സഹായം Reading Problems? Click here


എസ് എസ് ജി എച്ച് എസ് എസ് പുറണാട്ടുകര/അക്ഷരവൃക്ഷം/ഉണ്ണിക്കിത് അവധിക്കാലം

Schoolwiki സംരംഭത്തിൽ നിന്ന്
Jump to navigation Jump to search
ഉണ്ണിക്കിത് അവധിക്കാലം

മിഴിനീര് തോരാത്ത കണ്ണും
അത് വീണ് കുതിരുന്ന മെയ്യും
ചെറുകൈ കൊണ്ടെന്നെ മെല്ലെ
ചേർത്ത് പിടിച്ചവനൊന്നു തേങ്ങി

ഉണ്ണിക്കിത് അവധിക്കാലം
നാളുകൾ കാത്തിരുന്ന്-
ആദ്യമായ് കിട്ടിയ വേനലവധിക്കാലം

കൂട്ടുകാരില്ലാത്ത ആരവമില്ലാത്ത
ചാടിത്തിമിർക്കുവാനാവാത്ത കാലം
വേനലവധിയിൽ കണ്ണീർ പടർത്തിയ
കോവിഡിൻ കലി കണ്ട കാലം

ഉണ്ണിക്ക് കാണുവാനേറെയുണ്ടല്ലോ
മുറ്റത്ത് നോക്കി അമ്മ ചൊല്ലി
ചുറ്റും നടന്നൊന്നു കൺതുറക്കൂ
പൂക്കളും കിളികളും കണ്ണിന് കൗതുകം
പൂക്കാലമായ് മനസ്സിലേറും

ചെറുകിളിയൊന്നാ പൂഞ്ചില്ലയിൽ
മധുമൊഴി പോലൊരു പാട്ടു മൂളി
നിറമിഴി തുടച്ചാകാഴ്ചയിൽ
ഉണ്ണി മതി മറന്നാകെ നിന്നു

ഇന്നുമാ ചെമ്പനീ‍‍‍ർമൊട്ടിട്ടു
നല്ല ചേലൊത്ത സുന്ദരിപൂവിട്ടു
കുഞ്ഞിക്കരങ്ങളാൽ മുള്ളൊന്നു കൊള്ളാതെ
ഉണ്ണിക്കുട്ടനാ പൂവൊന്നു തൊട്ടു
പൂമണം തേടിയും പൂന്തേൻ തേടിയും
പൂമ്പാറ്റകൾ ചുറ്റും പാറി നിന്നു

കാണുവാനേറെയും കൗതുകക്കാഴ്ചകൾ
ആഴ്ചകൾ മാസങ്ങൾ പിന്നെയുമേറെ
ചെറുചിരിയോടെയെന്നുണ്ണി
ചെറുകെ പുണർന്നെന്നെ ഒട്ടി.

 


ഗൗരി പ്രശാന്ത്
8 സി എസ് എസ് ജി എച്ച് എസ് എസ്
തൃശ്ശൂർ വെസ്റ്റ് ഉപജില്ല
തൃശ്ശൂർ
അക്ഷരവൃക്ഷം പദ്ധതി, 2020
കവിത


 സാങ്കേതിക പരിശോധന - Sunirmaes തീയ്യതി: 20/ 04/ 2020 >> രചനാവിഭാഗം - കവിത