എസ്. വി. ജി. വി. ഹയർസെക്കണ്ടറി സ്കൂൾ കിടങ്ങന്നൂർ/അക്ഷരവൃക്ഷം/ എന്റെ ഗ്രാമം

എന്റെ ഗ്രാമം കുഞ്ഞിളംകാറ്റിൽ നൃത്തമാടുംതരുക്കളും പച്ച പുതച്ചൊരീ കുന്നുകളും കണ്ണാടി നോക്കിമുഖം മിനുക്കുന്ന പുഴകളും ഓലത്തുമ്പത്തിരുന്നുയലാടുന്ന കുരുവിതൻ പാട്ടുകേട്ടുണരുന്നതെൻ ഗ്രാമം. കനകം പൊലിക്കും വയലേലകളും വിയർപ്പാറ്റി തണലത്തിരിക്കും കർഷകനും; ഇടനെ‍ഞ്ചുപൊടിയാതെ മധുനുകരും ധരണിയും ഇവിടെമാണിവിടമാണെന്റെ ഗ്രാമം. മാനത്തുകരംവീശി- നില്ക്കമൊരാൽ മരത്തിനുതാഴെ തലമുറകളാടി തിമിർത്തും പാടിപ്പതി‍ഞ്ഞും കാലമേ... നീതന്നെ സാക്ഷിയലോ... ഒരു കൊടുംകാറ്റിൽ പഴംകുടുപോലെ പൊട്ടിതകരുമീ പഴമയും പരലോകം പൂകും പിന്നെയെല്ലാം പുതുമതൻ പുനർജനിയൊന്നുമാത്രം..... അപർണ എ നായർ 9 B എസ്. വി. ജി. വി. ഹയർസെക്കണ്ടറി സ്കൂൾ കിടങ്ങന്നൂർ ആറന്മുള ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - Manu Mathew തീയ്യതി: 19/ 04/ 2020 >> രചനാവിഭാഗം - കവിത