ഇനിവരുന്നൊരു തലമുറയ്ക്ക്
കോറോണ നല്ലൊരു പാഠമായി
സുഖം തേടി വളർന്ന മനുഷ്യനു
ഭൂമി നൽകിയ ശിക്ഷണം
മർത്ത്യരുടെ കണ്ണുകൾക്ക്
കാണുവാൻ കഴിയില്ലെങ്കിലും
പൂട്ടി അവരെ വീടിനുളളിൽ
അടച്ചു പൂട്ടി വൈറസ്
ഭൂമി കുലുക്കുകയും ജലപ്രളയവും
മർത്യനേകിയപാഠങ്ങൾ
മറന്നു വീണ്ടും സ്വാർത്ഥനായി
വെടിഞ്ഞു സർവമൂല്യവും
പിൻതിരിഞ്ഞു നോക്കുവാൻ
തെററുകൾ തിരുത്തുവാൻ
മനുഷ്യനായി ജീവിക്കാനിന്ന്
പ്രകൃതി നല്കിയ പാഠമല്ലോ.
സർവജീവിജാലത്തെയും
ഇണക്കി മെരുക്കിയ മർത്യനെ
വീടിനുളളിൽ അടച്ചു പൂട്ടി
കുഞ്ഞുവൈറസ് ഭീകരനായി.
സോദരരെ കാണുന്നേരം
കുമ്പിടാൻ പഠിപ്പിച്ചു
കൈകൾ കഴുകിവെടിപ്പാക്കീടേണ
മെന്ന ശീലം പഠിപ്പിച്ചു.
അകന്നിരുന്ന് സ്നേഹത്തിൽ
ഒരുമിക്കാൻ പഠിപ്പിച്ചു
ഉളളതെന്തും പങ്കുവെച്ച്
തൃപ്തരാകാൻ നാമിന്ന് ശീലിച്ചു.
ഒരുമയോടെ പൊരുതിടാംനമ്മുക്കിന്ന്
ധീരരായി ജീവിക്കാം
നല്ല നാളെ പുലർന്നിടാനായ്
നമ്മുക്കൊന്നു ചേർന്ന് പ്രയത്നിക്കാം.