എസ്.എം.എച്ച്.എസ്.എസ് അറക്കുളം/ചരിത്രം
| സ്കൂൾ | സൗകര്യങ്ങൾ | പ്രവർത്തനങ്ങൾ | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
മലകളും പുഴകളും പൂക്കളും നിറഞ്ഞ് മനോഹരമായ അറക്കുളം ഗ്രാമം. വിവിധ ദേശങ്ങളിൽ നിന്ന് കുടിയേറിയ അദ്ധ്വാനശീലരായ കർഷകരുടെ സ്വപ്നങ്ങളും പ്രതീക്ഷകളും വരുംതലമുറയുടെ വിദ്യാധനത്തിൽ കരുതി വയ്ക്കാൻ ആഗ്രഹിച്ചിരുന്ന കാലം. ഈ സ്വപ്നസാക്ഷാത്ക്കാരത്തിന്റെ പൂർത്തീകരണമായിരുന്നു 1982 ൽ അറക്കുളം പുത്തൻപള്ളിയുടെ കീഴിൽ അനുവദിച്ചു കിട്ടിയ സെൻ്റ്. മേരീസ് ഹൈസ്കൂൾ.
സെൻ്റ് മേരീസ് പുത്തൻപള്ളിയുടെ പാരീഷ്ഹാളിലായിരുന്നു തുടക്കം. 83 വിദ്യാർത്ഥികളും 5 അധ്യാപകരുമായി തുടങ്ങിയ ഹൈസ്കൂളിലെ പ്രഥമ മാനേജർ റവ. ഫാ. മൈക്കിൾ കൊട്ടാരവും ഹെഡ്മിസ്ട്രസ് റവ. സിസ്റ്റർ സിറിൾ എസ്. എച്ചും ആയിരുന്നു. 1985ലെ ആദ്യ എസ്.എസ്.എൽ.സി. ബാച്ച് 100% വിജയത്തോടെ പുറത്തു വന്നപ്പോൾ ഒരു ഗ്രാമത്തിൻ്റെ സ്വപ്നങ്ങളും പ്രാർത്ഥനകളും സഫലമായി. തുടർന്ന് നാളിതുവരെ പാഠ്യപാഠ്യേതര രംഗ ങ്ങളിലെല്ലാം തിളക്കമാർന്ന വിജയം നേടാൻ സ്കൂളിനു കഴിഞ്ഞു. ഈ മികവിനുള്ള അംഗീകാരം കൂടിയായിരുന്നു 1998 ൽ അനുവദിച്ചു കിട്ടിയ ഹയർ സെക്കൻഡറി സയൻസ് ബാച്ചുകളും ഒരു ഹ്യൂമാനിറ്റീസ് ബാച്ചും ഒരു കൊമേഴ്സ് ബാച്ചും ഉൾപ്പെടുന്ന ഹയർസെക്കൻഡറി വിഭാഗവും അഭിമാനിക്കത്തക്ക നേട്ടങ്ങൾ കൊയ്തു കഴിഞ്ഞു.
ഇന്ന് അറക്കുളം സെൻ്റ് മേരീസ് ഹയർസെക്കൻഡറി സ്കൂളിൽ ആയിര ത്തോളം വിദ്യാർത്ഥികൾ അധ്യയനം നടത്തുന്നു. അധ്യാപക-അനധ്യാപക വിഭാ ഗങ്ങളിലായി അൻപതോളം പേർ സേവനം ചെയ്യുന്നു.