എൻ ആർ പി എം എച്ച് എസ് എസ് കായംകുളം/പ്രവർത്തനങ്ങൾ/2016-2017 ൽ നടന്ന പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
പഞ്ചായത്ത്‌ തല വിദ്യാഭ്യാസ ശില്പശാല
പുതിയ അധ്യായന വർഷം മുന്നിൽകണ്ടുകൊണ്ട് വിദ്യാലയ പ്രവർത്തനങ്ങൾ സമഗ്രമായി ആസൂത്രണം ചെയ്യുന്നതിനും സാമൂഹിക പങ്കാളിത്തത്തോടെ വിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുന്നതിനും പരിശീലന ആശയങ്ങൾ വിദ്യാലയങ്ങളിൽ പ്രയോഗവൽക്കരിക്ക‍ുന്നതിനും തുടർച്ച ഉറപ്പാക്കുന്നതിനും അധ്യാപകർക്ക് പ്രചോദനം നൽകുന്നതിനും വിദ്യാലയ പ്രവർത്തനങ്ങൾ ഏകീകരിക്കുന്നതിനുമായി സ്ക‍ൂളിലെ മുഴുവൻ അധ്യാപകരുടെയും രക്ഷിതാക്കളുടെയും പിടിഎ ഭാരവാഹികളുടെയും ഒരു സംയുക്ത ശില്പശാല പിടിഎ പ്രസിഡണ്ട് ശ്രീ.ശ്രീജിത്തിന്റെ അധ്യക്ഷതയിൽ സ്കൂളിൽ വച്ച് ചേർന്നു.
ഈ അധ്യയനവർഷം സ്കൂളിൽ നടപ്പാക്കുന്ന പ്രവർത്തനങ്ങളുടെ ഒരു രൂപരേഖ ഹെഡ്മിസ്ട്രസ്സ് അവതരിപ്പിച്ചു. പഠനത്തിൽ പിന്നാക്കം നിൽക്കുന്ന കുട്ടികളെ കണ്ടെത്തി അവർക്ക് പ്രത്യേകം ക്ലാസുകൾ ഞായറാഴ്ചകളിൽ ഏർപ്പെടുത്തുന്നതിന് തീരുമാനിച്ചു. ശിൽപ്പശാലയിൽ ഉയർന്നുവന്ന ചർച്ചകളുടെ അടിസ്ഥാനത്തിൽ തീരുമാനങ്ങൾ കൈക്കൊണ്ടു.സ്കൂളിൽ ഉച്ചഭക്ഷണം വിതരണം ചെയ്യുന്നതിനും അതിന്റെ ഗുണമേന്മ ഉറപ്പാക്കുന്നതിനും ഭാരവാഹികൾ വിദ്യാർഥി പ്രതിനിധികൾ, അധ്യാപകർ എന്നിവരെ ഉൾപ്പെടുത്തി കമ്മിറ്റി രൂപീകരിച്ചു. ശുചിത്വ നിലവാരം മെച്ചപ്പെടുത്തുന്നതിന് മതിയായ ടോയ്‍ലറ്റ് സംവിധാനങ്ങൾ, ശുദ്ധമായ കുടിവെള്ളം ഇവ ഉറപ്പാക്കുന്നതിനും പ്രവേശനോത്സവം വിജയിപ്പിക്കുന്നതിനും കമ്മിറ്റി തീരുമാനം എടുത്തു.
വിവിധ ക്ലാസുകൾ രൂപീകരിച്ച് അതിന്റെ ചുമതല അധ്യാപകർക്ക് വീതിച്ചു നൽകി. പരിസ്ഥിതി ക്ലബ്ബ് ,സയൻസ് ക്ലബ്ബ് തുടങ്ങിയവ രൂപീകരിച്ചു. വിദ്യാഭ്യാസകലണ്ടറിന് ശില്പശാല അംഗീകാരം നൽകി.
ശാസ്ത്രനാടകം
ശാസ്ത്രനാടകം സംസ്ഥാനതലത്തിൽ A ഗ്രേ‍‍ഡ് നേടി.
ഓട്ടൻതുള്ളൽ
ഓട്ടൻതുള്ളൽ സംസ്ഥാനതലത്തിൽ A ഗ്രേ‍‍ഡ് - ഗിരിനന്ദിനി.എം
സ്മാർട്ട് ക്ലാസ് റൂം ഉദ്ഘാടനം
എൻ ആർ പി എം ഹയർസെക്കൻഡറി സ്കൂളിൽ പൂർവ്വ വിദ്യാർഥികളുടെയും സ്കൂൾ അധ്യാപകരുടെയും സഹായത്തോടെ പുതുതായി നിർമ്മിച്ച സ്മാർട്ട് ക്ലാസ് റൂം സ്കൂൾ മാനേജർ ഡോക്ടർ എം ശശികുമാർ 2016 ജൂൺ 20ന് രാവിലെ 10 മണിക്ക് ഉദ്ഘാടനം ചെയ്തു. പിടിഎ പ്രസിഡണ്ട് ശ്രീ. ശ്രീജിത്തിന്റെ അധ്യക്ഷതയിൽ ചേർന്ന യോഗത്തിൽ സ്കൂൾ ഹെഡ്മിസ്ട്രസ് റിപ്പോർട്ട് അവതരിപ്പിച്ചു.
