എസ് എച്ച് വി എച്ച് എസ് കാരക്കാട്/നാഷണൽ കേഡറ്റ് കോപ്സ്

ന്യൂഡൽഹി ആസ്ഥാനമായി പ്രവർത്തിക്കുന്ന ഇന്ത്യൻ സൈന്യത്തിന്റെ സഹായക നിരയായി സംഘടനകളിലൊന്നാണ് നാഷണൽ കാഡറ്റ് കോർ അഥവാ എൻ.സി.സി.. സ്‌കൂളിലെയും കോളേജിലെയും വിദ്യാർത്ഥികൾക്ക് സ്വന്തം ഇഷ്ടപ്രകാരം തിരഞ്ഞെടുക്കാവുന്ന പ്രസ്ഥാനമാണിത്. ആയതിനാൽ സ്വയം സന്നദ്ധരായെത്തുന്ന വിദ്യാർത്ഥികളെയാണ് എൻ.സി.സി.യിൽ പങ്കെടുപ്പിക്കുന്നത്. എൻ.സി.സി .യിൽ കര, നാവിക, വ്യോമ സേനകൾക്ക് അവയുടെ വിങ്ങുകൾ ഉണ്ട്. ഹൈസ്‌ക്കൂൾ, കോളേജ്, യൂണിവേഴ്‌സിറ്റി എന്നിവിടങ്ങളിൽ നിന്നുമാണ് വിദ്യാർത്ഥികളെ എൻ.സി.സി.യിൽ ചേർക്കുന്നത്. എൻ.സി.സി.യിൽ അംഗമായിട്ടുള്ള വ്യക്തിയെ കേഡറ്റ് എന്നു വിളിക്കുന്നു. കേഡറ്റുകൾക്ക് അടിസ്ഥാന സൈനിക ക്ലാസ്സുകളും, ലഘു ആയുദ്ധങ്ങൾ ഉപയോഗിച്ചുള്ള പരേഡും ചിട്ടയായ ക്ലാസ്സും നൽകുന്നു. പരിശീലനത്തിന് ശേഷം പട്ടാളത്തിൽ ചേരണം എന്ന വ്യവസ്ഥഇല്ല എന്ന് മാത്രമല്ല. നല്ല പ്രവർത്തനം കാഴ്ചവെക്കുന്ന വിദ്യാർത്ഥികളെ അംഗീകരിക്കുന്ന കീഴ്വഴക്കവും എൻ.സി.സി.യിൽ ഉണ്ട്.

യോഗാ പരിശീലന ക്ലാസുകൾ 2025

അന്തർദ്ദേശീയ യോഗദിനത്തോടനുബന്ധിച്ച് ജൂൺ 21 ശനിയാഴ്ച SHV ഹൈസ്കൂളിൽ യോഗ പരിശിലനം ആരംഭിച്ചു. പന്തളം ചിദാനന്ദ യോഗ വിജ്ഞാനകേന്ദ്രം ഇൻസ്ട്രക്ടർമാരായ സിന്ധു രാജേഷ് , വരുൺ എന്നിവർ പരിശീലന ക്ലാസ്സുകൾ നയിച്ചു. ചടങ്ങിൽ യോഗ ഭൂമിക്കും ആരോഗ്യത്തിനും എന്ന പ്രമേയം സംബന്ധിച്ച് കെ.ആർ. അനന്തൻ വിദ്യാർത്ഥികൾക്ക് സന്ദേശം നൽകി. ഹെഡ്മിസ്ട്രസ്സ് എം. ശാന്തി, എസ്. പി. സുനിൽകുമാർ, രശ്മി, എന്നിവർ പങ്കെടുത്തു.