എസ്.ഒ.എച്ച്.എസ്. അരീക്കോട്/നാഷണൽ സർവ്വീസ് സ്കീം/2018 -2019 പ്രവർത്തങ്ങൾ

2018 -2019 പ്രവർത്തങ്ങൾ

ക്രൈസാലിൽസ്

രണ്ടു ദിവസത്തെ സഹവാസ ക്യാമ്പ് ക്രൈസാലിസ് ക്യാമ്പ് വയനാട് എം.എസ് സ്വാമിനാഥൻ റിസർച്ച് ഫൌണ്ടേഷനിൽ വെച്ച നടന്നു .ക്യാമ്പ് എം.എസ്.എസ് .ആർ.എഫ്‌ തലവൻ ഡോ.വി ബാലകൃഷ്‌ണൻ ഉത്ഘാടനം ചെയ്തു .തുടർന്ന് എൻ.എസ് .എസ് സംസ്ഥാന ഉപദേശക സമിതി അംഗവമായ ബ്രഹ്മ നായകം മഹാദേവൻ ക്ലാസുകൾക്ക് നേതൃത്വം നൽകി .

**ക്രൈസാലിസ് റെസിഡെൻഷ്യൽ പ്രോഗ്രാമിൽ വിദ്യാർത്ഥികൾ**

2000 ഗോൾ

ഫിഫ ലോകകപ്പ് ഫുട്ബോളിനെ വര വേൽക്കാൻ രണ്ടായിരം ഗോളുകൾ അടിച്ച് സ്കൂളിലെ വിദ്യാർത്ഥികൾ .സ്കൂളിലെ പൂർവ്വ വിദ്യാർത്ഥിയും ഈ വർഷത്തെ സന്തോഷ് ട്രോഫി ഫുട്ബോൾ ജേതാക്കളായ കേരളം ടീം അംഗവുമായ മുഹമ്മദ് ശരീഫ് ആണ് പരിപാടി ഉദ്ഘടനം ചെയ്തത് .സ്കൂൾ കായിക വകുപ്പിന്റെയും എൻ.എസ് എസ് യൂണിറ്റിന്റെയും നേതൃത്വത്തിലാണ് പരിപാടി സംഘടിപ്പിച്ചത്

ഞാറു നിർമ്മാണം

എൻഎസ്എസ് ദിനത്തോടനുബന്ധിച്ച് സ്കൂളിലെ എൻഎസ്എസ് വിദ്യാർത്ഥികൾ ആരംഭിക്കുന്ന ജൈവ നെൽകൃഷി യുടെ വിത്തിടൽ പരമ്പരാഗത കർഷകരുടെ സാന്നിധ്യത്തിൽ നടത്തി. കഴിഞ്ഞ വർഷം നടത്തിയ ജൈവ നെൽകൃഷിയുടെ 100 പറ നെല്ല് ഉൽപാദിച്ചിരുന്നു. യുവകർഷകൻ നൗഷാദ് കല്ലടയുടെ വെള്ളരിയിലെ ചാലി പാടത്താണ് കൃഷിയിറക്കുന്നത്

വിദ്യാർത്ഥികൾ ഞാറു നിർമാണത്തിൽ
വിദ്യാർത്ഥികൾ ഞാറു നിർമാണത്തിൽ

ഉപ്പിലിട്ട ഓർമ്മകൾ

അന്താരാഷ്ട്ര വയോജന ദിനാചരണത്തോടനുബന്ധിച്ച് നടത്തിയ വയോജന സംഗമത്തിൽ ചർച്ചകളും ഓർമ്മകൾ പങ്കുവയ്ക്കലും നടന്നു. നൂറിലേറെ വയോജനങ്ങളാണ് സംഗമത്തിന് എത്തിയത്. പഴയ തലമുറയുടെ അറിവിനു അനുഭവസമ്പത്തും പ്രായോഗിക പരിജ്ഞാനവും ആദരം നൽകാനാണ് പരിപാടി സംഘടിപ്പിച്ചത്. ജീവിതത്തിന്റെ പരുപരുത്ത യാഥാർത്ഥ്യത്തിലേക്ക് പ്രവേശിക്കുന്ന പുതുതലമുറയ്ക്ക് പഴയ തലമുറകളുടെ അനുഭവസമ്പത്തും പ്രായോഗിക പരിജ്ഞാനം കൈമാറാനുള്ള മികച്ച ഒരു വേദിയായി സംഗമം. ഒട്ടേറെ പരിപാടികൾ ശ്രദ്ധേയമായിരുന്നു വയോജന ദിനാചരണം. 'ഓർമ്മ കൂട്ട്', 'രുചി കൂട്ട്', 'ചോദ്യ കൂട്ട്' എന്നീ വ്യത്യസ്ത പ്രോഗ്രാമുകൾ ചടങ്ങിൽ നടത്തി. ചടങ്ങ് ഇ.ടി മുഹമ്മദ് ബഷീർ എംപി ഉദ്ഘാടനം ചെയ്തു

