ജൂൺ ഇടവപ്പാതി മഴക്കാലത്ത്
പള്ളിക്കൂടം തുറന്നല്ലോ
അന്ന് ചേമ്പിലക്കുട ചൂടി കളിച്ചില്ലേ
കൈകളിൽ പുസ്തകത്താളുകൾ.
മഴയിൽ കളിച്ച്
വീട്ടുപടിക്കൽ ചെല്ലുമ്പോൾ
ഉള്ളിൽ ഒരു വെപ്രാളം
വീട്ടിലെത്തുമ്പോൾ.....
അമ്മയോട് എന്ത് നുണ ചൊല്ലും എന്നോർത്ത്
പേടിച്ചുവിറച്ച് അമ്മ തൻ മുന്നിൽ
ചോദ്യങ്ങളോട് ചോദ്യങ്ങൾ........
ചില ഉത്തരങ്ങളിൽ വാക്കുകൾ പതറി
അങ്ങനെ ഒരു കാലം
തിരികെ വരുമോ ആ കാലം
പള്ളിക്കൂടം കഴിഞ്ഞുവരുമ്പോൾ
മിഠായി കടകളിൽ പലതരം മിഠായികൾ
തേൻ മിഠായി..പുളിമിഠായി..
നാവിൽ വെള്ളമൂറുന്നു
ഹായ് എന്തു രസം
തിരികെ വരുമോ ആ കാലം