യാറാക്കൽ, പോസ്റ്റർ പ്രദർശനം എന്നീ മത്സരങ്ങളും നടത്തി. മത്സരാർത്ഥികൾക്ക് സമ്മാനം നൽകുകയുംചെയ്തു. തിരഞ്ഞെടുക്കപ്പെട്ട പോസ്റ്ററുകൾ ചുമരുകളിൽ പതിപ്പിച്ചു.സ്കൂളിലെ എല്ലാ വിദ്യാർത്ഥികളും വിദ്യാരംഗം കലാസാഹിത്യ വേദിയിലെ അംഗങ്ങളാണ്. കുട്ടികളുടെ സാ-ഹിത്യാഭിരുചി വളർത്തിയെടുക്കാനുതകുന്ന വിധത്തിൽ ക്വിസ് മത്സരം, കടങ്കഥാ മത്സരം, നാടൻ പാട്ടുകൾ,കവിതാ പാരായണം തുടങ്ങിയ പ്രവർത്തനങ്ങൾ നടത്തിവരുന്നു. ഭാഷാധ്യാപകർ ഈ ക്ലാസുകൾക്ക് നേതൃത്വം നൽകിവരുന്നു.വായനകൂട്ടായ്മ സംഘടിപ്പിച്ച് മികച്ച വായനക്കാരെ കണ്ടെത്തി ബി.ആർ.സി തലമത്സരത്തിൽ പങ്കെടുപ്പിച്ചു. വിദ്യാരംഗം ക്ലബിൽ മത്സരം നടത്തി തദവസരത്തിൽ സമ്മാനം നൽകിവരുന്നു.