ദൈവകോപമോ പ്രകൃതിക്ഷോഭമോ മനുഷ്യ ദുഷ്കൃത്യ ഫലങ്ങളോ എന്നറിയില്ല
നാം തൻ നേർക്കുനേർ നിൽക്കുന്നത് എല്ലാം
മാനവ മനസ്സുകളെ ഭീതിയിലാഴ്ത്തും
ജീവാപായം വരുത്തും കാലനോയിതെന്നു തോന്നും
ഭീതിപൂർണ്ണമാമീ ദുരവസ്ഥയ്ക്ക് എന്തു കാരണം?
വിഭ്രാന്തി പരത്തും അപകടകാരിയോ
ഒരുവനിൽ നിന്ന് സമൂഹത്തിലേക്ക്
പടർന്ന് പിടിപെടും വ്യാധിയിത്
മഹാ ദോഷമായി ജീവഹാനിയിത്
വിശ്വവ്യാപകമാം പകർച്ചവ്യാധിയിത്
തലയ്ക്കു മീതെ വാളായി നിലകൊള്ളും
ഭീകരനാം മഹാമാരി കൊറോണയാമിത്
കരുതാം പൊരുതാം ഒന്നായി നാം
ആരോഗ്യ പാലനം ശ്രദ്ധിക്കാം
ഒത്തൊരുമയോടെ ജീവിക്കാം
കൊറോണക്കെതിരായ പോരാടാം
വൈറസ് കണ്ണികളെ തച്ചുതകർത്തു
പുതു ലോകത്തെ നമുക്ക് ഉണർത്താം