ഉപ്പിലിട്ട ഓർമ്മകൾ .ഇ .ടി മുഹമ്മദ് ബഷീർ ഉത്ഘാടനം ചെയ്യുന്നു
ഉപ്പിലിട്ട ഓർമ്മകൾ
ഉപ്പിലിട്ട ഓർമ്മകൾ

ഗാന്ധി ജയന്തി

രാഷ്ട്രപിതാവ് ഗാന്ധിജിയുടെ 150 ആം ജന്മ വാർഷിക ദിനത്തിൽ അരീക്കോട് സ്കൂളിലെ എൻഎസ്എസ് വളണ്ടിയർമാർ ചാലിയാർ തീരം ശുചീകരിച്ചു. പ്രളയ ശേഷം ഉണ്ടായ മണൽത്തിട്ടയിൽ അടിഞ്ഞു കൂടിയ പ്ലാസ്റ്റിക് വേസ്റ്റുകൾ കുട്ടികൾ നാട്ടുകാരുടെ സഹായത്തോടുകൂടി ശുചീകരിച്ചു. സന്തോഷ് ട്രോഫി താരം വൈ.പി മുഹമ്മദ് ശരീഫ് പരിപാടി ഉദ്ഘാടനം ചെയ്തു

വെള്ളപ്പൊക്കത്തിന് ശേഷം ചാലിയാർ തീരം ശുചീകരിക്കുന്ന എൻ.എസ്.എസ് വിദ്യാർത്ഥികൾ
വിദ്യാർത്ഥികൾ ശുചീകരണ പരിപാടികളിൽ
വെള്ളപ്പൊക്കത്തിന് ശേഷം ചാലിയാർ തീരം ശുചീകരിക്കുന്ന എൻ.എസ്.എസ് വിദ്യാർത്ഥികൾ

ഞാറ് നടീൽ

സുല്ലമുസ്സലാം ഓറിയന്റൽ ഹയർസെക്കൻഡറി സ്കൂളിലെ എൻഎസ്എസ് സ്കൗട്ട്സ് ഗൈഡ്സ് യൂണിറ്റുകളുടെ ആഭിമുഖ്യത്തിൽ യുവകർഷകൻ നൗഷർ കല്ലടയുടെ വെള്ളയിൽ 70 സെന്റ് ചാലി പാടത്തു വിദ്യാർഥികൾ ഞാറുനട്ടു.കാഞ്ചന ഇനത്തിൽപ്പെട്ട വിത്താണ് ജൈവകൃഷിക്ക് വേണ്ടി ഉപയോഗിച്ചത്. അഴീക്കോട് എഫ് ഐ സി കെ നൗഷാദ് ഞാറുനടൽ ഉദ്ഘാടനം ചെയ്തു. കഴിഞ്ഞവർഷം ഐശ്വര്യ ഇനത്തിൽപെട്ട നെല്ലിൽ ഇറക്കിയിരുന്നു. കൊച്ചിയിൽ നിന്ന് ലഭിക്കുന്ന അരി സ്കൂളിലെ ഉച്ചഭക്ഷണ പദ്ധതി ലേക്ക് നൽകും

ഞാറു നടീൽ ഉത്ഘാടനം അരീക്കോട് എസ്.ഐ നൗഷാദ് ചെയ്യുന്നു
വിദ്യാർത്ഥികൾ ഞാറു നടീലിൽ
വിദ്യാർത്ഥികൾ ഞാറു നടീലിൽ

