കൊറോണ നല്ലതോ ചീത്തയോ ?
ലോകമാകെ ചർച്ച ചെയ്യുന്നു
കൊറോണ നല്ലതല്ലെന്ന്
എനിക്കുറപ്പാണ് ചിലതിനെങ്കിലും
കൊറോണ നല്ലതാണെന്ന്
നാം മറന്നുപോയ ശീലങ്ങൾ
തിരിച്ചെത്തിയല്ലോ ചിലതെല്ലാം
ഇന്നലെ 'അമ്മ ഉമ്മറപ്പടിയിൽ
വെള്ളം വെച്ചപ്പോൾ അച്ഛൻ പറഞ്ഞു
കാലം പുറകോട്ടാണല്ലോ
നല്ലതെന്നും പഴയ ശീലങ്ങൾ
പോയ്‌പോയെൻ ഭക്ഷണ രീതികൾ
മടങ്ങിയെത്തുന്നു അല്പാല്പമായി
ചക്കത്തോരനും ചക്ക പുഴുക്കും
ചക്കയടയും വിഭവങ്ങളായി
ഷവർമയും ബർഗറും നൂഡിൽസും
ഓടിയൊളിച്ചു കാണാമറയത്തേക്കു
കൂടെക്കളിക്കുവാനിന്നച്ഛനുണ്ട്
കഥകൾപറയാനിന്നമ്മയുണ്ട്
പാട്ടുപാടുവാൻ ചേച്ചിയുണ്ട്
സമയമുണ്ട് ഇന്നെല്ലാർക്കും
കോറോണേ പ്രണാമം
പക്ഷെ അടുക്കളയിൽനിന്നമ്മ
മെല്ലെ പറഞ്ഞു ഈ മാരണം
ഈ മാരണമിനി എന്ന് തീരും
