എൻ. എസ്സ്. വി.എച്ച് എസ്സ് വാളക്കോട്/മറ്റ്ക്ലബ്ബുകൾ
ഇംഗ്ലീഷ് ക്ലബ്
കുട്ടികളുടെ ഇംഗ്ലീഷ് ഭാഷ അഭിരുചി വർധിപ്പിക്കുന്നതിന് ഇംഗ്ലീഷ് ഭാഷ അധ്യാപകരുടെ നേതൃത്ത്തിൽ ഇംഗ്ലീഷ് ഭാഷ ക്ലബ് പ്രവർത്തിക്കുന്നു. ഇംഗ്ലീഷ് ഭാഷയിൽ വിദ്യാർഥികൾക്ക് ഭാഷ നൈപ്പുണ്യം കൈവരിക്കുന്നതിന് കഥരചന, കവിത രചന, ഉപന്യാസരചന, പ്രസംഗമത്സരം എന്നിവയും പൊതുവികജ്ഞാനം വർധിപ്പിക്കുന്നതിനു വേണ്ടി ക്വിസ് മത്സരവും ഇംഗ്ലീഷ് ഭാഷ ക്ലബ്ബിന്റെ ഭാഗമായി നടത്തിപോരുന്നു. വായനാശീലം പ്രോത്സാഹിപ്പിക്കുന്നതിനുവേണ്ടി ക്ലാസ്സ്‌ റൂം വായന മൂലയും ഭാഷ ലൈബ്രറി യ്യും സജികരിച്ചിരിക്കുന്നു. ഇംഗ്ലീഷ് സംസാരിക്കാൻ താല്പര്യമുള്ള വിദ്യാർഥികളും അധ്യാപകരും ഒത്തു ചേർന്ന് പരസ്പരം ഇംഗ്ലീഷിൽ ആശയവിനിമയം നടത്തുന്നു. കൂടാതെ എല്ലാ ക്ലാസ്സുകളിലും ഇംഗ്ലീഷിൽ കുട്ടികളുടെ രചനപരമായ കഴിവ് വളർത്തുന്നതിനു വേണ്ടി ചുമർ പത്രങ്ങൾ നിർമ്മിച്ചിരുന്നു.'Easy grammer ' എന്ന പേരിൽ ഇംഗ്ലീഷ് വ്യകാരണം പഠിക്കാൻ പുതിയ പദ്ധതിക്ക് രൂപം നൽകിയിരിക്കുന്നു.
ഹെൽത്ത്‌ ക്ലബ്
"ആരോഗ്യം സമ്പത്താണ്" എന്ന് വിദ്യാർത്ഥികളെ ബോധവാന്മാരാക്കുന്നതിനു വേണ്ടി സ്കൂൾ ഹെൽത്ത്‌ ക്ലബ് പ്രവർത്തിച്ചു വരുന്നു. സ്കൂൾ വർഷാരംഭത്തിൽ തന്നെ ഹെൽത്ത്‌ ക്ലബ് രൂപീകരിച്ചു പ്രവർത്തനം തുടങ്ങി. ഡോക്ടർമാരുടെയും ആരോഗ്യ പ്രവർത്തകരുടെയും ബോധവൽക്കരണ ക്ലാസുകൾ സ്കൂൾ ഹെൽത്ത്‌ ക്ലബ് സംഘടിപ്പിക്കുന്നു. ക്ലബ് അംഗങ്ങൾ മുൻകൈ എടുത്ത് ആരോഗ്യവുമായി ബന്ധപ്പെട്ട പ്രധാനപെട്ട ദിവസങ്ങൾ വിവിധ പരിപാടികളോട് കൂടി നടത്തി വരുന്നു.
എക്കോ ക്ലബ്
സുസ്ഥിരവികസനത്തിന്‌ വേണ്ടി കുട്ടികളെ പ്രാപ്തരാക്കുക എന്ന ലക്ഷ്യത്തോടെയാണ് സ്കൂളിൽ എക്കോ ക്ലബ് പ്രവർത്തനമാരംഭിച്ചത്. ഭൂമിയിലെ സർവ ചരാചരങ്ങളോടും അനുകമ്പയുള്ളവരായി മാറുവാൻ ജീവികൾക്ക് ജലവും ആഹാരവും നൽകുന്നതും സ്കൂൾ പരിസരം ആകർഷകമാക്കുന്നതിനു വേണ്ടി നിർമിച്ച പൂന്തോട്ടവും ജൈവ വൈവിദ്ധ്യ പാർക്കും കുട്ടികൾ തന്നെ പരിപാലിക്കുന്നു.