കൂട്ടായ്മയുടെ കൈപ്പുണ്യം

സഹപാഠിക്കൊരു വീട്പദ്ധതിക്കു വേണ്ടി 'കൂട്ടായ്മയുടെ കൈപുണ്യം ' ഭക്ഷ്യമേള നവ്യാനുഭൂതിയായി. സ്വന്തമായി ഒരു വീട് എന്ന രണ്ട് സഹപാഠികളുടെ സ്വപ്നം പൂവണിയിക്കാൻ മറ്റു കൂട്ടുകാർ കൈകോർത്തപ്പോൾ രക്ഷിതാക്കളും അയൽവാസികളും നാട്ടുകാരും അതിന് പിന്തുണയേകി.സ്കൂൾ കുട്ടികൾ തയാറാക്കിയ 50 സ്റ്റാളുകൾക്ക് പുറമെ പൂർവ്വ വിദ്യാർഥികൾ ഒരുക്കിയ ഒരുമ-92 സ്റ്റാളും, അധ്യാപകരുടെ 'ഉസ്താദ്കുശിനി' സ്റ്റാളും ശ്രദ്ധേയമായി. ലൈവ് കിച്ചൻ, ഇഷൽ തക്കാരം,നാട്ടു ചന്ത, ഉസ്താദ് കുശിനി, മെഹന്തി ഫെസ്റ്റ് എന്നിവയിലൂടെ ലഭിക്കുന്ന വരുമാനത്തിൽ നിന്നാണ് സ്കൂളിലെ നിർധനരായ രണ്ട് വിദ്യാർഥികൾക്ക് വീടെടുത്ത്നൽകുന്നത്. ഉമ്മമാർ വീടുകളിൽ നിന്നുംപാചകം ചെയ്തുകൊണ്ട് വന്ന വ്യത്യസ്തയിനം വിഭവങ്ങളാണ് പ്രത്യേകം സജ്ജമാക്കിയ കൗണ്ടറുകളിൽ വിൽപനക്കെത്തിയത്.തൽസമയം ഉണ്ടാക്കിയ രുചികരമായ ഭക്ഷണ സാധനങ്ങളും, നാടൻ ഉൽപന്നങ്ങളുടെ നാട്ടുചന് യും,മേളക്ക് മാറ്റുകൂട്ടി. 80 ഇനം വ്യത്യസ്തയിനം ബിരിയാണികളുടക്കം 500 ൽപരം രുചികരമായ ഭക്ഷണ സാധനങ്ങളാണ് ഭക്ഷ്യ മേളയിലെത്തിയത്. ഭക്ഷ്യമേള യിലൂടെ 23.5 ലക്ഷം രൂപയാണ് ലഭിച്ചത്. ഭക്ഷ്യ മേള കോഴിക്കോട് ഹൈസൺ ഹെരിറ്റേജ് എക്സിക്യൂട്ടീവ് ഷെഫ് ബിജു മാത്യു ഉദ്ഘാടനം ചെയ്തു. രണ്ട് വര്ഷം കൊണ്ട് സഹപാടിക്കൊരു വീട് പദ്ധതി വഴി സ്കൂളിന്റെ എൻ.എസ് .എസ് യൂണിറ്റ് 7 വീടുകളാണ് നിർമിച്ചു നൽകിയത്. കൂട്ടായ്മയുടെ കൈപ്പുണ്യം വഴി നിർമിച്ച വീടുകളുടെ ചിത്രങ്ങൾ കാണാൻ ഇവിടെ ക്ലിക്ക് ചെയ്യുക

കൂട്ടായ്മയുടെ കൈപ്പുണ്യം - ഭക്ഷ്യമേള ഉദഘാടന സെഷൻ
കൂട്ടായ്മയുടെ കൈപ്പുണ്യം - ഭക്ഷ്യമേള
കൂട്ടായ്മയുടെ കൈപ്പുണ്യം - ഭക്ഷ്യമേള

മനുഷ്യ ഇന്ത്യ

സ്കൂൾ എൻ.എസ്.എസ് യൂണിറ്റിന്റെ സപ്തദിന ക്യാമ്പിൻറ ഭാഗമായാണ് ഊർങ്ങാട്ടിരിയിൽ ലഹരിക്കെതിരെ ബോധവത്കരണത്തിന് വേറിട്ട പരിപാടി നടത്തി. മൈത്ര സ്റ്റേഡിയത്തിൽ വർണാഭമായ വേഷവിധാനം ചെയ്ത വിദ്യാർത്ഥികൾ ഒന്നിച്ചുചേർന്ന് ഭാരതത്തിന്റെ മാതൃക നിർമ്മിക്കുകയും അതിനുചുറ്റും പൊതുജനങ്ങൾ കൈകോർത്തുപിടിച്ച് മനുഷ്യച്ചങ്ങല തീർത്തുകൊണ്ടാണ് വിദ്യാർഥികൾ ലഹരിവിരുദ്ധ ബോധവത്കരണം നടത്തിയത്. നാട്ടുകാരും പങ്കെടുത്തു. കോഴിക്കോട് സർവകലാശാല വൈസ് ചാൻസലർ ഡോ. കെ മുഹമ്മദ് ബഷീർ ലഹരിക്കെതിരെ പ്രതിജ്ഞ ചൊല്ലിക്കൊടുത്തു. പൊതുജനങ്ങൾക്കായി നടത്തിയ 'അറിവരങ്ങ്' ക്വിസ് മത്സരത്തിന് നൗഷാദ് അരീക്കോട് നേതൃത്വം നൽകി.