 |
 |
 |
ജില്ലാ ആട്യാ പാട്യാ ഓവറോൾ ചാമ്പ്യൻഷിപ്പ്
ജില്ലാ ആട്യാ പാട്യാ ചാമ്പ്യൻഷിപ്പിൽ എൻ. ആർ. പി. എം. എച്ച്. എസ്. എസ് ഓവറോൾ ചാമ്പ്യൻഷിപ്പ് കരസ്ഥമാക്കി. ജൂനിയർ പെൺകുട്ടികളുടെ വിഭാഗത്തിൽ എൻ. ആർ. പി. എം. എച്ച്. എസ്. എസ് ഒന്നാം സ്ഥാനവും എൻ. ആർ. പി. എം. സ്പോർട്സ് ക്ലബ്ബ് രണ്ടാം സ്ഥാനവും കരസ്ഥമാക്കി. സീനിയർ ആൺകുട്ടികളുടെ വിഭാഗത്തിൽ എൻ. ആർ. പി. എം. എച്ച്. എസ്. എസ് ന് രണ്ടാം സ്ഥാനവും പെൺകുട്ടികൾ ഒന്നാം സ്ഥാനവും നേടി
സ്പോർട്സ്
സബ് ജില്ല കായികമേളയിൽ 22 കുട്ടികൾ പങ്കെടുത്തു .ഇതിൽ നിന്നും 14 കുട്ടികൾ പുന്നപ്ര കാർമൽ പോളി ഗ്രൗണ്ടിൽ വച്ച് നടന്ന ജില്ലാ കായിക മേളയിൽ പങ്കെടുത്തു.
സബ് ജില്ലാ ഗെയിംസിൽ വോളിബാൾ സീനിയർ കുട്ടികൾ സെമിഫൈനലിൽ എത്തുകയും, സീനിയർ - ജൂനിയർ വിഭാഗങ്ങളിലായി ആറ് കുട്ടികൾ ജില്ലാ ഗെയിംസിൽ പങ്കെടുത്തു.
ജില്ലാ ആട്ടിയ പാട്ടിയ ജൂനിയർ വിഭാഗം ഓവറാൾ കരസ്ഥമാക്കി . അഞ്ചുകുട്ടികൾ കോഴിക്കോട് വെച്ച് നടന്ന സംസ്ഥാനതല മത്സരത്തിൽ പങ്കെടുത്തു .ഇതിൽ നിന്നും ഒരു കുട്ടിക്ക് നാഷണൽ സെലക്ഷൻ കിട്ടുകയും, കോഴിക്കോട് വെച്ച് നടന്ന 15 ദിവസത്തെ നാഷണൽ ക്യാമ്പ് കഴിഞ്ഞ് തിരികെ വരികയും ചെയ്തു.
സീനിയർ ആട്യാ പാട്യാ മത്സരത്തിൽ രണ്ടാം സ്ഥാനം കരസ്ഥമാക്കി. മലപ്പുറത്ത് വെച്ച് നടന്ന സംസ്ഥാനതല മത്സരത്തിൽ 8 കുട്ടികൾ പങ്കെടുത്തു.
നെറ്റ് ബോൾ സബ്ജൂനിയർ മത്സരത്തിൽ ഒരു കുട്ടിക്ക് കാസർഗോഡ് വെച്ച് നടന്ന സംസ്ഥാനതല മത്സരത്തിൽ പങ്കെടുക്കാനായി .
നെറ്റ് ബാൾ മിനി ടീമിന്റെ ക്യാമ്പിൽ പങ്കെടുത്തു.
വടംവലി മത്സരത്തിൽ 4/13 , 4/14,4/15, 4/17 വിഭാഗങ്ങളിൽ നമ്മുടെ സ്കൂളിൽ നിന്നും കുട്ടികൾ മത്സരിച്ചു . ഈ വിഭാഗങ്ങളിൽ 4/15
boys ഒന്നാം സ്ഥാനവും, 4/17 Girls ഒന്നാം സ്ഥാനവും കരസ്ഥമാക്കി . 21 കുട്ടികൾ ഈ വിഭാഗങ്ങളിലായി സംസ്ഥാനതല മത്സരങ്ങളിൽ പങ്കെടുത്തു . രണ്ടു കുട്ടികൾ ഗ്രേസ് മാർക്കിന് അർഹരായി.
ബേസ്ബാൾ മത്സരത്തിൽ ഒരു കുട്ടി തൃശ്ശൂരിൽ വെച്ച് നടന്ന സംസ്ഥാനതല മത്സരത്തിൽ പങ്കെടുത്തു . കോട്ടയത്ത് വെച്ച് നടന്ന വടംവലി മത്സരത്തിൽ
എച്ച് എസ് എസ് വിഭാഗം ആൺകുട്ടികൾക്ക് നാലാം സ്ഥാനം ലഭിച്ചു. പാലക്കാട് വച്ച് നടന്ന അണ്ടർ 19 വടംവലി മത്സരത്തിൽ ആൺ കുട്ടികൾ പങ്കാളികളായി.