ഹിന്ദി ക്ളബ്
കുട്ടികളിൽ ഹിന്ദി ഭാഷയോടുള്ള താല്പര്യം ജനിപ്പിക്കുന്നതിനുതകുന്ന രീതിയിൽ പല കാര്യപരിപാടികളും സംഘടിപ്പിക്കുന്നു . ദൈനംദിന ഹിന്ദി പത്രവായന അവതരണം, കവിതാലാപനം , പോസ്റ്ററുകൾ തയ്യാറാക്കൽ, നാടകാവതരണം തുടങ്ങി നിരവധി പ്രക്രിയകളിലൂടെ ഹിന്ദി ഭാഷാ പഠനം ലളിതവും രസകരവുമാക്കുന്നു.
ലിറ്റിൽ കൈറ്റ്സ്.
വിദ്യാർത്ഥികളിൽ കാണുന്ന സാങ്കേതിക വിദ്യാ പ്രയോഗക്ഷമതയെ ഹൈടെക് പദ്ധതിയുടെ മികവ് വർധിപ്പിക്കാനുള്ള പ്രവർത്തനങ്ങൾക്കുള്ള ചാലകശക്തിയാക്കുന്നതിനായി സ്കൂളുകളിൽ നടപ്പിലാക്കിയ പദ്ധതിയാണ് ലിറ്റിൽ കൈറ്റ്സ് .ക്ലാസ് മുറികളും വിദ്യാലയവും ഹൈ ടെക് ആയി മാറിയ സാഹചര്യത്തിൽ കുട്ടികളുടെ ഐ.സി.ടി നൈപുണികളും അധിക പഠനത്തിനുള്ള സാധ്യതകളും അതിനനുസരിച്ചു വികസിപ്പിക്കേണ്ടതുണ്ട് . ഐ.സി.ടി മേഖലയിലെ സാദ്ധ്യതകൾ തിരിച്ചറിയാനും പുതിയ പഠന സാഹചര്യത്തിൽ ഫലപ്രദമായി ഇടപെടാനുള്ള കുട്ടികളുടെ ശേഷി വർദ്ധിപ്പിക്കാനും ലക്ഷ്യംവച്ചുകൊണ്ടാണ് നമ്മുടെ സ്കൂളിൽ ലിറ്റിൽ കൈറ്റ്സ് പദ്ധതി ആരംഭിച്ചത്. സാങ്കേതിക വിദ്യയിൽ അഭിരുചിയുള്ള കുട്ടികളുടെ ഇന്ത്യയിലെ തന്നെ ഏറ്റവും വലിയ കൂട്ടായ്മയാണ് കേരള വിദ്യാഭ്യാസ വകുപ്പ് നടപ്പിലാക്കിയ ലിറ്റിൽ കൈറ്റ്സ് എന്ന ഈ പദ്ധതി. വളരെ അധികം താല്പര്യത്തോടെയും ആകാംഷയോടെയുമാണ് നമ്മുടെ സ്കൂളിലെ ലിറ്റിൽ കൈറ്റ്സ് അംഗങ്ങൾ ഇതിലെ ഓരോ പ്രവർത്തനത്തെയും സമീപിക്കുന്നത്.ലിറ്റിൽ കൈറ്റ്സ് റൂട്ടീൻ ക്ലാസുകൾ വളരെ കാര്യക്ഷമമായി ഞങ്ങളുടെ സ്കൂളിൽ നടക്കുന്നു. കഴിഞ്ഞ മൂന്നു വർഷമായി ഐ.സി.ടി മേഖലയിൽ താല്പര്യവും നൈപുണ്യവുമുള്ള അനേകം കുട്ടികളിലെ കഴിവിനെ വികസിപ്പിക്കാനും പ്രോത്സാഹിപ്പിക്കാനും സ്കൂളിലെ ലിറ്റിൽ കൈറ്റ്സ് ക്ലബ്ബിന്റെ പ്രവർത്തനത്തിലൂടെ കഴിഞ്ഞു