ലഹരിക്കെതിരെ കാവലാൾ
ലഹരിക്കെതിരെ കാവലാൾ -പ്രതിജ്ഞ

കൊയ്ത്തുൽസവം

എൻ.എസ്.എസ്, സ്കൗട്ട്സ്, ഗൈഡ്സ് യൂണിറ്റുകളുടെ സംയുക്താഭിമുഖ്യത്തിൽ ആരംഭിച്ച സുഭിക്ഷം പദ്ധതിയിലൂടെ വിളയിച്ച് നെല്ലിന്റെ

കൊയ്ത്ത്തുത്സവം ഗ്രാമത്തിന്റെ ഉത്സവമായി. ഉദ്ഘാടനം വി.ടി ബൽറാം എം.എൽ.എ നിർവഹിച്ചു. യുവതലമുറയിൽ കാർഷിക അവബോധം സൃഷ്ടിക്കാൻ ഇത്തരത്തിലുള്ള പരിപാടികൾക്ക്സാ ധിക്കുമെന്ന് അദ്ദേഹം പറഞ്ഞു. കുട്ടികളുടെ അധ്വാനത്തെ ബൽറാം പ്രശംസിച്ചു. യുവകർഷകൻ നൗഷർ കല്ലടയുടെ വെളേളരി ചാലിപ്പാടത്താണ് ജൈവ നെൽകൃഷിയുടെ കൊയ്ത്തുത്സവം നടത്തിയത്. സ്വന്തമായി ഭക്ഷണം വിഷരഹിതമായി ഉണ്ടാക്കാനുള്ള നന്മയുടെ പാഠങ്ങളാണ് ചാലിപ്പാടത്ത് കുട്ടികൾ വിളയിച്ചത്. കൊയ്തെടുത്ത നൂറു പറ നെല്ല് സ്കൂളിന്റെ ഉച്ചഭക്ഷണ പദ്ധതിയിലേക്ക് കൈമാറാനാണ് ഉദ്ദേശ്യം. ഈവർഷത്തെ കരനെൽകൃഷിയിലൂടെ വിളവെടുത്ത കാഞ്ചന് ഇനത്തിൽപെട്ട വിത്താണ് ജൈവകൃഷിക്ക് വേണ്ടി ഉപയോഗിച്ചത്

അക്ഷരദീപം തുറന്ന ലൈബ്രറി

അരീക്കോട് സുല്ലമുസ്സലാം ഓറിയൻറൽ ഹയർ സെക്കൻഡറി സ്കൂളിൽ എൻഎസ്എസ് യൂണിറ്റിന്റെ ആഭിമുഖ്യത്തിൽ മൈത്ര ജിയുപിഎസിൽ 'തുറന്ന വായനശാല' ഹെഡ്മാസ്റ്റർ ശങ്കരൻ ഉദ്ഘാടനം ചെയ്തു ഹയർ സെക്കൻഡറി തലത്തിൽ എൻ.എസ്.എസ് യൂണിറ്റുകൾ ആരംഭിച്ചതിന്റെ സിൽവർ ജൂബിലി അവസരത്തിലാണ് ഇത്തരം 'തുറന്ന ലൈബ്രറി' എന്ന സംരംഭം ആരംഭിച്ചിട്ടുള്ളത്. എല്ലാവർക്കും പൊതുവായി ഉപയോഗിക്കുന്ന തരത്തിൽ ഒരു വായനശാല സജ്ജീകരിക്കുകയാണ് ഇതിന്റെ ലക്ഷ്യം. എൻ എസ്.എസ് വളണ്ടിയർമാർ തന്നെയാണ് ലൈബ്രറിലേക്കുള്ള പുസ്തകങ്ങൾ ശേഖരിച്ചത്. ഏകദേശം നൂറിനടുത്ത് പുസ്തകങ്ങളോടെയാണ് ലൈബ്രറി പ്രവർത്തനം ആരംഭിച്ചത്. എൻ എസ് എസ് പ്രോഗ്രാം ഓഫീസർ മുഹ്സിൻ ചോലയിൽ, കെ. അബ്ദുനസീർ, കെ മുഹമ്മദ് അജിതകുമാരി,ധനോജ് തുടങ്ങിയവർ സംസാരിച്ചു.

