എസ്.എൻ.ഡി.പി.എച്ച്.എസ്.എസ്. വെൺകുറിഞ്ഞി/വിദ്യാരംഗം
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
കേരളസർക്കാരിന്റെ പൊതുവിദ്യാഭ്യാസവകുപ്പിന്റെ സംരംഭമാണ് വിദ്യാരംഗം കലാസാഹിത്യവേദി. കുട്ടികളുടെ സർഗ്ഗശേഷി വികസിപ്പിക്കുന്നതിനു വിദ്യാലയങ്ങളിൽ പ്രവർത്തിക്കുന്ന ഒരു സംഘടനയാണിത്. മനുഷ്യത്വം വളർത്തിയെടുക്കുക എന്ന ലക്ഷ്യമാണ് വിദ്യാരംഗം കലാസാഹിത്യവേദിക്കുളളത്. വിദ്യാലയങ്ങളാണ് വേദിയുടെ പ്രവർത്തനത്തിന്റെ തുടക്കം. അദ്ധ്യാപകൻ ചെയർമാനും വിദ്യാർത്ഥികളിൽ ഒരാൾ കൺവീനറുമായി വേദിയുടെ സംഘടനാപ്രവർത്തനം ആരംഭിക്കുന്നു. സബ്ജില്ലാതലത്തിൽ ഉപജില്ലാവിദ്യഭ്യാസ ഓഫീസർ ചെയർമാനും അദ്ധ്യാപകൻ കൺവീനറുമായി ജില്ലാതലത്തിൽ ഇതിനു സംഘടനാരൂപമുണ്ട്. വിദ്യാരംഗം മാസികയുടെ പത്രാധിപസമിതിയാണ് സംസ്ഥാനാടിസ്ഥാനത്തിൽ കലാസാഹിത്യവേദിക്ക് വേണ്ട നിർദ്ദേശങ്ങൾ നൽകുന്നതു. വിദ്യഭ്യാസ ഡയരക്ടർ ആണ് വിദ്യാരംഗം മാസികയുടെ പ്രവർത്തനങ്ങളെ നിയന്ത്രിക്കുന്നത്.
വിദ്യാലയ പ്രവർത്തനാരംഭത്തിൽ തന്നെ വായനാദിനാചരണവും വായനാവാരവും ആചരിക്കുക, വായനാമത്സരം നടത്തുക, നല്ല വായനക്കാരെ തെരഞ്ഞെടുക്കുക, വായനയുടെ പ്രാധ്യാന്യം ഉൾക്കൊളളുന്ന പ്രബന്ധമത്സരം, പ്രഭാഷണങ്ങൾ എന്നിവ സംഘടിപ്പിക്കുക, ലൈബ്രറി പുസ്തക വിതരണം കാര്യക്ഷമമാക്കുക തുടങ്ങിയവ വിദ്യാരംഗം കലാസാഹിത്യവേദിയുടെ പ്രവർത്തനങ്ങളാണ്..
വാഗ്മയം 2025
വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ വാഗ്മയം പ്രതിഭാ പരീക്ഷ ജൂലൈ 17, 2025-ന് (വ്യാഴാഴ്ച) ഉച്ചയ്ക്ക് 2 മണിക്ക് സ്കൂളിൽ വിജയകരമായി സംഘടിപ്പിച്ചു. പരീക്ഷ 3.30 ന് സമാപിച്ചു. വിവിധ ക്ലാസുകളിലായി എല്ലാ കുട്ടികളും ഉത്സാഹപൂർവം പരീക്ഷയിൽ പങ്കെടുത്തു.
ക്ലാസ് അധ്യാപകർ പരീക്ഷയ്ക്ക് നേതൃത്വം നൽകി. ഉത്തരക്കടലസുകളുടെ മൂല്യനിർണയം അധ്യാപകരുതന്നെ നിർവഹിച്ചു. ഉപജില്ലാതല മത്സരത്തിനായി തെരഞ്ഞെടുക്കപ്പെട്ട കുട്ടികളുടെ വിവരങ്ങൾ ഉപജില്ല വിദ്യാഭ്യാസ ഓഫീസർക്ക് കൈമാറി.
സബ് ജില്ല പ്രബന്ധ അവതരണം
വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ റാന്നി സബ് ജില്ല തലത്തിൽ എം.ടി യുടെ മഞ്ഞ് എന്ന നോവലിനെ അടിസ്ഥാനമാക്കി ജൂലൈയ് 23 ന് നടന്ന പ്രബന്ധ അവതരണത്തിൽ നമ്മുടെ പത്താം ക്ലാസിൽ പഠിക്കുന്ന ഷിയോണ ബാബു പ്രബന്ധം അവതരിപ്പിക്കുന്നു. ഇത് ഉപ ജില്ലയിലെ മികച്ചതായി തെരെഞ്ഞെടുക്കുകയുണ്ടായി.