എസ് ഡി വി ജി യു പി എസ് നീർക്കുന്നം/അക്ഷരവൃക്ഷം/ ഡെവിൾ കൊറോണ

കൊറോണ - മഹാമാരി പണ്ടു മുതൽ അനേകം പകർച്ചവ്യാധികൾക്ക് ഇന്ത്യ സാക്ഷ്യം വഹിച്ചു. ഇപ്പോൾ പടർന്നു പിടിക്കുന്ന കോവിഡ്- 19, ഇതിൽ നിന്നെല്ലാം വ്യത്യസ്തമാണ്. പുതിയതായി കണ്ടെത്തിയ സാർസ് - Cov-2 എന്ന വൈറസാണ് രോഗത്തിനു കാരണം. വൈറസ് ബാധ മൂലമുണ്ടാകുന്ന രോഗങ്ങളുടെ തീവ്രത പ്രാഥമികമായി നിർണ്ണയിക്കുന്നത് അതിന്റെ ജീവാപായ ശേഷിയുടെ അടിസ്ഥാനത്തിലാണ്. സാർസ് - cov-2 ന്റെ അപായശേഷി സാർസിന്റേതിനേക്കാൾ കുറവാണ്. എന്നാൽ ജാഗ്രത ആവശ്യമാണ്. രോഗിയുമായി സമ്പർക്കമുണ്ടായ എല്ലാവരേയും പരിശോധനയ്ക്കു വിധേയമാക്കിയാൽ, വൈറസ് ബാധിച്ചിട്ടുള്ളവരിൽ തന്നെ നല്ലൊരു പങ്കിന് നിസ്സാര രോഗമേ ഉണ്ടാകൂ. കോവിഡ്- 19 രോഗികളെ പ്രവേശിപ്പിക്കുന്ന ആശുപത്രിയിൽ വെന്റിലേറ്റർ സൗകര്യമടക്കമുള്ള തീവ്രപരിചരണത്തിന് സാഹചര്യമുണ്ടാവണം. അപ്പോൾ വൈറസ് ബാധയുടെ അപായശേഷി യോടൊപ്പം ആശുപത്രിയുടെ കാര്യക്ഷമതയും മരണനിരക്ക് നിശ്ചയിക്കുന്നു. ചൈനയിലെ വുഹാനിൽ 2019 ഡിസംബറിൽ രോഗം വ്യാപിച്ചതിന്റെ തോത് അമ്പരിപ്പിക്കുന്നതും വിവരണാതീതവുമാണ്. ശ്വാസക്കുഴലുകളെ ബാധിക്കുന്നതും അതിവേഗം വ്യാപിക്കുന്നതുമായ ഈ രോഗത്തിൻ്റെ വൈറസ് ഏതെന്ന് 2020 ജനുവരിയിലാണ് കണ്ടെത്തിയത്.ജനുവരി 30 നും ഫെബ്രുവരി 2 നും വുഹാനിൽ നിന്നും കേരളത്തിലെത്തിയ രണ്ട് വിദ്യാർത്ഥികൾക്ക് വൈറസ് ബാധ സ്ഥിരീകരിച്ചു. അപ്പോഴേക്കും ചൈനയ്ക്ക് പുറമേയുള്ള രാജ്യങ്ങളിലേക്കും വൈറസ് എത്തിയിരുന്നു. ആ വേഗത അമ്പരപ്പിക്കുന്നതായിരുന്നു. പകർച്ചപ്പനിയുടേത് പോലെ അതിവേഗമാണ് രോഗവ്യാപനമെന്ന് വൈറസ് ഗവേഷകർ തിരിച്ചറിഞ്ഞു. ആർഷ അനീഷ് 7 E എസ് ഡി വി ജി യു പി എസ് നീർക്കുന്നം അമ്പലപ്പുഴ ഉപജില്ല ആലപ്പുഴ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sachingnair തീയ്യതി: 15/ 04/ 2020 >> രചനാവിഭാഗം - ലേഖനം