എസ് എൻ ട്രസ്റ്റ് എച്ച് എസ് എസ് തോട്ടട/അക്ഷരവൃക്ഷം/മുത്തശ്ശിക്കൊപ്പം ഒരു യാത്ര

മുത്തശ്ശിക്കൊപ്പം ഒരു യാത്ര ഒരുപാടുയാത്രകൾ പോയിടുണ്ടന്നൊന്നും മുത്തശ്ശിയെ കൂടെ കൂട്ടിയില്ല ഇന്നാദ്യമായെന്റെ മുത്തശ്ശിയെന്നൊപ്പം പിൻസീറ്റിൽ, ഞങ്ങളിരുപേരുമാത്രം ഒാടിയകലും മരങ്ങളെ കാണിച്ചു വിസ്മയിപ്പിക്കാൻ ഞാൻ വെമ്പുന്നേരം തേങ്ങലടക്കാൻ ശ്രമപ്പെട്ട് മുത്തശ്ശി ചേർത്തുപ്പിടിക്കുന്നതെന്തിനെന്നെ ? വൃദ്ധസദനത്തിൽ മുന്നിലെന്നച്ഛൻ കാറുനിറുത്തിയിറങ്ങിയപ്പോൾ "കാണില്ല കണ്ണാ ഇനിന്നാമൊരിക്കലും" ചൊല്ലി മുത്തശ്ശി പുറത്തിറങ്ങി അമ്മേ അവരിതെങ്ങോട്ടുപ്പോവുന്നു? അമ്പരപ്പോടെ ഞാനാരാഞ്ഞപ്പോൾ അമ്മ ചിരിച്ചു ,മൊഴി‍ഞ്ഞു "കണ്ണാ മുത്തശ്ശിയിനിയെന്നുമിവിടെയാണ് മുത്തശ്ശിയെപ്പോലെ പ്രായമേറുന്നവർ ഒത്തിരിപ്പേരിവിടെ കൂട്ടിനുണ്ട് " അച്ഛൻ തനിച്ചുമടങ്ങിയെത്തി ,പിന്നെ സീറ്റുബെൾടിട്ട് കാർ സ്റ്റാർട്ടാക്കവെ ചൊല്ലി‍ ഞാൻ "അച്ഛാ പതുക്കെ വിടൂ വണ്ടി വഴിയാകെ ഞാനും പടിച്ചിടട്ടെ മുത്തശ്ശിപ്പോലെ നിങ്ങളുമാവുമ്പോൾ, വഴിതെറ്റി പോവാതിരിക്കേണ്ടേ ഞാൻ.” അച്ഛൻ നടുങ്ങി ,ആ കണ്ണുകൾ നിറയുന്ന - തെന്തിനെന്നറിയാതെ ഞാൻ പതുങ്ങി സീറ്റുബെൾട്ടൂരി അച്ഛനിറങ്ങിപ്പോയി വൃദ്ധസതനത്തിലേക്ക് വീണ്ടും മുത്തശ്ശിയോടൊപ്പം തിരികെ വരുന്നേരം എന്തെന്റെ കണ്ണുകളീറനാവാൻ ?   അനുനന്ദ IX B എസ്സ് എൻ ടേരസ്ററ്സ് എച്ച് എസ്സ് എസ്സ് ,തോട്ടട കണ്ണൂർ നോർത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Kannankollam തീയ്യതി: 20/ 04/ 2020 >> രചനാവിഭാഗം - കവിത