എസ്.എം.എച്ച്.എസ് മേരികുളം/ജൂനിയർ റെഡ് ക്രോസ്

മതവർഗ്ഗ വർണ്ണ ദേശഭേദങ്ങൾക്കെല്ലാം അതീതമായി പ്രവർത്തിക്കുന്ന ഒരു സാ‍ർവദേശീയ ജീവകാരുണ്യപ്രസ്താനമാണ് ജൂണിയർ റെഡ്ക്രോസ്. മേരി കുളം സെന്റ് മേരീസ് ഹൈസ്കൂളിലെ 80 കുട്ടികൾ JRC യിൽ അംഗങ്ങളായിട്ടുണ്ട്. 8-ാം ക്ലാസ്സിൽ 30, 9-ാം ക്ലാസ്സിൽ 30, 10-ാം ക്ലാസ്സിൽ 20 എന്നിങ്ങനെ കുട്ടികൾ JRC യിൽ അംഗങ്ങളായിട്ടുണ്ട്. 10-ാം ക്ലാസ്സിലെ കുട്ടികൾ A,B LEVEL പരീക്ഷകൾ പൂർത്തിയാക്കി സ്കൂൾതല ക്യാമ്പും പൂ‍ർത്തീകരിച്ച് ഫെബ്രുവരി 18 ന് സി- ലെവൽ പരീക്ഷ എഴുതാൻ തയ്യാറെടുക്കുന്നു. കോവി‍ഡ് മഹാമാരിയുടെ പശ്ചാത്തലത്തിൽ വീട്ടിലിരുന്നപ്പോഴും Vaccine challenge, Mask challenge തുടങ്ങിയ സാമൂഹ്യ, ജീവകാരുണ്യപ്രവർത്തനങ്ങ ളിലും JRC Cadet -കൾ പങ്കെടുത്തു. ഓരോ കുട്ടിയും 10 മാസ്ക് വീതം തയ്യാറാക്കി അധികാരികളെ ഏൽപ്പിച്ചു. പരിസ്ഥിതി സംരക്ഷണ പ്രവർത്തനങ്ങളിലും JRC Cadet -കൾ സജീവമായി പങ്കെടുത്തു. ജൂൺ 5 പരിസ്ഥിതി ദിനത്തോടനുബന്ധിച്ച് നടത്തിയ 'എന്റെ മരം ,എന്റെ ജീവൻ' പദ്ധതിയിലും JRC അംഗങ്ങൾ പങ്കെടുത്തു. ഓരോ കുട്ടിയും 5 വൃക്ഷത്തൈകൾ വീതം അവരവരുടെ പരിസരത്ത് നടുകയും എല്ലാ മാസവും അതിന്റെ വളർച്ച പരിശോധിച്ച് പ്രവർത്തന റിപ്പോർട്ട് നൽകുകയും ചെയ്തുവരുന്നു. ആരോഗ്യമുള്ള ശരീരത്തിലെ ആരോഗ്യമുള്ള മനസ്സുണ്ടാകൂ, എന്ന തത്വം ഉൾക്കൊണ്ടുകൊണ്ട്, ആരോഗ്യസംരക്ഷണ കാര്യങ്ങളിലും കുട്ടികൾ ശ്രദ്ധ പുലർത്തുന്നു. JUNIOR RED CROSS ഈശ ഫൗണ്ടേഷനോടൊപ്പം സഹകരിച്ചു നടത്തിയ 7 ദിവസത്തെ ഓൺലൈൻ യോഗാ പരിശീലനത്തിൽ ജെ.ആ‍.സി കേഡ റ്റുകൾ പങ്കെടുക്കുകയും സർട്ടിഫിക്കറ്റിനർഹരായിത്തീരുകയും ചെയ്തു. എല്ലാ ജീവകാരുണ്യ, സാമൂഹിക, സന്നദ്ധ പ്രവർത്തനങ്ങളിലും JRC Cadet -കൾ സജീവമാ യി പങ്കെടുത്തുവരുന്നു.