സഹപാഠിക്കൊരു വീട് -പ്രൊജക്റ്റ് ലൗഞ്ചിങ്

സുല്ലമുസ്സലാം ഓറിയന്റൽ ഹയർ സെക്കണ്ടറി സ്കൂളിലെ എൻ. എസ്. എസ് യൂണിറ്റിന്റെ ആഭിമുഖ്യത്തിൽ നടന്ന 'സഹ പാഠിക്കൊരു വീട് ' പ്രൊജക്റ്റ്‌ ലോഞ്ചിങ്‌ പി.വി അബ്ദുൽ വഹാബ് എം.പി നിർവഹിച്ചു. കൂട്ടായ്മയുടെ പുതിയ മാതൃകയാണ് ഫുഡ്‌ഫെസ്റ് സമ്മാനിച്ചതെന്ന് അദ്ദേഹം പറഞ്ഞു. കുട്ടികളിൽ മാനുഷിക ഗുണങ്ങൾ വളർത്തുന്ന ഇത്തരം പരിപാടികൾ ശ്ലാ ഘനീയമാണെന്നും അദ്ദേഹം കൂട്ടിച്ചേർത്തു. പദ്ധതിയുടെ ഭാഗമായി നിർമിക്കുന്ന അഞ്ചാമത്തെ വീടിന്റെ പ്രഖ്യാപനം കോഴിക്കോട് സർവകലാശാല സെനറ്അംഗം പ്രൊഫസർ എൻ വി അബ്ദുറഹിമാൻ നിർവഹിച്ചു . ഭക്ഷ്യമേളയിൽ നിന്ന് ലഭിച്ച വരുമാനത്തിലൂടെയാണ് 5 വീടും നിർമിക്കുന്നത്.സ്‌കൂളിലെ രണ്ടു വിദ്യാർത്ഥികൾക്ക് വീടുനിർമിക്കാനാണ് സഹപാഠികളും അദ്ധ്യാപകരും രക്ഷകർത്താക്കളും ചേർന്ന് ഫുഡ്‌ഫെസ്റ്റ് ഒരുക്കിയത്.ഇതിൽ നിന്നും ലഭിച്ച വരുമാനത്തിലൂടെയാണ് 5 വീടും നിർമിക്കുന്നത്. ഗ്രാമപഞ്ചായത് പ്രസിഡന്റ്‌ എംപി രമ, വൈസ് പ്രസിഡന്റ്‌ ഉമർ വെള്ളേരി, ബ്ലോക്ക്‌ പഞ്ചായത്ത് മെമ്പർ സി. അബ്ദുറഹിമാൻ എന്നിവർ ആശംസകൾ അർപ്പിച്ചു. ചടങ്ങിൽ പ്രിൻസിപ്പാൾ കെ ടി മുനീബുറഹ്മാൻ സ്വാഗതവും പി ടി എ പ്രസിഡന്റ്‌ അൻവർ കാരാട്ടിൽ അധ്യക്ഷതയും വഹിച്ചു. സഹപാഠിക്കൊരു വീട് നിർമാണ കമ്മിറ്റി ചെയർമാൻ എം പി ബി ഷൗക്കത്തലി, മാനേജർ കെ അബ്ദുസ്സലാം എന്നിവർ പങ്കെടുത്തു.ഹെഡ്മാസ്റ്റര് സിപി അബ്ദുൽ കരീം നന്ദി പറഞ്ഞു.

കൂട്ടായ്മയുടെ കൈപ്പുണ്യം വഴി നിർമികുന്ന അഞ്ചാമത്തെ വീടിന്റെ ലോഞ്ചിങ് പി.വി വഹാബ് എം.പി നിർവഹിക്കുന്നു

ജൈവ കരനെൽ കൃഷി

അരീക്കോട് സുല്ലമുസ്സലാം ഓറിയൻറൽ ഹയർസെക്കൻഡറി സ്കൂളിലെ എൻഎസ്എസ് യൂണിറ്റിന്റെ ആഭിമുഖ്യത്തിൽ പരിസ്ഥിതി ദിനാചരണത്തോടനുബന്ധിച്ച് യുവകർഷകൻ നൗഷർ കല്ലടയുടെ ഒരു ഏക്കർ ഭൂമിയിൽ ജൈവ കരനെൽ കൃഷിയിറക്കി. ഐശ്വര്യ ഇനത്തിൽപ്പെട്ട വിത്താണ് കൃഷിക്ക് ഉപയോഗിച്ചത്. തുടർച്ചയായ രണ്ടാം വർഷമാണ് വിദ്യാർത്ഥികൾ കര നെൽ കൃഷി നടത്തുന്നത്.