ഇന്നെന്റെ ഭൂമി കേഴുന്നു
ഇന്നെന്റെ ഭൂമി തേടുന്നു
പച്ചപുൽമേടും പാടങ്ങളും
തെളിനീരൊഴുകുന്ന പുഴകളും
തുള്ളിക്കളിക്കും അരുവികളും
എങ്ങുപോയ് എങ്ങുപോയെന്നു
ഇന്നെന്റെ ഭൂമി തേടുന്നു
വറ്റിവരണ്ടു പുഴകളെല്ലാം
കത്തിക്കരിഞ്ഞു പാടങ്ങളെല്ലാം
ഇടിച്ചുതാഴ്ത്തി കുന്നുകളെല്ലാം
പടുത്തുയർത്തി മണിമാളികകൾ
മനുഷ്യൻ തന്നുടെ സുഖത്തിനായി
ഇന്നെന്റെ ഭൂമി കേഴുന്നു