എൻ. എച്ച്. എസ്സ്. എസ്സ്. ഇരിങ്ങാലക്കുട/അക്ഷരവൃക്ഷം/പരിസ്ഥിതി സംരക്ഷണത്തിന്റെ പ്രാധാന്യം

പരിസ്ഥിതി സംരക്ഷണത്തിന്റെ പ്രാധാന്യം      പ്രകൃതി നമ്മുടെ അമ്മയാണ്. ആകാശം , വായു , ജലം , അഗ്‌നി , ഭൂമി എന്നീ പഞ്ചഭൂതങ്ങളാൽ നിർമ്മിച്ചിരിക്കുന്നതാണ് പരിസ്ഥിതി. ആ ഭൂമിയെ സംരക്ഷിക്കേണ്ടത് നമ്മുടെ കർത്തവ്യമാണ് . അമ്മയും മാതൃഭൂമിയും സ്വർഗ്ഗത്തേക്കാൾ മഹത്തരമാണ് .                   മരങ്ങൾ വെട്ടി നശിപ്പിച്ച് ജീവവായുവിന്റെ ലഭ്യത കുറയ്ക്കുകയും മഴ പെയ്യിച്ചിരുന്ന കാടുകൾ പേരിനു മാത്രമാവുകയും പുഴകൾ മണലൂറ്റൽ കാരണം ഒഴുക്ക് കുറയുകയും ചെയ്തു . പാടങ്ങൾ നികത്തി ഫ്ലാറ്റുകൾ നിർമ്മിക്കാൻ തുടങ്ങിയതോടെ ഭക്ഷ്യവിഭവങ്ങൾക്ക് അയൽ സംസ്ഥാനങ്ങളെ ആശ്രയിക്കേണ്ടി വരുകയും ചെയ്യുന്നു .ഇതിനു കാരണം പ്രകൃതിയിലെ സൗഭാഗ്യങ്ങളെ കൊള്ളയടിക്കുന്ന മനുഷ്യരാണ് .ഇതിന്റെ ഫലമായാണ് പ്രകൃതിക്ഷോഭങ്ങളും കൊറോണ പോലത്തെ രോഗങ്ങളും വരുന്നത് .       പരിസ്ഥിതിയ്ക്കു മനുഷ്യരോടുള്ള സ്നേഹംകൊണ്ട് പ്രകൃതിയെ മലിനീകരിക്കുമ്പോഴും പ്രകൃതി പ്രതികരിച്ചില്ല . മലിനീകരണം വളരെയധികം കൂടിയതോടെയാണ് പ്രകൃതി പ്രതികരിക്കാൻ തുടങ്ങിയത്. അതുകൊണ്ടു നമ്മൾ പരിസ്ഥിതിയെ സ്നേഹിക്കുകയും സംരക്ഷിക്കുകയും വേണം.            പരിസ്ഥിതി മലിനീകരണത്തിന്റെ ഭാഗമാണ് കപ്പലുകളിൽ നിന്നും ബോട്ടിൽനിന്നും കടലിൽ എണ്ണ ചോരുന്നതും , പ്ലാസ്റ്റിക് മാലിന്യവും ഫാക്ടറിയിൽനിന്നു വരുന്ന മാലിന്യവും ജലമലിനീകരണത്തിൽ പെടുന്നു . വണ്ടികളിൽനിന്നും ഫാക്ടറിയിൽനിന്നു വരുന്നതുമായ പുക വായു മലിനീകരണത്തിലും , സ്പീക്കറിൽനിന്നും മൈക്കിൽനിന്നും വരുന്ന ശബ്ദം ശബ്ദ മലിനീകരണത്തിലും പെടുന്നു.             ഇതൊക്കെ പ്രകൃതിയ്ക്ക് താങ്ങാനാവുന്നില്ല. അതുകൊണ്ട് വരും തലമുറകൾക്കു ഇവിടെ ജീവിക്കാൻ പറ്റില്ലെന്ന കാര്യം മനസ്സിലാക്കി നമ്മൾ മനുഷ്യർ നദികളിലും പൊതുസ്ഥലങ്ങളിലും വീടിന്റെ ചുറ്റുപാടും വൃത്തിയാക്കി പരിസ്ഥിതിയേയും നമ്മളേയും ഈ ദുരന്തത്തിൽനിന്നും കരകയറ്റി വരും തലമുറകൾക്കു വേണ്ടി നമുക്ക് എല്ലാവർക്കും പ്രകൃതിയെ സംരക്ഷിക്കാം ... ഗായത്രി കെ ആർ 5C നാഷണൽ ഹയർസെക്കന്ററി സ്ക്കൂൾ ഇരിങ്ങാലക്കുട ഇരിഞ്ഞാലക്കുട ഉപജില്ല തൃശ്ശൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Thomasmdavid തീയ്യതി: 05/ 05/ 2020 >> രചനാവിഭാഗം - ലേഖനം